YOBA 6:9 - Jinghpaw Common Language Bible 2009

⁹ Shi shawng sa magang nna ngai hpe sat u ga!

Jinghpaw Hanson Version Bible

⁹ Karai Wa gaw ngai hpe shaza kau u ga; shi a lata ladawn nna, ngai hpe jahtum kau u ga.

YOBA 6:9 ပူးပေါင်းရင်းမြစ်များ

1 HKAWHKAM 19:4

Elia mahtang nam mali kata de lani mi tup hkawm shang mat wa wu ai. Shi hkring nna hpun langai a shingnip hta dung nga let, shi si mayu nu ai hpe hpyi nga wu ai. Shi gaw, “Madu e, dai gaw nau wa rai la sai, nye asak hpe dawm la ya ni; ngai gaw si na mung rai nga nngai!,” ngu nna hpyi tsun wu ai.

YOBA 10:1

Ngai gaw asak hkrung nga ai hta hki ba nga nngai. Nye a ahkup ahka nga ai aput angun ga hpe madat ya e.

YOBA 11:20

Rai ti mung n hkru ai ni gaw myit htum ai hte hkan gawan yu na mara ai, shanhte a hprawng lawt shara mu tam na n rai. Shanhte a myit mada shara langai gaw si hkrung si htan du sa wa na lam rai nga ai.

YOBA 14:13

Nang ngai hpe katsan ga e makoi da na hpe ngai ra sharawng nngai; na a masin kawp ai aten du hkra ngai makoi nga n-ga, dai hpang ngai hpe dum nga na matu aten langai masat da ya e law.

YOBA 19:21

Nanhte gaw nye a manang ni rai nga myit dai! Ngai hpe matsan yu dum la mi law! Karai Kasang a lata hte ngai hpe kayat kadang tawn nu ai.

YOBA 6:8

Karai Kasang gaw ngai hpyi ai hpe hpa majaw n jaw lu na rai ta? Shi gaw nye a akyu hpyi ga hpe hpa majaw n htan ya lu na rai ta?

YOBA 9:21

Ngai gaw mara n kap nngai, rai ti mung ngai hta hpa byin wa na lam hpe pyi hpa zawn n nawn nngai. Ngai gaw asak hkrun lam hpe n dawng nngai; nye a matu hpa mung n ahkyak nga ai; mara n kap ai rai ti mung, kap ai rai ti mung, Karai Kasang gaw anhte hpe shamyit kau na ra ai.

SHAKAWN KUNGDAWN 32:4

Madu e, nang ngai hpe shani shana ari jaw nit dai; ginhtawng ta na kang kahtet ai a majaw, madi manyap shara ni hkun hkraw mat wa ai zawn, nye a n-gun atsam mung tsep kawp htum mat nga sali ai.

ESAIA 38:12

Sum run hpya kau hkrum ai zawn, Da lang kaw na sumpan rep la kau hkrum ai zawn, Nye a asak sumri dan kau hkrum ai hte htum mat nga sai. Karai Kasang gaw nye a asak hpe jahtum kau ya nga sai ngu, ngai myit nawn kau nngai.

YONA 4:3

Ya chyawm gaw, Madu e, ngai hkrung nga na hta si mat na mahtang grau kaja nga ai rai nna nye a asak dawm la kau ya rit law,” ngu nna hpyi tsun wu ai.

YONA 4:8

Ajan pru jang, Karai Kasang gaw kahtet ai sinpraw nbung shangun dat ai hte Yona a baw ntsa e jan ja bun nga ai majaw ganoi noi malap mat wu ai. Dai rai nna shi gaw si mat na hpe ra sharawng nga ai. Shi gaw, “Ngai gaw hkrung nga na hta si mat na mahtang grau kaja nga nngai,” ngu nna tsun wu ai.

SHINGRAN 9:6

Dai shata manga laman shanhte si nhpang tam na mara ai; rai ti mung shanhte dai hpe mu na mu ai n rai; shanhte si mayu na mara ai, rai tim si hkrung si htan gaw shanhte kaw na hprawng mat na ra ai.