YOBA 4:3 - Jinghpaw Common Language Bible 2009

³ Nang gaw masha law law hpe sharin achyin ya nit dai, n-gun kya ai lata ni hpe n-gun shaja ya nit dai.

Jinghpaw Hanson Version Bible

³ Nang gaw masha law law hpe sharin ya nit dai, n-gun n rawng ai lata ni hpe nang n-gun shaja ya ndai.

YOBA 4:3 ပူးပေါင်းရင်းမြစ်များ

NINGPAWT NINGHPANG 18:19

Abraham gaw shi a shadang sha ni hte shi a matu mara ni nye a ga hpe madat mara nna ding hpring teng man ai amu hpe galaw ai lam hta shi hkang lu na matu ngai shi hpe lata la ni ai. Shanhte hkan shatup ai rai yang, nye a ga sadi hte maren, shi a matu lam shagu hpe ngai shadik ya na nngai,” ngu nna shi kraw e tsun wu ai.

EZRA 6:22

Shanhte gaw Matsi N Rawng ai Muk Sha Poi hpe mung kabu gara ai myit hte sanit ya tup galaw ma ai. Dai rai nna shanhte kabu gara ai myit hte hpring nga ma ai; hpa majaw nga yang, dai Madu gaw Asuri hkawseng wa hpe shanhte hpang de myi man kayin shangun nga ai rai nna Israela Karai Kasang a Nawku Htingnu bai gaw gap ai amu hta shanhte hpe karum ya nga ai.

YOBA 16:5

Ngai mahtang hpaji ga hte nang hpe n-gun atsam jaw lu nngai; nang hpe shalan shabran na matu ashaga nga na nngai.

YOBA 29:11

Ngai hpe mu nna nye a lam na ai ni kadai mung ngai hta byin ai lam hpe mai kaja ai amu re nga nna tsun shajang ma ai.

YOBA 29:15

Ngai gaw myi n mu ai ni a matu myi; lagaw hten ai ni a matu lagaw rai nga nngai.

YOBA 29:16

Ngai gaw matsan mayan masha ni a matu kawa langai zawn rai nga nngai; tsin-yam hkrum ai tsasam masha ni a amu hpe ngai sawk yu nngai.

YOBA 29:21

Ngai hpaji daw yang, amyu masha ni atsin sha nga nna, ngai hpa tsun ai ga hpe sadi sahka hte madat nhtawm,

YOBA 4:4

Marai langai ngai ahtu kataw nna, n-gun kya ai hte hki ba mat jang, shi hpe shadaw shangang na matu na a ga ni hte n-gun jaw ya nga ndai.

GA SHAGAWP 10:21

Mai kaja ai masha wa a ga matsun gaw, masha law law hpe akyu chyeju hpe hkam la shangun nga ai; angawk ai lam gaw tinang hkum hpe asak jasum kau ya lu nga ai.

GA SHAGAWP 15:7

Chye chyang ai hpaji gaw angawk ai ni kaw na n rai; hpaji rawng ai ni kaw na chyam bra wa nga ai.

GA SHAGAWP 16:21

Hpaji rawng nna kung hpan ai myit rawng ai wa gaw shi a hkawn hkrang ai myit nyan hpaji hta gumhkawng nga ai; shi a n-gup aga grau ngwi pyaw magang, amu magam bungli hpe grau nna woi awn lu magang rai nga ai.

ESAIA 35:3

Atsu atsa nga ai lata ni hte n-gun kya nna gari gawa rai nga ai lahput ni hpe n-gun jaw mu.

ESAIA 50:4

Tsaw Htum ai dai Madu gaw kaning ngu tsun na lam ngai hpe sharin ya nu ai, shaloi ngai gaw hki ba ai wa hpe n-gun jaw ya lu nngai. Jahpawt shagu shi gaw ngai hpe shi kaning rai sharin ya na lam hpe na la na lam sharawng shangun nga ai.

EZEKELA 13:22

“Ngai nchyi nmu n byin shangun mayu ai ndai mai kaja ai amyu masha ni hpe nanhte a masu magaw ga ni hte myit shadaw ya myit dai. N hkru ai masha ni gaw n hkru ai amu hpe kau da nna, shanhte a asak mawai la lu na, nanhte hkum da myit dai.

ZEHPANI 3:16

Shanhte gaw Yerusalem hpe ning ngu tsun na aten aten du wa nga sai, “Ziun mare e, hkum hkrit nga et! Na a lata hkum shakya kau nga et!

LUKA 22:32

Rai ti mung, na a kam sham ai myit n hten lit ga ngu nna, nang Simun a matu ngai akyu hpyi da ni ai. Shing rai nang ngai hpang de bai kayin dum wa yang, na nhpu nnau ni hpe shangang shakang ya lu na rai ndai.”

LUKA 22:43

Dai shaloi, lamu de na lamu kasa langai mi shi kaw dan pru nna, shi hpe sa shalan n-gun jaw ya wu ai.

EHPESU 4:29

Nse ai ga hkaw mi mung nanhte a n- gup na n pru u ga, madat mara nga ai ni a matu akyu byin hkra ra nga ai hte maren shadaw shalan na matu mai kaja ai ga sha atsun nga mu.

TARA JAHPRANG 3:28

Yawshu mahtang nang mu mada ai mung hpe madu la na matu amyu masha ni hpe woi rap na rai wu ai majaw shi hpe ga matsun ni jaw nna myit n-gun jaw u,’ ngu nna tsun wu ai.

KOLOSE 4:6

Nanhte tsun ai ga gaw galoi mung jum shum ai zawn na ra shing-nyi rawng nna chyeju masa hku myit lawm shangun ai ga rai nna san ai masha shagu hpe jaw ai mahtai jaw lu na matu shajin da nga mu.

HEBRE 12:12

Dai re ai majaw nanhte a tsu ba nna kya mat ai lata ni hpe sharawt malan nna, nanhte a lapyin n rawng nna gari nga ai lahput ni hpe n-gun shaja dating nga mu.