YOBA 7:18 - Jinghpaw Common Language Bible 2009

¹⁸ Nang gaw shi hpe jahpawt shagu san jep yu nhtawm ahkying aten shagu shi hpe dinglik yu nga ndai.

Jinghpaw Hanson Version Bible

¹⁸ jahpawt shagu shi hpe kawan katsan nna, ahkying shagu shi hpe dinglik yu na gaw, shi hpa wa mi rai nga a hka?

YOBA 7:18 ပူးပေါင်းရင်းမြစ်များ

NINGPAWT NINGHPANG 22:1

Ya aten ram ram na mat ai hpang, Karai Kasang gaw Abraham hpe chyam yu na nga shi hpe, “Abraham!,” ngu nna shaga wu ai. Abraham mung, “Rai sa, ngai nang e nga nga nngai!,” ngu nna htan wu ai.

YOBA 14:3

Karai Kasang e, nang ngai hpe mada yu nna, ngai hpe tara jashawn let jeyang na ngu wu ni?

YOBA 23:10

Rai tim, ngai hkawm ai lagaw lahkam shagu hpe Karai Kasang chye nga ai; shi ngai hpe chyam dinglik yu ai rai yang, ngai san seng nga nngai hpe shi mu lu na ra ai.

SHAKAWN KUNGDAWN 73:14

O Karai Kasang e, nang ngai hpe shani tup nni nkri jahkrum da nga ndai; nang ngai hpe jahpawt shagu ari jaw nit dai.

PRU MAT 20:5

Kaning re ai hpara sumla hpe mung hkum kadawng, hkum nawku et. Ngai gaw dai Madu na a Karai Kasang rai nga nngai majaw shingjawng kashun ai hpe ngai hkam sharang nngai n rai; ngai hpe n dawng n yawt ai amyu matu ni hpe ban masum mali du hkra ngai ari jaw nngai.

PRU MAT 32:34

Ya chyawm gaw ngai nang hpe tsun na shara de ndai amyu masha ni hpe woi sa su. Nye a lamu kasa nang hpe lam madun la na ra ai hpe adum nga u; rai ti mung shanhte shut hpyit kau ai yubak a matu ndai amyu masha ni hpe ngai ari jaw na aten gaw du na ra ai,” ngu nna tsun wu ai.

ESAIA 26:14

Ya chyawm gaw shanhte si mat masai, bai hkrung wa lu na ma ai n rai; shanhte a minla ni rawt wa na mara ai n rai, hpa majaw nga yang nang gaw shanhte hpe ari jaw nna shanhte hpe jahten kau nit dai. Kadai mung shanhte hpe galoi mung dum nga ai n rai.

YEREMIA 9:7

Ndai lam a majaw Chyahtum Chyalai N-gun Rawng ai dai Madu gaw, “Ngai gaw nye a amyu masha ni hpe nhprang arai hpe zawn jen yu na nngai, shanhte hpe ngai chyam dinglik yu na nngai. Nye a amyu masha ni gaw n hkru ai amu galaw masai- Shanhte hpe ngai kaning di lu na rai ta?

Daniela 12:10

Masha law law mung san seng wa na mara ai. N hkru ai ni chye na hkawn hkrang na ma ai n rai, rai ti mung n hkru ai hku sha hkan na mara ai; hpaji rawng ai ni chyu sha chye na hkawn hkrang wa na mara ai.

ZEHPANI 3:5

Rai ti mung, dai Madu gaw dai mare hta ya du hkra nga nga nna, shi gaw teng man ai amu galaw let n shawp n kap ai amu hpe galoi mung n galaw nga ai. Jahpawt shagu n hprai ai sha, shi gaw shi a amyu masha ni hpang de tara malang ai hku shapraw dan nga ai. Rai tim, n teng n man ai masha ni gaw shut hpyit ai amu ni hpe matut galaw nga ma ai hte kaya n chye nga ma ai.

ZEHKARIA 13:9

Ngai gaw dai naw hkrung nga ai htam mi hpe wan hte jasan jaseng la ai gumhpraw zawn shanhte hpe jasan jaseng nna chyam yu na nngai; ngai gaw aja hpe chyam yu ai zawn shanhte hpe chyam yu na nngai. Dai shaloi shanhte ngai kaw hpyi wa nna, ngai mung shanhte hpe htan ya na nngai. Shanhte gaw nye a amyu masha ni rai nga ma ai lam ngai shanhte hpe tsun dan na nngai, ngai gaw shanhte a Karai Kasang rai nga nngai hpe shanhte yin la na mara ai,” ngu nna tsun ai.

TARA JAHPRANG 8:16

Nanhte a nji nwa ni pyi galoi mung garai n sha yu ai Manna lusha hpe nam mali e jaw ya wu ai. Nanhte hpe chyam yu na nga, yak hkak jam jau jahkrum nhtawm jahtum e nanhte hpe mai kaja ai sut rai ni hte shaman ya wu ai.

1 PETRU 1:7

Dai chyam dinglik hkrum ai lam gaw Karai Kasang hpe nanhte kam sham ai myit gaw jet nga ai kun? jen yu na matu rai nga ai. Jahten kau lu ai ja hpe pyi gaw wan hta ju shabyawng nna jen kau ra ai rai nna ja hta grau hpu reng ai nanhte a makam masham hpe mung ngang grin nga na matu jen kau hkrum lu na rai nga ai. Shing rai yang Yesu Hkristu bai dan pru ai nhtoi hta shakawn kungdawn ai, hpung shingkang hte arawng sadang hpe nanhte hkam la na marin dai.