YOBA 5:8 - Jinghpaw Common Language Bible 2009

⁸ Ngai lama nang rai taw gaw, Karai Kasang hpang de ngai kayin wa ai hte nye a amu shi hpe ap ya na nngai.

Jinghpaw Hanson Version Bible

⁸ Ngai chyawm gaw, Karai Wa hpe tam na nngai; nye a amu, Karai Kasang kaw, ap ya na nngai.

YOBA 5:8 ပူးပေါင်းရင်းမြစ်များ

YOBA 11:13

Yoba e, na a myit masin hpe shading sharai u; Karai Kasang hpang de na a lata ladawn u.

YOBA 13:3

Rai ti mung, nye a ndang kalang ai gaw nanhte hte n rai, Karai Kasang hte she rai nga ai; shi hte sha nye a amu dangrang mayu nngai.

YOBA 22:21

Ya chyawm gaw, Yoba e, Karai Kasang hta ngwi pyaw sim sa lam galaw tawn u; gumlau hpyen zawn shi hpe hkum di et; shing rai galaw ai rai yang, shi nang hpe shaman ya na ra ai.

YOBA 22:27

Nang akyu hpyi yang, shi nang hpe htan ya na ra ai; nang sadi tawn da ai ga shaka hpe nang shatup na rin dai.

YOBA 8:5

Rai ti mung, ya chyawm gaw Chyahtum Chyalai N-gun Rawng Ai Karai Kasang hpang de kayin wa nna shi hpe hpyi nem let;

SHAKAWN KUNGDAWN 37:5

Na hkum dai Madu hpe ap ya u; shi hta kam hpa nga u, nang hpe shi karum la na ra ai.

SHAKAWN KUNGDAWN 50:15

Ru tsang hkrum ai shaloi, ngai hpe shaga e, ngai nang hpe hkye hkrang la na nngai; shing rai, nang ngai hpe shakawn na rin dai,” nga ai.

YEREMIA 11:20

Dai hpang, ngai gaw, “Chyahtum Chyalai N-gun Rawng ai Madu e, nang gaw teng man ai tara agyi wa rai nga ndai; nang gaw amyu masha ni a myit mang lam ni hte hkam sha lam ni hpe chyam dinglik yu nga ndai. Ngai gaw nye a amu na a lata hta tawn da ni ai; ndai amyu masha ni hpe nang matai dawp ai hpe ngai sin yu nga n-ga,” ngu nna hpyi nem we ai.

2 TIMOHTI 1:12

Dai lam a majaw ndai nni nkri ru yak jam jau ni hpe ngai hkam jan nngai, Rai ti mung nye a kam hpa ai myit gaw ngai hta naw hpring chyat nga ai. Hpa majaw nga yang, ngai kadai wa hpe kam manoi nga nngai gaw ngai chye nga ai hte ngai hpe kam nna nye a lata hta ap tawn da sai dai Kabu Gara Shiga hpe tara jeyang ai Shani Nhtoi du hkra makawp maga mahkyu da ya lu ai n-gun atsam shi hta rawng nga ai ngu nna ngai myit mu myit hkut nga nngai.

1 PETRU 2:23

Shi roi asawng hkrum ai shaloi, shi bai roi asawng htang ai n rai; shi nni nkri hkam ai shaloi shi jahkrit sharim ai lam n galaw ai sha teng man ai tara agyi Karai Kasang a lata hta shi a myit mada ai lam ni ap da nu ai.

1 PETRU 4:19

Dai rai nna shanhte a matu Karai Kasang a myit ra ai hku hte maren nni nkri hkrum ai ni gaw kaja ai amu bungli galaw nga let galoi mung sadi dung nga ai tinang a Hpan Da Madu hta awm dawm kam hpa nga mu ga.