YOBA 5:5 - Jinghpaw Common Language Bible 2009

⁵ Kawsi kyet ai ni gaw angawk ai wa a nsi naisi ngu ai ju nhpan hta tu ai nai mam nsi hpe du hkra pyi sha na mara ai. Hpang gara ai ni chyawm gaw shi a sut gan hpe manawn na mara ai.

Jinghpaw Hanson Version Bible

⁵ Kawsi ai ni gaw, shi dan ai mam hpe lagu sha nna, ju nhpan kata na pyi kashun la mu ai; hpang kara ai ni gaw, shanhte a arung arai hpe, ma-ut kau ya mu ai.

YOBA 5:5 ပူးပေါင်းရင်းမြစ်များ

2 HKAWHKAM LABAU 33:11

Dai re ai majaw, dai Madu gaw Asuri hpyen luksuk a up hkang du ni hpe Yuda mung de sa shang gasat shangun wu ai. Shanhte gaw Manashe hpe rim la nhtawm chyinghkyi ni hte sin-yu ni hte hkang nna Babelon mung de woi mat wa ma ai.

YOBA 1:15

Sheba masha ni akajawng sha htim shang nhtawm dai ni yawng hpe la mat wa masai. Dai ni gaw ngai hta lai nna na a shangun ma ni hpe shanhte sat kau ma ai. Nang hpe shiga wa tsun dan lu na matu lawt wa hkrum ai gaw ngai chyu sha rai nga ai,” ngu nna tsun dan wu ai.

YOBA 1:17

Dai wa ga shaga garai n htum yang, kaga shangun ma langai bai hkan du nang nna, “Hkalde hpung masum htim lung wa nna anhte hpe sa gasat ma ai; shing rai gawla-uk ni hpe la mat wa nhtawm ngai hta lai kaga shangun ma ni yawng hpe mung sat kau ma ai. Nang hpe shiga wa tsun dan na matu sha hprawng lawt wa lu ai gaw ngai chyu sha rai nga nngai, ngu nna tsun wu ai.

YOBA 12:6

Rai ti mung lagu lagut ni hte karai kata masha ni ngwi pyaw sim sa ai hte nga lu ma ai; shanhte kam sham ai karai gaw shanhte hta rawng ai n-gun atsam rai nga malu ai.

YOBA 2:3

Dai Madu gaw, “Nang gaw nye a shangun ma Yoba hpe matsing da wu ni? Shi gaw kam sham nna mai kaja ai wa rai nhtawm shi zawn re ai mi, ginding aga ntsa e kadai n nga nga ai. Shi gaw ngai hpe nawku nna sadi sahka hte n hkru n hkra ai amu hpa hpe mung n galaw nga ai. Nang gaw mara hpa mung n nga ai shi hpe jahten kau shangun na matu ngai hpe hkalem nga ndai, rai ti mung Yoba chyawm gaw dinggrin naw kam sham nga ai wa rai nga ai,” ngu nna tsun wu ai.

YOBA 20:15

N hkru ai wa gaw shanhte lagu da ai sut gan madawn shapraw nga ai; Karai Kasang gaw dai hpe shanhte a kan kata kaw na pyi bai nhtang la nga ai.

YOBA 20:22

Shanhte awng dang ai madang wa tsaw nga yang, Nchyi nmu re ai namnak yawng gaw shanhte hpe apyet kau na ra ai.

YOBA 22:10

Dai rai nna, ya gaw na a grup yin shara shagu hkan nhkun ni nga nga ai; dai majaw akajawng sha nang hkrit wa wa rai nga ndai.

SHAKAWN KUNGDAWN 109:11

Shi a hka madu ni shi a sut gan arung arai yawng hte hpe la kau ya nga mu ga; masha tsasam ni mung, shi galaw ai bungli akyu mahkra hte hpe hkam sha lu mu ga.

ESAIA 62:8

Dai Madu gaw dagam ga sadi tawn da nu ai, Shi a daru magam n-gun hte shi gaw dai hpe shadan jahkung na ra ai: “Na a nsi naisi gaw na a gumlau hpyen ni a matu galoi mung lusha tai sana n rai, Maigan masha ni galoi mung na a sabyi ntsin lu na mara ai n rai.

YEREMIA 51:34

Babelon hkawhkam gaw Yerusalem hpe azat mani nna sha kau nu ai. Shi gaw namtau zawn; baren numraw gaw dai hpe mayu kau ai zawn mare hpe kaman di kau wu ai. Shi gaw shi ra sharawng ai hpe la nna ngam ai hpe kabai kau nu ai.

YEREMIA 51:44

Ngai gaw Babelon hpara ngu ai Bela hpara hpe ari jaw na nngai, shi lagu tawn da ai arung arai ni hpe nhtang ap shangun na nngai. Masha amyu baw ni gaw dai hpara hpe htawm hpang de galoi mung nawku na mara ai n rai. “Babelon mare bunghku ni kadawng mat masai.

SHARUNG SHAYAWT 2:16

Na a gumlau hpyen ni yawng nang hpe jawm ashu nhtawm n dawng ai myi hte nang hpe yu shati da ma ai. “Anhte ndai mare hpe jahten kau lu saga ai! Anhte myit mada ala nga ai shani gaw dai shani nan rai nga ai,” nga nna shanhte gaw shanhte nten ni maka let jawng kau ma ai.

SHARUNG SHAYAWT 2:5

Dai Madu gaw gumlau hpyen wa hpe zawn Israela hpe jahten sharun kau nu ai; Shi gaw hpyen dap ni hte hkawhkam htingnu ni hpe mung jahten shabyak kau nu ai. Shi gaw Yuda amyu masha ni a ntsa e htum n chye ai yawn hkyen lam hpe shapraw nu ai.

HOSEA 8:7

Shanhte nbung gat hkai ai shaloi, nbung laru shu la na mara ai! Yi hkauna na n myin ai nsi naisi gaw galoi mung muk n lu shapraw ya nga ai. Dai hta rawng tim pyi, maigan masha ni sha kau na mara ai.

TARA JAHPRANG 28:33

Nang hki ba let galaw shatut da ai nsi naisi yawng hpe maigan masha amyu baw ni htawm la kau ya na ra ai. Nang chyawm gaw dip gamyet sha hkrum ai hte zingri zingrat ahkrum nga na ra ai.

TARA JAHPRANG 28:51

Nanhte a yam nga hte nsi naisi ni hpe mung shanhte sha kau ya na mara ai; shaloi nanhte kawsi kyet si na rai myit dai. Shanhte gaw nsi naisi, sabyi ntsin, tsanlun sau, yam nga hpung hte sagu ni hpe nanhte a matu ngam da ya na ma ai n rai; nanhte si mat na marin dai.

TARA AGYI 6:11

Dai hpang dai Madu a lamu kasa mahtang Ohpra kahtawng de sa nna, Abieza lakung lama hta na Yoasha ngu ai wa madu da ai wamyi hpun nhpang e dung nga ai. Shi a kasha Gidon chyawm gaw Midian masha ni shi hpe n mu lu u ga, sabyi shup ai htumbyen hta hkaulan mam lagyim adup wu ai.