YOBA 7:5 - Jinghpaw Common Language Bible 2009

⁵ Nye a hkum shan gaw byet ni hte hpring nga ai, dai gaw gyi ku ni hte ka-up nga ai; hpye ai ningma ni kaw na matswi ni abyi pru nga ai.

Jinghpaw Hanson Version Bible

⁵ Byet hte hkagrwi gaw, nye a hkum shan hpe ka-up nga ai; nye a hkum hpyi ga kaprang wa nna, matswi abyi nga ai.

YOBA 7:5 ပူးပေါင်းရင်းမြစ်များ

YOBA 13:28

Dai lam a majaw, ngai gaw yat tsam mat ai hpun zawn, manut e sha jahten kau ai ntsa palawng zawn ngai mahtang hten mat nngai.

YOBA 17:14

Ngai gaw lup sung hku hpe nye kawa ngu nna shaga na nngai; ngai hpe sha ai byet ni hpe nye kanu, nye kajan ni ngu nna shaga na nngai.

YOBA 17:7

Nye a yawn hkyen ai gaw ngai hpe ganoi noi myi n mu shangun kau nga ai; nye a lata lahpum hte lagaw ni shingnip shingna zawn hpa nga li ai.

YOBA 19:20

Nye a hpyi shan gaw nrut nra ni hta kap noi mat nga ai; nye a asak hpe pyi tsam mari sha shalawt la lu nngai.

YOBA 19:26

Nye a ahpyi shan ana zinli hte sha kau ai hkrum ti mung, naw ngam nga ai ndai hkum shan hte nan Karai Kasang hpe ngai mu lu na nngai.

YOBA 24:20

Ya pyi, shi a kanu shi hpe dum ai n rai; shanhte gaw byet e sha kau hkrum nna agrawp daw mat ai hpun zawn hten za mat nga ma ai.

YOBA 9:31

Karai Kasang gaw ngai hpe maza mala nhkun de kabai bang ai rai nna, nye a hpun palawng ni pyi ngai hpe matsat kau nga ai.

ESAIA 1:6

Abaw kaw nna lagaw du hkra na a hkum hkrang hta hkam kaja ai shara ngu na mi n nga lit dai. Nang gaw hkum ting hpye ai nma, hkala nba re ai nma hkang katsing ni hte ahpye alam rai nga ndai. Na a nma ni kashin jasan kau hkrum ai n rai, ahkyen kayawp hkrum ai n rai. Dai ni hta tsi bang ya hkrum ai n rai.

ESAIA 14:11

Nang gaw tingse sumpyi ni hte shagrau sha-a hkrum ga yu nit dai, rai ti mung ya chyawm gaw nang ndai katsan ga e rai nga nit dai. Nang gaw byet panep ntsa e kaleng taw nga ai hte latung nba hte htinggrum da hkrum nga ndai.”’

ESAIA 66:24

“Shanhte pru sa wa yang, ngai hpe gumlau ai ni a moi mang ni hpe shanhte mu na mara ai. Dai ni hpe sha ai byet ni gaw galoi mung si htum mat na n rai, shanhte hpe hkru ai wan mung galoi mung kyip mat na ra ai n rai. Shanhte hpe mu ai lam gaw masha yawng mayawng a matu matsat shabat tai na ra ai.”

EZEKELA 20:43

Dai hpang, nanhte galaw kau sai matsat shabat amu mahkra hte kaning rai nanhte hkum ni hpe awu asin di kau sai lam ni hpe nanhte dum wa na marin dai. Nanhte galaw hkrup kau sai n hkru n shawp ai amu mahkra a majaw nanhte nan nanhte a hkum hpe matsat kau na marin dai.

KASA 12:23

Dai shaloi jang Herod Hkawhkam gaw Karai Kasang hpe n shagrau n sha-a n kaw n law di wu ai majaw dai Madu a lamu kasa shi hpe kadawng taw mat shangun nna kan shingtai byet manu ni e sha nna si mat wa sai.