YOBA 5:6 - Jinghpaw Common Language Bible 2009

⁶ N hkru ai amu gaw ga nhpu hta tu ai n rai, ru yak tsin-yam tsindam mung ga hta na tu pru ai n rai.

Jinghpaw Hanson Version Bible

⁶ Nni nkri gaw ga nhpu hta na pru ai, n rai; tsin-yam tsindam gaw lamu ga hta na tu pru ai n rai.

YOBA 5:6 ပူးပေါင်းရင်းမြစ်များ

YOBA 15:35

Dai ni gaw ru yak tsin-yam tsindam maw mawn nna n hkru ai amu galaw ai ni rai nga ma ai; shanhte a myit kraw lawang ni hta masu hkalem ai ga ni hte tut nawng hpring nga ai.

YOBA 34:29

Karai Kasang gaw hpa mung n galaw na hku daw dan ai rai yang, kadai mung shi hpe sharu lu ai n rai. Shi a myi man makoi kau ai rai yang, masha gaw karum la lam kata rai na wu ai.

SHAKAWN KUNGDAWN 90:7

Na a pawt sindawng ai hta anhte jahten kau ai hkrum nga saga ai; na a masin kahtet ai hta anhte hkrit gari ai hkrum nga saga ai.

ESAIA 45:7

Ngai gaw nhtoi hte nsin hpe hpan nngai; Ngai gaw shaman chyeju hte tsin-yam tsindam hpe shabyin nngai. Dai Madu ngai gaw ndai amu ni yawng mayawng hpe galaw nngai.

SHARUNG SHAYAWT 3:38

Mai kaja ai hte n mai kaja ai mung shi a hkang da ai ga kaw nna maren sha byin pru nga ai.

HOSEA 10:4

Shanhte gaw ga kaman sha tsun nna, shut ai ga sadi hte akyu n rawng ai ga shaka ni tawn da nga ma ai. Teng man rap ra ai Tara gaw, lamu ga galau tawn da ai sun hta tu ai gung rawng ai tsing ni zawn n teng n man n rap n ra ai tai wa nga ai.

JAW JAU 25:5

Yi hkauna hta shi hkrai tu ai nhpan pyi dan la lu na n rai. N lajang sai sabyi sun na asi mung di shinggyin lu na n rai. Dai gaw mungdan ting hta tsep kawp ban sa la ai shaning rai nga ai.

AMO LAIKA (AMOS) 3:6

Mare kata hta majan pahtau dum ai nsen na yang, mare masha ni n hkrit na ma ni? Dai Madu gaw tsin-yam tsindam n dat dat yang, dai mare hta byin lu na rai nga a ni?

TARA JAHPRANG 32:27

Rai ti mung shanhte a gumlau hpyen ni nye a masha ni hpe dang kau ma ai shaloi, shanhte lu galaw ai ngu nna shanhte a shakawng shakat gumrawng na lam hpe ngai ahkang n lu jaw nngai; shanhte hpe ngai hkum nan agrawp kau nngai.’

HEBRE 12:15

Karai Kasang a chyeju kaw na htak mat wa ai lam n byin u ga, makawp maga nga mu. Hka ai hpun ru gaw tu kaba wa nna shi a gung hte jam jau law law jaw lu ai zawn, nanhte kadai hta mung dai zawn n byin u ga, sadi nga mu.

1 SAMUELA 6:9

Dai hpang, dai hkawm mat wa ai hpe azi yu mu; leng dai Bet Sheme mare maga de yawng sa mat wa ai rai yang gaw anhte a ntsa e Israela a Karai Kasang gaw ndai hkrit hpa ru yak tsin-yam tsindam shangun dat nu ai, dai gaw dai hku lachyum pru nga ai. Rai ti mung, dai hku n rai ai rai yang chyawm gaw, ana zinli hpe shi n shangun dat nga ai hpe anhte chye na ga ai; dai gaw majoi byin wa nna hkrum sha ai lam chyu rai nga ai,” ngu nna htan ma ai.