YOBA 7:7 - Jinghpaw Common Language Bible 2009

⁷ O Karai Kasang e, nye a asak gaw nsoi nsa langai sha rai nga ai hpe dum u law. nye a kabu gara ai mung htum mat sali ai.

Jinghpaw Hanson Version Bible

⁷ Nye a asak gaw nbung rai nga ai hpe, dum nga u. Nye a myi gaw mai kaja ai hpe bai mu sana, n rai.

YOBA 7:7 ပူးပေါင်းရင်းမြစ်များ

NINGPAWT NINGHPANG 42:36

Shanhte a kawa gaw shanhte hpe, “Nye a kasha ni yawng hpe jasum kau shangun na nanhte ra nga myit ni? Yosep n nga sai, Simun mung n nga sai. Ya Benyamin hpe mung la kau ya na nanhte ra sharawng nga myit dai. Ngai mahtang dai nni nkri hpe hkam sha ai wa rai nga n hka!,” ngu nna tsun wu ai.

NEHEMIA 1:8

Nang Mawshe hpe tsun da sai ga hpe ya dum nga u: ‘Nanhte Israela amyu masha ni ngai hpe n kam n sham myit dai rai yang, ngai nanhte hpe kaga masha amyu ni a lapran de shabra kau na made ai.

YOBA 10:20

Nye a asak gaw ganoi lai mat wa sai n rai ni? Ngai hpe hkrai kau da e! Ngai hpe aten mi kabu gara shangun na, ngai hpe hkrai tawn da e law.

YOBA 10:9

Nang gaw ngai hpe kagam ga hte hpan da nga ndai hpe dum u; ngai hpe ga nhpu de bai nhtang wa shangun na a ni?

YOBA 7:16

Asak hkrun lam hpe hki ba dum nga nngai majaw asum jaw nngai. Nye a asak hkrun lam lachyum n pru shangun nga ai majaw ngai hpe hkrai kau da e.

YOBA 9:25

Nye a nhtoi ni gaw gat chyang ai wa hta grau lawan ti mung, dai nhtoi langai mi mung mai kaja lam byin wa ai n rai.

SHAKAWN KUNGDAWN 39:6

shingnip langai mi hta pyi grau nga ai n rai. Shi galaw ai lam yawng mayawng mung kaman a matu rai nga ai; shi gaw sut gan hpe mahkawng da ti mung dai hpe kadai lu la na ra ai gaw, n chye nga ai.

SHAKAWN KUNGDAWN 4:6

“Madu e, anhte hpe chyeju grau nna jaw ya mi; matsan dum ai myit hte anhte hpe mada mara ya mi,” nga nna masha law law wa akyu hpyi nga ma ai.

SHAKAWN KUNGDAWN 74:18

Rai ti mung, Madu e, na a gumlau hpyen ni nang hpe asawng asang di nga ai hpe, dum nga u.

SHAKAWN KUNGDAWN 74:22

Karai Kasang e, rawt u, nang galaw ai amu hpe makawp maga u! karai kata ai masha ni gaw shani tup nang hpe mani asawng nga ma ai hpe dum nga u.

SHAKAWN KUNGDAWN 78:39

Shanhte gaw si chye ai hkrung kanu ni sha rai nga ai; nbung bung lai mat wa nna me rai, mat mat ai nbung zawn rai nga ma ai hpe shi dum ya wu ai.

SHAKAWN KUNGDAWN 89:47

Nye a asak kade daram kadun nga ai hpe dum nga u; si mat chye ai anhte yawng hte hpe nang hpan da nga ndai hpe mung dum u.

SHAKAWN KUNGDAWN 89:50

Na a mayam wa, ngai kade asawng asang hkrum nga nngai rai ti mung, tara maigan ni a dagam dala ga hpe gara hku ngai hkam sharang nga ai hpe rai ti mung, hkum malap kau ya e.

YEREMIA 15:15

Dai hpang, ngai gaw, “Madu e, nang chye nga ndai; ngai hpe dum nga e law. Ngai hpe zingri zingrat ai ni hpe ngai matai dawp lu n-ga law. Shanhte ngai hpe sat ai hta awng dang ai hpe grai wa hkum yu sharang nga et. Na a majaw ngai n kaw n law hkrum nga nngai hpe dum nga u.

YAKU 4:14

Nanhte gaw hpawt ni e nanhte a asak hpa byin na ra ai hpe pyi nanhte n chye nga myit dai! Nanhte gaw chyahkring mi sha mawng kahpawk dan pru nna bai hkoi mat ai wan hkut hte bung nga myit dai.