YOBA 7:16 - Jinghpaw Common Language Bible 2009

¹⁶ Asak hkrun lam hpe hki ba dum nga nngai majaw asum jaw nngai. Nye a asak hkrun lam lachyum n pru shangun nga ai majaw ngai hpe hkrai kau da e.

Jinghpaw Hanson Version Bible

¹⁶ Ngai n-gun yawm wa nngai; tutnawng hkrung nga na, n rai; ngai hkrai nga nga n ga; nye nhtoi ni nbung hkrai rai nga ai.

YOBA 7:16 ပူးပေါင်းရင်းမြစ်များ

NINGPAWT NINGHPANG 27:46

Rebeka gaw Isak hpe, “Ngai gaw Esaw a maigan num ni a majaw hki ba ai hte masin yu machyi la nga nngai. Yaku mung ndai Heti numsha ni hta na langai mi hpe la hkrup ai rai yang gaw si mat na mahtang ngai ging nga nngai,” ngu nna tsun wu ai.

1 HKAWHKAM 19:4

Elia mahtang nam mali kata de lani mi tup hkawm shang mat wa wu ai. Shi hkring nna hpun langai a shingnip hta dung nga let, shi si mayu nu ai hpe hpyi nga wu ai. Shi gaw, “Madu e, dai gaw nau wa rai la sai, nye asak hpe dawm la ya ni; ngai gaw si na mung rai nga nngai!,” ngu nna hpyi tsun wu ai.

YOBA 10:1

Ngai gaw asak hkrung nga ai hta hki ba nga nngai. Nye a ahkup ahka nga ai aput angun ga hpe madat ya e.

YOBA 10:20

Nye a asak gaw ganoi lai mat wa sai n rai ni? Ngai hpe hkrai kau da e! Ngai hpe aten mi kabu gara shangun na, ngai hpe hkrai tawn da e law.

YOBA 14:6

Anhte hpe myi man kayin kau nna anhte hpe chyu tawn kau da u; anhte amu galaw shaja ai nhtoi htum ai du hkra, anhte a hki ba ai asak hkrun lam hpe kabu gara shangun mi.

YOBA 6:9

Shi shawng sa magang nna ngai hpe sat u ga!

YOBA 7:15

hkum hkrang hta nchyi nmu rai hkam sha nga na hta, du manat sat kau hkrum na hpe ngai grau ra sharawng nngai.

YOBA 7:7

O Karai Kasang e, nye a asak gaw nsoi nsa langai sha rai nga ai hpe dum u law. nye a kabu gara ai mung htum mat sali ai.

YOBA 9:21

Ngai gaw mara n kap nngai, rai ti mung ngai hta hpa byin wa na lam hpe pyi hpa zawn n nawn nngai. Ngai gaw asak hkrun lam hpe n dawng nngai; nye a matu hpa mung n ahkyak nga ai; mara n kap ai rai ti mung, kap ai rai ti mung, Karai Kasang gaw anhte hpe shamyit kau na ra ai.

SHAKAWN KUNGDAWN 144:4

Shinggyim masha gaw nsa sa lai nbung hte bung nga ai, shi a nhtoi ni lai mat wa ai shingna zawn rai nga ai.

SHAKAWN KUNGDAWN 39:10

Ngai hpe ari hkum jaw sa! Nang adup ai a jaw e, ngai si wa magang nga nngai.

SHAKAWN KUNGDAWN 39:13

Ngai garai n si mat wa yang, kabu gara let nga lu na matu ngai hpe masin hkum pawt nga e law.

SHAKAWN KUNGDAWN 39:6

shingnip langai mi hta pyi grau nga ai n rai. Shi galaw ai lam yawng mayawng mung kaman a matu rai nga ai; shi gaw sut gan hpe mahkawng da ti mung dai hpe kadai lu la na ra ai gaw, n chye nga ai.

SHAKAWN KUNGDAWN 62:9

Shinggyim masha yawng hte gaw nsa sa lai nbung kasha zawn sha rai nga ma ai; galu kaba ai wa hte kaji kadun ai wa mung, maren sha manu n dan nga ai. Shanhte hpe joi hta shen yu ai shaloi, shanhte a namnak hpa mung n rawng nga ma ai; shanhte gaw nsa sa lai nbung hta pyi grau nna tsang nga ai.

SHAKAWN KUNGDAWN 78:33

Dai re ai majaw, shanhte a shani nhtoi ni hpe nsa zawn; shanhte a asak ni hpe kajawng kaja re ai tsin-yam tsindam ni hte jahtum kau ya wu ai.

SHAKAWN KUNGDAWN 78:39

Shanhte gaw si chye ai hkrung kanu ni sha rai nga ai; nbung bung lai mat wa nna me rai, mat mat ai nbung zawn rai nga ma ai hpe shi dum ya wu ai.

HPAJI NINGLI 2:17

Dai rai nna, asak hkrun lam hta ru yak tsin-yam tsindam hkrum hkra ai hta kaga lam magup gaw nye a matu kaman lila hkrai rai nga ai majaw nye a matu hpa lachyum n pru nga ai. Dai ni yawng gaw kaman lila hkrai rai nga sai; ngai mung nbung hpe hkan shachyut kau ni ai.

YEREMIA 8:3

Ngai shanhte hpe shaden kau dat ai shara ni hta e naw ngam nga ai ndai n hkru ai amyu masha ni gaw asak hkrung matut nga na hta si mat na hpe grau ra sharawng wa na mara ai. Chyahtum Chyalai N-gun rawng ai dai Madu ngai nan tsun ni ai.”

YONA 4:3

Ya chyawm gaw, Madu e, ngai hkrung nga na hta si mat na mahtang grau kaja nga ai rai nna nye a asak dawm la kau ya rit law,” ngu nna hpyi tsun wu ai.

YONA 4:8

Ajan pru jang, Karai Kasang gaw kahtet ai sinpraw nbung shangun dat ai hte Yona a baw ntsa e jan ja bun nga ai majaw ganoi noi malap mat wu ai. Dai rai nna shi gaw si mat na hpe ra sharawng nga ai. Shi gaw, “Ngai gaw hkrung nga na hta si mat na mahtang grau kaja nga nngai,” ngu nna tsun wu ai.