YOBA 4:6 - Jinghpaw Common Language Bible 2009

⁶ Nang gaw Karai Kasang hpe nawku ndai, na a asak hkrun lam gaw mara shagun shara n nga nga ai; dai rai nna nang gaw kam hpa ai hte myit mada shara lu la ang nga ndai.

Jinghpaw Hanson Version Bible

⁶ Nang tara hkungga ai gaw, na a myit machyu shara, na dinghpring ai lam gaw, na a myit mada shara rai nga ai, n rai ni?

YOBA 4:6 ပူးပေါင်းရင်းမြစ်များ

2 HKAWHKAM 20:3

“Madu e, ngai gaw nang hpe kangka ai hte sadi dung let daw jau ni ai; nang ra sharawng ai hpa lam hta rai ti mung ngai tut nawng shakut shaja galaw ai amu ni hpe dum ya e law.” Shi gaw ahkup ahka nga mat hkra hkrap let hpyi nem wu ai.

YOBA 1:1

Yoba mying ai wa gaw Uza mung e nga nga nna Karai Kasang hpe nawku ai hte shi hta sadi dung ai wa rai nga ai. Shi gaw mai kaja ai masha langai mi rai nna, sadi sahka hte n hkru n hkra ai amu hpa mung n galaw ai wa rai nga ai.

YOBA 13:15

Karai kasang ngai hpe sat ai rai yang, myit mada shara mahkra n nga mat na n rai ni? ngai gaw nye a amu hpe shi a man e tsun dan na nngai.

YOBA 16:17

rai ti mung, ngai gaw kashun kashe du daw sai hkaw ai amu a mara lu nngai n rai; Karai Kasang kaw hpyi ai nye a akyu hpyi ga gaw san seng nga li ai.

YOBA 17:15

Nye a myit mada shara kanang nga nga a ta? Dai hpe kadai mu lu a ni?

SHAKAWN KUNGDAWN 26:1

O Madu e, teng man ai lam hpe ngai galaw nna nang hta tsep kawp kam hpa nga nngai majaw ngai hpe mara n kap ai wa ngu nna htawn shana ya e.

SHAKAWN KUNGDAWN 27:3

Hpyen luksuk ni ngai hpe wang gawan da ti mung; ngai hkrit na nngai n rai, gumlau hpyen ni ngai hpe gasat yang pyi Karai Kasang hpe naw kam hpa nga na nngai.

GA SHAGAWP 14:26

Dai Madu hpe hkrit hkungga ai gaw dinghku masha ni hte shi a matu, kam hpa shara hte shim lum ai lam hpe jaw ya nga ai.

GA SHAGAWP 3:26

Dai Madu gaw nang hpe shim hkra bau sin na ra ai, shi gaw nang hpe mahkam de jahkrat kau na ra ai n rai.

ESAIA 33:6

Amyu baw hpe ngang grin lam jaw ya na ra ai. Shi gaw shi a amyu masha ni hpe tut nawng makawp maga ai hte shanhte hpe hpaji byeng-ya hte machye machyang nyan jaw ya nga ai. Shanhte a galu kaba htum ai sut gan gaw dai Madu hpe hkrit hkungga ai lam rai nga ai.

1 PETRU 1:13

Dai re ai majaw, nanhte amu galaw shamu shamawt sa wa na matu nanhte a myit masin ni hpe shajin da mu. Yesu Hkristu dan pru ai shaloi e nanhte hpe jaw ya na ra ai chyeju hpe ung ang ai myit n rawng ai sha amaja nga let tsep kawp myit mada ala nga mu.

1 PETRU 1:17

Dai hta kaga masha yawng hte hpe myi man n lata ai sha langai hte langai tinang galaw ai hte maren tara jeyang chye ai Karai Kasang kaw nanhte akyu hpyi myit yang, shi hpe, “Wa e,” ngu nna hpyi myit dai, Dai rai nna ndai mungkan hta nanhte asak hkrung nga ai laman hta shi hpe hkrit hkungga nga mu.