YOBA 38:16 - Jinghpaw Common Language Bible 2009

¹⁶ Nang gaw sung ai panglai kata na hka hpawk de shang yu sani? Nang gaw nammukdara htumpa a ntsa e hkawm yu sani?

Jinghpaw Hanson Version Bible

¹⁶ Nang gaw nammukdara hka hpawk ni hta shang yu nni? Sung htum ai htumpa e htinglet hkawm yu nni?

YOBA 38:16 ပူးပေါင်းရင်းမြစ်များ

NINGPAWT NINGHPANG 7:11

Noa a asak kru tsa ning du ai shaning a shata lahkawng a shi sanit ya shani e nan, aga a kata de nga ai hka hpungtun ni yawng kapaw pru wa nna sumsing lamu na sha-u chyinghka ni hpaw malang mat wa ai hte,

NINGPAWT NINGHPANG 8:2

Aga a kata de nga ai hka hpungtun ni hte sumsing lamu na sha-u chyinghka ni pat mat nga ai. Marang mung hpawng mat ai hte,

YOBA 41:32

Shi lai wa ai lam hkang gaw tu ala nga ai rai nna; panglai hpe hkumbawp hpraw shatai kau wu ai.

YOBA 9:8

Karai Kasang gaw sumsing lamu ni hpe kahpyan da nna, panglai numraw shingma ntsa hta shi kabye nga yang, kadai mung karum ai n rai.

SHAKAWN KUNGDAWN 77:19

Nang gaw hka leng ni a ntsa hku hkawm lai mat wa nna; sung ai panglai hka hpe lai di mat wa nga ndai, rai ti mung, na a lagaw hkang hpe kadai mung n mu lu nga ma ai.

GA SHAGAWP 8:24

Sung htum ai nammukdara hte hka hpawk ni garai n nga ai a shawng e; ngai shangai ni ai.

GA SHAGAWP 8:28

Sumsing lamu e, sumwi ni hpe shamawng ai hte sung ai panglai hka hpawk ni hpe hpaw dat nhtawm,

YEREMIA 51:36

Dai rai nna dai Madu gaw Yerusalem amyu masha ni hpe, “Na a amu ngai lit la ya nhtawm, na a gumlau hpyen ni nang hpe di ai hte maren, shanhte hpe ngai matai htang na nngai. Ngai gaw Babelon mung a hka hpawk ni hpe jahkyet kau ya nna dai mung na hka nu hka ni hpe hkun hkraw shangun na nngai.