YOBA 38:4 - Jinghpaw Common Language Bible 2009

⁴ Mungkan ga hpe ngai hpan da ai shaloi, dai yang e nang nga nga a ni? Nang grai chye ai rai yang, dai hte seng ai lam ngai hpe tsun dan e.

Jinghpaw Hanson Version Bible

⁴ Ginding aga npawt hpe ngai gaw da yang, nang kanang nga n ta? Nang chye na yang, ya madun u.

YOBA 38:4 ပူးပေါင်းရင်းမြစ်များ

NINGPAWT NINGHPANG 1:1

Shawng ningpawt e, Karai Kasang gaw ninggawn tawa hpe hpan da yang,

NINGPAWT NINGHPANG 2:4

Ndai hte gaw ninggawn tawa amu hpe kaning rai hpan da nga ai lam rai nga ai. Dai Madu Karai Kasang gaw ninggawn tawa hpe hpan hpajang da yang,

YOBA 15:7

Nang gaw shawng shangai ai wa rai nga ai ngu, myit nawn da wu ni? Karai Kasang gaw bum ni hpe hpan da ai shaloi, dai yang e nang nga nga sani?

YOBA 28:25

Karai Kasang gaw nbung hte de a n-gun bang ya nna, Panglai a hkrang kade kaba nga ai hpe shadawn sharam yu na myit jahkut da ai shaloi mung,

YOBA 34:13

Karai Kasang gaw shi a daru magam n-gun, marai langai ngai kaw na hkam la nga a ni? Marai langai ngai shi hpe ndai mungkan ga a hpareng hku san tawn da a ni?

SHAKAWN KUNGDAWN 102:25

Nang gaw, moi moi e, ginding aga hpe hpan da nit dai, na a lata ni hte sumsing lamu ni hpe nang nan galaw da nga nit dai.

SHAKAWN KUNGDAWN 102:26

Dai ni hten run mat wa tim, nang agrin nga na ndai; dai ni yawng gaw hpun nba ni zawn, dingsa mat wa na ra ai, hpun palawng ni zawn nang dai ni hpe galai kau ai hte dai ni mung wai mat na mara ai.

SHAKAWN KUNGDAWN 104:5

Nang gaw ginding aga hpe de a npawt hta ngang ngang gaw da nna; dai gaw galoi mung shamu shamawt kau hkrum na n rai.

GA SHAGAWP 3:19

Dai Madu gaw shi a hpaji byeng-ya hte ginding aga hpe hpan da nna; shi a chye chyang ai nyan hte sumsing lamu hpe hpajang da nu ai.

GA SHAGAWP 30:4

Sumsing lamu hte seng ai machye machyang hpaji hpe, kadai wa hkrak dang chye lu nga a ta? Shi a lata hta nbung hpe rim latup da yu sai gaw, kadai wa nga nga yu sata? Sumpan hkyep hte hka hpe makai hkayawp yu sai gaw, kadai wa nga nga yu sata? Ginding aga a jarit ni hpe, kadai wa shangang shagrin da yu sata? Shi gaw kadai wa rai nga a ni? Shi a kasha gaw kadai wa rai nga a ni? Nang chye ai rai yang, tsun u.

GA SHAGAWP 8:22

Dai Madu gaw ngai hpe nga yawng danghta yawng a shawng e hpan da ni ai hte, moi chyaloi nhkoi na, shi galaw ai amu ni a shawng nnan na rai nga ai.

ESAIA 40:14

Karai Kasang gaw kaning re ai arai ni hpe kaning rai galaw ang na lam chye na na matu mung, hkawn hkrang na matu mung, sharin la na matu mung kadai hte bawng ban jahkrup ra nga a ta?

YEREMIA 10:12

Dai Madu gaw shi a daru magam n-gun hte ginding aga hpe hpan da nu ai; shi a hpaji byeng-ya hte mungkan ga hpe hpan da nna, sumsing lamu ni hpe kahpyan da nu ai.

AMO LAIKA (AMOS) 4:13

Karai Kasang gaw bum ni hpe galaw da ai wa rai nna nbung hpe hpan da nga ai. Shi gaw shi a myit mang lam masha ni hpe chye shangun nga ai; shi gaw nhtoi hpe nsin galai kau nga ai. Shi gaw ginding aga a tsaw ai shara ni hta hkawm nga ai. Ndai gaw shi a amying shingteng rai nga ai: Chyahtum Chyalai N-gun rawng ai Madu Karai Kasang rai nga ai!

HEBRE 1:10

Bai shi gaw, “Madu e, shawng ningpawt e, ginding aga hpe nang gaw da nna, Na a lata hte nan sumsing lamu hpe hpan da nit dai;

HEBRE 1:2

Rai ti mung ndai hpang jahtum na nhtoi ladaw ni hta chyawm gaw shi a Kasha a n-gup hte anhte hpe shi a mungga jaw da mani ai. Dai Kasha wa hte nan nga yawng nga pra hpe hpan tawn da nu ai hte jahtum e mungkan yawng mayawng hpe up madu ai wa tai wa na shi hpe lata san da nu ai.

1 SAMUELA 2:8

Shi gaw matsan mayan ni hpe ga nhpu kaw na mung, ra kadawn ai ni hpe shanhte a nni nkri kata kaw na mung sharawt la nga ai. Shi gaw dai ni hpe hkawhkam kasha ni a manang shatai nhtawm shagrau sha-a ai shara ni hta tawn da nga ai. Dai Madu gaw ginding aga a npawt nhpang ni hpe madu da nga ai; dai ni a ntsa e mungkan ga hpe shi gaw da nga ai.