YOBA 7:1 - Jinghpaw Common Language Bible 2009

¹ Shinggyim masha a asak gaw hpyen amu galaw shadut hkrum ai zawn mung, lata amu galaw shaja ai asak hkrun lam zawn mung,

Jinghpaw Hanson Version Bible

¹ Shinggyim masha gaw, ga ntsa e hpyen gasat hkrai hkrum nga ai, n rai ni? Shi a nhtoi ni gaw nchyang wa a nhtoi zawn rai nga ai, n rai ni?

YOBA 7:1 ပူးပေါင်းရင်းမြစ်များ

YOBA 10:17

Nang gaw ngai hpe mara shagun na sakse nkau mi tut nawng lu ndai; na a masin kahtet ai gaw ngai hpang maga de grau grau law wa nga ai; nang gaw gasat ladat nnan tut nawng maw mawn nga ndai.

YOBA 14:1

Anhte yawng gaw n-gun kya ai hte shangai wa nna matsan mayan hkrum ai ni hkrai rai nga ga ai. Yawng gaw aprat kadun nna ruyak tsin-yam tsindam hte hpring ai asak hkrun lam hkrai rai nga ai.

YOBA 5:7

Teng teng n rai a hka! wan num-ya ni ntsa de kaja wa poi lung wa ai zawn, anhte gaw tinang a matu ru yak tsin-yam tsindam jahkrum la nga ga ai.

YOBA 7:2

mayam gaw katsi ai shingnip hpe marit nga ai zawn mung, amu galaw ai wa gaw shi a shabrai jaw ya na matu ala nga ai wa zawn mung rai nga ai.

SHAKAWN KUNGDAWN 39:4

“Madu e, ngai gaw galoi du hkra hkrung nga lu na rai nga a ta? Ngai galoi si na rai nga a ta? Nye a asak galoi wa mi she htum mat na, ngai hpe tsun dan e law.”

HPAJI NINGLI 8:8

Kadai mung tinang hkum hpe n si shangun lu ai n rai; tinang a si nhtoi hpe htawt sit kau lu ai n rai. Si hkrung si htan gaw hpyen majan kaw na hprawng lawt lu ai n rai, kadai mung n hkru ai amu a shingdu e makoi nga lu ai n rai.

ESAIA 16:14

Ya chyawm gaw, dai Madu gaw, “Moba a galu kaba ai sut gan gaw masum ning laman hta teng teng hkoi mat na ra ai. Dai mung na masha law law hta na nkau mi sha asak hkrung nga na mara ai, shanhte gaw n-gun kya mat na mara ai,” ngu nna tsun wu ai.

ESAIA 21:16

Dai hpang Madu gaw ngai hpe, “Kedara amyu bawsang ni a galu kaba ai gaw laning mi tup hta htum mat wa na ra ai.

ESAIA 38:5

“Dai Madu na a nji nwa Dawi a Karai Kasang ngai gaw na a akyu hpyi ga hpe na ni ai; na a myi prwi ni hpe mu ni ai; ngai nang hpe asak shi manga ning jat ya na nngai.

ESAIA 40:2

Yerusalem amyu masha ni hpe n-gun jaw mu. Shanhte aten galu mi hkrum sha lai wa sai nni nkri hte ya raw dat hkrum sai shanhte a yubak mara ni a lam shanhte hpe tsun dan mu. Ngai gaw shanhte hpe shanhte galaw ai yubak mara yawng a matu hpring tup hkra ari jaw ni ai,” ngu nna tsun ai.

JAW JAU 25:50

Shi gaw shi hpe mayam hku mari la ai wa hte bawng jahkrup nna, shan gaw mayam wa shi hkum dut kau ai aten kaw nna Shalawt Dat ai Shaning bai du hkra na shaning ni hti nhtawm nchyang wa hpe jaw ai manu hte maren, shi a lawt lam a matu manu tawn da ya na nu ai.

TARA JAHPRANG 15:18

Na a mayam wa hpe shabawn dat ai rai yang, myit nchyi nmu hkum rai et. Shi gaw na a matu kru ning tup daw jau ya nit dai rai nna nchyang langai a jahpu ka-ang hkup hte maren galaw nu ai. Ndai ga matsun hte maren galaw u, shaloi dai Madu nanhte a Karai Kasang nanhte galaw ai lam magup hte hpe shaman ya na ra ai.