YOBA 5:9 - Jinghpaw Common Language Bible 2009

⁹ Shi galaw ai galu kaba ai amu ni hte htum ngu n nga ai shi a mauhpa amu ni hpe anhte n chye lu nga ga ai.

Jinghpaw Hanson Version Bible

⁹ Shi gaw galu kaba ai hte n dang chye ai amu galaw nga ai; n dang hti ai mauhpa bungli shachyen nga ai:

YOBA 5:9 ပူးပေါင်းရင်းမြစ်များ

YOBA 10:16

Ngai hta awng dang ai lam loi mi lu la yang, hkanghkyi zawn nang ngai hpe gyam nna ngai hpe nni nkri jahkrum na nga, mauhpa amu ni hpe pyi nang galaw ndai.

YOBA 13:1

Nang tsun ai lam magup hpe shawng de ngai na yu se ai. Dai lam yawng mayawng hpe ngai chye na nngai; nang dang lu ai made galaw ai amu hpe ngai chye nngai. Ngai gaw nanhte hta lawu grit nga nngai n rai.

YOBA 37:14

Yoba e, hkring mi hkring nna madat u; Karai Kasang galaw ai mauhpa amu ni hpe myit sumru yu u.

YOBA 37:16

Sumwi ni kaning rai sumsing lamu hta mawng nga ai mung, Karai Kasang a mauhpa kungkyang ai amu hpe mung nang chye n ni?

YOBA 37:5

Karai Kasang a hkang da ai ga gaw galu kaba ai amu ni, anhte n chye na lu ai mauhpa amu ni shabyin dat nga ai.

YOBA 42:3

Ngai grai angawk angak nga nngai shaloi na a hpaji byeng-ya ga hpe ngai kaning rai san gwi na gaw nang san nga ndai. Ngai n chye na hkraw ai lam ni hte nye a matu chye na na nau galu kaba ai mauhpa lam ni hpe ngai tsun hkrup se ai.

YOBA 9:10

Shi galaw ai amu kaba hpe anhte n dang chye lu ga ai; shi galaw ai mauhpa amu htum ngu n nga nga ai.

SHAKAWN KUNGDAWN 139:18

Dai hte hpe hti yu na nga yang, shanhte gaw zaibru hta n ga law htam nga ma ai. Ngai yup hprang wa ai shaloi, nang hte rau ngai naw nga na nngai.

SHAKAWN KUNGDAWN 145:3

Madu gaw galu kaba nga ai majaw, nachying shakawn ging ai wa rai nga ai; shi a galu kaba ai lam hpe n dang chye lu nga ai.

SHAKAWN KUNGDAWN 40:5

Anhte a Madu Karai Kasang e, anhte a matu nang galaw da ya sai amu ni gaw law la nga ai; nang hte bung ai wa kadai mung n nga nga ai! Anhte a matu mauhpa yaw shada lam law law hpe nang galaw da ya nit dai. Dai ni gaw nau law la ai majaw, dai ni yawng a lam hpe ngai dang hti lu ai n rai!

SHAKAWN KUNGDAWN 40:6

Nang gaw shagu hkungga ni hte wan nat hkungga ni hpe n sharawng nga ndai; tawn hkungri ntsa e, hkum ting nat nawng ai hkungga ni hte, yubak mara raw dat kau na matu nawng jau ai hkungga ni hpe, nang n hpyi nga ndai. Shing rai nawng jau ya na malai, nang tsun ai lam hpe na la na matu, nang gaw ngai hpe na lashing hpaw ya nit dai,

SHAKAWN KUNGDAWN 72:18

Madu Israela a Karai Kasang hpe shakawn mu! Shi chyu sha ndai mauhpa magam bungli ni hpe galaw nga ai.

SHAKAWN KUNGDAWN 86:10

Nang gaw galu kaba nga nna mauhpa amu ni hpe galaw nga ndai; nang chyu sha Karai Kasang rai nga ndai.

HPAJI NINGLI 3:11

Shi gaw yawng mayawng a matu jaw hkrak ai aten masat ya nu ai. Shi gaw anhte hpe du na ra ai aten hpe chye na lu ai myit jaw da mani ai, rai ti mung, shi galaw ai amu hpe myit dik hkra chye na hkawn hkrang shangun ai nyan anhte hpe galoi mung n jaw nga ai.

ESAIA 40:28

Nang n chye n ni? Nang n na yu n ni? Dai Madu gaw tut nawng agrin nga ai Karai Kasang rai nga ai; shi gaw mungkan ga yawng hpe hpan da nga ai. Shi gaw galoi mung gawng run ai n rai, hki ba ai n rai. Kadai mung shi a myit mang ai lam ni hpe n chye lu nga ai.

ROMA 11:33

Karai Kasang a chyeju gaw gade wa n taw n tsang law htam nga a hka! Karai Kasang a hpaji byeng-ya hte chye chyang ai lam gaw gade wa sung nga a hka! Shi a daw dan hparan ai lam ni hpe kadai wa sanglang htai dan lu a ta? Shi a lam ni hpe kadai wa chye na lu na a ta?