YOBA 42:9 - Jinghpaw Common Language Bible 2009

⁹ Elihpaza, Bildad, hte Zohpa hte gaw dai Madu shanhte hpe tsun ai hte maren galaw ma ai rai nna, Yoba a akyu hpyi ga ni hpe dai Madu htan ya wu ai.

Jinghpaw Hanson Version Bible

⁹ Shing rai, Teman masha Elihpa, Shuhi masha Bilda hte Nama masha Zohpa sa du nna, Yehowa shanhte hpe hkang da ai hte maren galaw mu ai: Yehowa mung, Yoba a myi man hpe tau ya wu ai.

YOBA 42:9 ပူးပေါင်းရင်းမြစ်များ

NINGPAWT NINGHPANG 20:17

Abraham a madu jan Sara hta byin lai wa sai lam a majaw dai Madu gaw Abimelek a hkaw wang na numsha kadai hpe mung kashu kasha n kap hkra dim da nu ai. Dai rai nna Abraham gaw Abimelek a matu akyu hpyi ya wu yang, shi hpe mung, shi a madu jan hte mayam num ni hpe mung Karai Kasang shamai ya nu ai rai nna shanhte gaw kashu kasha ni shaprat mu ai.

YOBA 2:11

Yoba a manang masum hte gaw Teman mare kaw nna Elihpaza, Shua mung na Bildad, Nama mung na Zohpa ni rai ma ai. Yoba gaw kade wa nni nkri hkrum sha nga sanu ai lam shanhte na ma yang, shanhte shi kaw sa nna shalan shabran na lam daw dan da ma ai.

YOBA 22:27

Nang akyu hpyi yang, shi nang hpe htan ya na ra ai; nang sadi tawn da ai ga shaka hpe nang shatup na rin dai.

YOBA 22:30

Nang gaw mara n kap ai sha nang galaw ai amu jaw ai rai yang, shi nang hpe hkye mawai la na ra ai.

YOBA 42:10

Yoba gaw shi a manang marai masum a matu akyu hpyi ngut jang, dai Madu gaw shi shawng e lu malu mahkra hta htam lahkawng bai jat ya let shi hpe bai ngamu ngamai shangun wu ai.

YOBA 42:8

Ya, usu sanit hte sagu la sanit Yoba hpang de la sa nna, dai ni hpe nanhte a matu shagu hkungga shatai let nawng ya mu. Shaloi, Yoba gaw nanhte a matu akyu hpyi ya na ra ai; ngai mung shi a akyu hpyi ga hpe htan ya na nngai; nanhte hkam la ging ai ari hte maren ngai kaya n jahkrum na nngai. Nanhte gaw shi galaw ai zawn nye a lam hpe teng man ai hku n tsun nga myit dai,” ngu nna tsun wu ai.

HPAJI NINGLI 9:7

Sa wa magang su, kabu gara ai hte na a lusha sha u; na a sabyi ntsin lu nna kabu pyaw nga u. Dai gaw Karai Kasang ra ai lam rai nga ai.

ESAIA 60:14

Nang hpe dip gamyet sha lai wa sai ni a aru arat ni gaw Shanhte a hkungga lara ai hpe madun na matu gum dagup na mara ai. Nang hpe lang mi n kaw n law di lai wa sai ni yawng na a lagaw nhpang e nawku na mara ai. Shanhte gaw nang hpe, ‘Dai Madu a Mare,’ ‘Ziun ngu ai, Israela a Chyoi Pra Ai Karai Kasang a Mare,’ ngu nna shaga na mara ai.

EZEKELA 14:14

Noa, Danela (Daniela) hte Yoba mying ai marai masum gaw, dai yang e nga nga ma ti mung, shanhte a mai kaja ai amu hte chyu sha shanhte a asak hpe hkye la lu na ma ai,” ngu nna tsun ai. Tsaw Htum ai dai Madu tsun nu ai.

MAHTE 7:24

“Ndai nye a ga na nna hkan galaw ai wa kadai mung, tinang a nta hpe lunghkrung ntsa e gap da ai hpaji rawng ai wa hte bung nga ai.

YAWHAN 2:5

Rai ti mung shi a kanu gaw, “Shi nanhte hpe tsun matsun galaw mu,” ngu nna shangun ma ni hpe tsun da mu ai.

KASA 10:33

Dai majaw, shaloi jang ngai nang hpang de shangun dat nna, ya nang du ai gaw mai kaja nga ai dai rai nna, dai Madu nang hpe hkang da mada hte hpe madat mara la na matu ya anhte yawng ndai kaw Karai Kasang a man e rai nga saga ai,” ngu nna tsun wu ai.

KASA 9:6

Rai ti mung, nang rawt u, mare de shang wa u. Nang galaw na lam dai kaw nang hpe tsun dan shangun na we ai,” nga nna tsun ai.

HEBRE 11:8

Abraham gaw, Karai Kasang shi hpe jaw na ngu nna ga sadi jaw da ai mung de pru sa wa na matu makam masham gaw shi hpe madat mara shangun wu ai. Dai rai nna shi gaw gade sa wa nga ai hpe shi n chye ti mung, shi a mungdan kaw na pru hkawm mat wa ai.