YOBA 5:7 - Jinghpaw Common Language Bible 2009

⁷ Teng teng n rai a hka! wan num-ya ni ntsa de kaja wa poi lung wa ai zawn, anhte gaw tinang a matu ru yak tsin-yam tsindam jahkrum la nga ga ai.

Jinghpaw Hanson Version Bible

⁷ Wan numya ni ntsa de poi lung wa ai zawn, shinggyim masha gaw, tsin-yam hkrum na matu, shangai wa sai.

YOBA 5:7 ပူးပေါင်းရင်းမြစ်များ

YOBA 14:1

Anhte yawng gaw n-gun kya ai hte shangai wa nna matsan mayan hkrum ai ni hkrai rai nga ga ai. Yawng gaw aprat kadun nna ruyak tsin-yam tsindam hte hpring ai asak hkrun lam hkrai rai nga ai.

YOBA 7:1

Shinggyim masha a asak gaw hpyen amu galaw shadut hkrum ai zawn mung, lata amu galaw shaja ai asak hkrun lam zawn mung,

SHAKAWN KUNGDAWN 90:10

Anhte yawng lu ai asak gaw sanit shi ning rai nga ga ai. anhte n-gun ja ga ai rai yang chyawm gaw matsat shi ning du nga ga ai; ti mung, dai asak hkrung ai laman hte hta, ru tsang ai hte yawn hkyen ai hpe sha hkam sha nga ga ai, hkring mi rai jang asak mung lai mat wa nna anhte mung hkoi mat nga ga ai.

HPAJI NINGLI 1:8

Yawng mayawng gaw hki ba ai de woi sa ai-hki ba ai ngu ai ga gaw nau wa kaba la nga ai. Anhte a myi ni gaw myit dik hkra galoi mung n mu lu nga ai; anhte a na ni na lu na daram galoi mung n na lu nga ai.

HPAJI NINGLI 2:22

Nang gaw amu galaw ai hte na a asak hkrun lam ting hta myit ru ai hte de a matu madun dan na nang hpa lu a ta?

HPAJI NINGLI 2:23

Nang hkrung nga dingsa, nang galaw ai lam magup gaw kaman rai nga ai rai ti mung, myit ru ai hte baw machyi ai hkrai rai nga ai. Shana e pyi na a myit ban sa lu ai n rai. Dai yawng mayawng mung kaman lila rai nga ai.

YEREMIA 20:18

Ngai hpa majaw shangai wa nga a ta? Ru tsang hte yawn hkyen ai chyu sha hkrum let kaya hkrum ai hte nye a aprat jahtum kau na matu rai nga a ni?

1 KORINHTU 10:13

Nanhte hkrum hkra yu ai agung alau ni gaw, masha yawng hta byin hkrum ga ai baw sha rai nga ai. Rai ti mung Karai Kasang gaw, ga sadi dung ai Madu rai nna, nanhte hpe nanhte n hkam n jan lu ai agung alau hkrum shangun na myit dai n rai. Agung alau hkrum ai ten hta hkam jan lu ai n-gun lagaw jaw nna, dai agung alau kaw na lawt pru lu na hkat shi hpaw da ya na ra ai.