YOBA 7:11 - Jinghpaw Common Language Bible 2009

¹¹ N rai law! Ngai gaw atsin sha nga lu na n rai! Ngai gaw masin pawt ai hte ahkup ahka ngu la nngai majaw nye a lajin ga naw tsun na nngai.

Jinghpaw Hanson Version Bible

¹¹ Dai rai nna, ngai gaw nye a n-gup hpe ip da na, n rai: nye a wenyi hki ba ai hte ga tsun na nngai, nye a myit karen ai majaw, lajin ga tsun na nngai.

YOBA 7:11 ပူးပေါင်းရင်းမြစ်များ

NINGPAWT NINGHPANG 42:21

Shanhte mung dai ga hpe myit hkrum ya mu ai rai nna, shanhte shada da mung, “Rai sa, anhte a kanau wa hpe anhte galaw kau ai amu ni a majaw ya, anhte nni nkri hkrum sha nga saga ai; shi a myit masin hta na ru yak tsin-yam tsindam kaba hpe anhte mu nna, karum la na matu shi hpyi nem ti mung, anhte n madat kau ya saga ai. Dai re ai majaw ya anhte ndai ru yak tsin-yam tsindam hkrum sha nga saga ai,” ngu nna tsun hkat ma ai.

YOBA 10:1

Ngai gaw asak hkrung nga ai hta hki ba nga nngai. Nye a ahkup ahka nga ai aput angun ga hpe madat ya e.

YOBA 10:15

Ngai shut hpyit mara galaw ai shaloi jang, ngai hta ru yak tsin-yam hkrum nngai, rai ti mung, jaw ai amu hpe ngai galaw ai shaloi, ngai gaw arawng sadang hkam la lu ai n rai. Ngai gaw nni nkri hte kaya kahpa e htinggrum da hkrum nga nngai.

YOBA 13:13

Asim sha nga mu, ga shaga na ahkang ngai hpe jaw mi, ngai hta hpa byin yang mung byin wa nu ga.

YOBA 16:6

Rai ti mung, ngai hpa n tsun ai sha karum na nngai; atsin zim rai nga ai gaw nye a nchyi nmu hpe shazim ya lu nga ai n rai.

YOBA 21:25

Kaga ni kabu gara lam hkam la ma ai n rai; shanhte gaw ahkup ahka nga ai myit masin hte asak hkrung nna si wa ma ai.

YOBA 36:21

N hkru ai de n kayin mat wa na matu sadi u; na a nni nkri hkam sha ai gaw n hkru ai amu galaw ai kaw nna shingdang shangun nga ai.

YOBA 6:26

Ngai shaga nga ai ga gaw kaman lila hte nbung sha re, ngu nna nanhte myit nawn da myit dai; dai rai yang, nye a myit htum ga ni hpe nanhte hpa majaw htan myit ni?

YOBA 9:27

Nye a nchyi nmu hpe malap kau na matu ngai mani dan yang, nye a nni nkri yawng gaw ngai hpe shingran bai mu shangun na ra ai; Karai Kasang gaw ngai hpe mara n shagun ai, nga na n rai nga ai hpe ngai chye nngai.

SHAKAWN KUNGDAWN 39:3

myit ru myit tsang ai gaw, ngai hpe ka-up kau nga li ai. Ngai grau myit ru magang, ru tsang ai gaw ngai hta grau law wa magang rai nga ai; Ngai n san ai sha n nga lu nga nngai.

SHAKAWN KUNGDAWN 40:9

Madu e, na amyu masha ni yawng a shawa hpawng hta nang anhte hpe hkye hkrang la ai dai kabu gara shiga hpe ngai tsun dan ni ai. Dai hkaw tsun ai lam hpe ngai galoi mung jahkring kau na n rai nga ai hpe nang chye nga ndai.

ESAIA 38:15

Ngai hpa tsun lu na rai ta? Dai Madu gaw ndai amu galaw nu ai. Nye a myit masin nni nkri hkrum nga ai, ngai n lu yup nngai.

ESAIA 38:17

Nye a nchyi nmu re ai gaw ngwi pyaw sim sa wa na ra ai. Nang gaw nye a asak hpe hkrit hpa yawng kaw na hkye la nga ndai; Nang gaw nye a yubak mara yawng hpe raw ya nga ndai.

LUKA 22:44

Myit masin hta dik hkra nni nkri hkrum nga ai majaw, shi grau nna akyu hpyi shaja wu ai. Shi a salu salat mung sai kahte ni zawn ga de hkrat lu ai.

2 KORINHTU 2:4

Ngai gaw tsin-yam tsindam myit ru myit yak grai hkrum nna myi prwi law law pru let dai laika hpe ka dat se ai. Nye a yaw shada ai lam gaw nanhte hpe myit yawn shangun na matu n rai; Nanhte hpe ngai gade daram tsaw ra nga ai hpe chye shangun mayu ai majaw ka dat ai rai nga ai.