YOBA 42:3 - Jinghpaw Common Language Bible 2009

³ Ngai grai angawk angak nga nngai shaloi na a hpaji byeng-ya ga hpe ngai kaning rai san gwi na gaw nang san nga ndai. Ngai n chye na hkraw ai lam ni hte nye a matu chye na na nau galu kaba ai mauhpa lam ni hpe ngai tsun hkrup se ai.

Jinghpaw Hanson Version Bible

³ “Hpaji daw ai lam hpe myit n su ai hte shabyak ai wa gaw, kadai rai ta?” Dai re ai majaw ngai n chye na ai lam, ngai n dang chye ai mauhpa amu a lam, ngai tsun hkrup se ai.

YOBA 42:3 ပူးပေါင်းရင်းမြစ်များ

YOBA 11:7

Karai Kasang a galu kaba ai hte daru magam n-gun a masat jarit ni hpe nang mu sawk lu n ni?

YOBA 11:9

Karai Kasang a galu kaba ai lam gaw ginding aga hta grau dam nna panglai hta grau dam lada nga ai.

YOBA 13:1

Nang tsun ai lam magup hpe shawng de ngai na yu se ai. Dai lam yawng mayawng hpe ngai chye na nngai; nang dang lu ai made galaw ai amu hpe ngai chye nngai. Ngai gaw nanhte hta lawu grit nga nngai n rai.

YOBA 38:2

Nye a hpaji byeng-ya hpe na a myit n su ai lam hte ga laban ni hte san ai nang gaw kadai wa rai nga n ni?

YOBA 5:9

Shi galaw ai galu kaba ai amu ni hte htum ngu n nga ai shi a mauhpa amu ni hpe anhte n chye lu nga ga ai.

SHAKAWN KUNGDAWN 131:1

Madu e, ngai gaw nye a gumrawng gumtawng ai myit hpe kau da ni ai; nye a myit tsaw myit dap rawng ai akyang kaw nna mung kayin kau da ni ai. Ngai gaw kaba la ai amu ni hta na mung, nye a matu chye na na, nau wa yak la ai amu lamang ni hpe mung ngai myit n lawm nga nngai.

SHAKAWN KUNGDAWN 139:6

Nye a lam hpe chye ya ai na a machye machyang hpaji gaw nau sung la nga ai; dai gaw, nye a machye machyang hte n dang dep lu nga ai.

SHAKAWN KUNGDAWN 40:5

Anhte a Madu Karai Kasang e, anhte a matu nang galaw da ya sai amu ni gaw law la nga ai; nang hte bung ai wa kadai mung n nga nga ai! Anhte a matu mauhpa yaw shada lam law law hpe nang galaw da ya nit dai. Dai ni gaw nau law la ai majaw, dai ni yawng a lam hpe ngai dang hti lu ai n rai!