YOBA 4:7 - Jinghpaw Common Language Bible 2009

⁷ Ya gaw, nhtang myit yu u. Ding hpring ai masha langai tsin-yam tsindam hkrum yu ai shara langai mi a amu langai madun u.

Jinghpaw Hanson Version Bible

⁷ Ya dum u, mara kata ai wa, kadai hten byak hkrum nga a ta? Dinghpring ai wa gaw, kanang e htum wa sata?

YOBA 4:7 ပူးပေါင်းရင်းမြစ်များ

YOBA 36:6

Shi gaw yubak kap ai ni hpe asak hkrung nga shangun ai n rai; shi gaw matsan mayan masha ni hpe teng man ai hku tut nawng daw dan ya nga ai.

YOBA 36:7

Shi gaw ding hpring ai ni hpe makawp maga nga ai; shi gaw shanhte hpe hkawhkam ni zawn up hkang lu na ahkang jaw wu ai hte htani htana shagrau sha-a ai hkrum shangun nga ai.

YOBA 8:20

Rai ti mung Karai Kasang chyawm gaw kam sham ai wa hpe galoi mung kau da na ra ai n rai; n hkru ai masha ni hpe galoi mung karum ai n rai.

SHAKAWN KUNGDAWN 37:25

Ya chyawm gaw, ngai asak kaba ugut gu wa nga nngai, ngai gaw aten na na asak hkrung nga ni ai; rai ti mung, mai kaja ai masha wa hpe Madu kau da nna, shi a kashu kasha ni lusha hpyi sha hkawm ai hpe ngai galoi mung garai n mu yu nga nngai.

HPAJI NINGLI 7:15

Nye a asak hkrun lam gaw kaman lila nan rai mat sai, rai ti mung dai hta lam magup hpe ngai mu la se ai. Shanhte n hkru n hkra nga ai hte asak hkrung nga lu yang, mai kaja ai masha ni si mat chye nga ai.

KASA 28:4

Zunlawng na buga masha ni Pawlu lata hta kawa noi nga ai lapu hpe mu ma yang, “Gaja wa nan, ndai masha wa gaw masha sat ai wa langai mi rai teng sam ai. Panglai hta n si n mat asak lawt lu ti mung teng man ai tara gaw shi hpe asak hkrung nga na ahkang n jaw da wu hka!,” nga nna shada da tsun shajang ma ai.

2 PETRU 2:9

Dai re ai majaw Karai Kasang gaw tara hkung ga ai ni hpe shanhte hkrum hkra nga ai chyam dinglik ai lam ni a kata na gara hku mawai la na hte, n hkru n kaja ai ni hpe tara daw dan ai nhtoi du hkra gara hku ari jaw na hpe mung shi chye nga ai.