YOBA 4:4 - Jinghpaw Common Language Bible 2009

⁴ Marai langai ngai ahtu kataw nna, n-gun kya ai hte hki ba mat jang, shi hpe shadaw shangang na matu na a ga ni hte n-gun jaw ya nga ndai.

Jinghpaw Hanson Version Bible

⁴ Na a ga gaw kataw ai wa hpe shadaw ya nga ai, kya noi mat ai lahput ni hpe, nang shaja ya ndai.

YOBA 4:4 ပူးပေါင်းရင်းမြစ်များ

YOBA 29:11

Ngai hpe mu nna nye a lam na ai ni kadai mung ngai hta byin ai lam hpe mai kaja ai amu re nga nna tsun shajang ma ai.

YOBA 29:25

Shanhte hpe ngai woi awn let amu woi daw dan nngai; hkawhkam wa gaw shi a hpyen hpung ni hpe woi awn ai zawn ngai shanhte hpe woi awn nngai; shanhte myit htum nga ai aten hta ngai shalan shabran ya nngai.

YOBA 4:3

Nang gaw masha law law hpe sharin achyin ya nit dai, n-gun kya ai lata ni hpe n-gun shaja ya nit dai.

YOBA 4:5

Ya chyawm gaw, nang ru yak tsin-yam tsindam hkrum na aten rai nga sai, nang gaw dai hpe hkrum kapa na matu nau wa sai kajawng nga ndai.

SHAKAWN KUNGDAWN 145:14

Shi gaw ru tsang hkrum nga ai ni hpe karum ya nna; kataw ai ni hpe sharawt la nga ai.

GA SHAGAWP 12:18

Majoi mi baw law ai ga gaw sung hkra galun ai nhtu nma zawn jahpye ya lu ti mung; hpaji ga hte tsun shaga ai ga chyawm gaw shamai shatsai ya lu nga ai.

GA SHAGAWP 25:11

Myit mang kaja hpe tup hkrak chye shaleng tsun lu ai gaw, gumhpraw hta ja ginshi sup da ai kasi hte bung nga ai.

ESAIA 50:4

Tsaw Htum ai dai Madu gaw kaning ngu tsun na lam ngai hpe sharin ya nu ai, shaloi ngai gaw hki ba ai wa hpe n-gun jaw ya lu nngai. Jahpawt shagu shi gaw ngai hpe shi kaning rai sharin ya na lam hpe na la na lam sharawng shangun nga ai.

Daniela 5:6

Shi gaw myi man hten mat nhtawm grai hkrit kajawng mat ai hte lahput mung gari ashun nga wu ai.

2 KORINHTU 2:7

Dai wa gaw nachying n hkam sharang lu na daram re ai yawn hkyen ai hta n lup mat u ga, shi hpe mara dat ya nna shalan shabran ya mu.

2 KORINHTU 7:6

Rai ti mung myit kaji garen nga ai ni hpe karum n-gun jaw ai Karai Kasang gaw, anhte hpang de du sa wa ai Titu hku nna anhte hpe myit n-gun lu la shangun mi ai.

1 HTESALONI 5:14

Bai hpu nau ni e, lagawn ai ni hpe sadi jaw mu, myit kaji ai ni hpe shadaw shalan nga mu, n-gun kya ai ni hpe karum la mu, yawng mayawng a ntsa e hkam sharang nga mu.

HEBRE 12:12

Dai re ai majaw nanhte a tsu ba nna kya mat ai lata ni hpe sharawt malan nna, nanhte a lapyin n rawng nna gari nga ai lahput ni hpe n-gun shaja dating nga mu.