YOBA 27:9 - Jinghpaw Common Language Bible 2009

⁹ Tsin-yam tsindam du ai shaloi, shanhte a hpyi jahtau ai nsen hpe Karai Kasang na ya na wu ni?

Jinghpaw Hanson Version Bible

⁹ Shi ru tsang ai hkrum yang Karai Wa gaw, Shi jahtau shaga ai hpe madat na rai kun?

YOBA 27:9 ပူးပေါင်းရင်းမြစ်များ

SHAKAWN KUNGDAWN 109:7

Shi san jep ai hkrum nna, shut ai mara mu hkrum nga u ga; shi a akyu hpyi ai ga pyi ru hka amu sawn ya u ga!

SHAKAWN KUNGDAWN 18:41

Karum la na matu, shanhte jahtau ma ti mung, shanhte hpe kadai mung n hkye la nga ai; shanhte gaw Madu hpe shaga ti mung, shi htan ya nga ai n rai.

SHAKAWN KUNGDAWN 18:42

Ngai gaw shanhte hpe adup mani kau mawe ai, shing rai, shanhte gaw nbung e shapoi kau ai ga nhpu zawn tai mat ma ai. Nmaw lam ni a ntsa e taw ai hkumpup ni hpe zawn, ngai shanhte a ntsa e, kabye anut nga nngai.

SHAKAWN KUNGDAWN 66:18

Nye a yubak ni hpe ngai hpa zawn n nawn kau ai rai yang; dai Madu ngai hpe madat ya na wu ai n rai.

GA SHAGAWP 1:27

Hkrit kajawng ai ru tsang nbung gaw laru zawn, na a ntsa e, du wa ai shaloi, nang gaw nchyi nmu hte nni nkri hkrum sha nga ndai.

GA SHAGAWP 1:28

Shaloi e, nang gaw hpaji byeng-ya hpe shaga wa na rin dai; rai ti mung, ngai htan ya na nngai n rai. Nang gaw ngai hpe shara shagu hkan tam ti mung, ngai hpe mu tam na ndai n rai.

GA SHAGAWP 28:9

Tara hpe nang n hkan ai rai yang na a akyu hpyi ga ni gaw Karai Kasang a na hta n dawng n yawt ai ga hte hpring na ra ai.

ESAIA 1:15

Nanhte gaw lata sharawt nna akyu hpyi myit yang, ngai nanhte hpe yu na nngai n rai. Nanhte kade wa mi akyu hpyi myit dai rai tim, ngai madat ya na made ai n rai, hpa majaw nga yang, nanhte a lata sai kap nga myit dai.

YEREMIA 11:11

Ya chyawm gaw, dai Madu ngai nan shanhte kaw hten byak lam du shangun ai hte sadi jaw nngai, shanhte hprawng lawt lu na mara ai n rai. Shanhte gaw karum la na matu ngai kaw hpyi jahtau ma ai shaloi, ngai shanhte a nsen hpe madat ya na nngai n rai.

YEREMIA 14:12

Shanhte lusha gam tim pyi, ngai gaw karum la na matu shanhte a hpyi jahtau ai nsen hpe madat ya na n rai; shanhte gaw ngai hpe wan nat hkungga hte lusha hkungga ni hpe nawng jau yang pyi gaw, dai ni hta ngai awng sharawng nga na nngai n rai. Shing rai na malai, ngai gaw shanhte hpe majan, kawsi hpang gara ai hte ana zinli ni hte sat kau na we ai,” ngu nna tsun ai.

EZEKELA 8:18

Shanhte gaw nye a sindawng kahtet ai n-gun yawng hpe hkam sha na mara ai. Ngai gaw shanhte hpe jahkrung da na n rai; ngai shanhte hpe matsan dum na n rai. Shanhte gaw ngai hpe marawn jahtau lu ai daram hpyi jahtau ma ti mung, shanhte a hpyi jahtau ai nsen hpe ngai madat ya na n rai,” ngu nna tsun wu ai.

HOSEA 7:14

Shanhte gaw ngai kaw myit malang ai hte akyu n hpyi ma ai, rai ti mung shing rai na malai, shanhte gaw ga de gum dagup nhtawm tara maigan masha ni galaw ai zawn hkrap agru ma ai. Shanhte gaw nai mam nsi naisi hte sabyi hpyi ma ai shaloi, shanhte hkum hpe tara maigan ni zawn gadoi jahpye ma ai. Shanhte hpa baw gumlau nga ma hka!

MIHKA 3:4

Nanhte dai Madu hpe hpyi jahtau na aten gaw du wa nga sai, rai ti mung shi nanhte hpe htan ya na ra ai n rai. Shi gaw nanhte a akyu hpyi ga ni hpe madat ya na n rai, hpa majaw nga yang nanhte mahtang n hkru ai amu galaw kau manit dai.

ZEHKARIA 7:13

Ngai ga tsun yang, shanhte n madat nga ma ai majaw shanhte hpyi nem yang ngai n htan ya na we ai.

LUKA 13:25

Nta madu wa rawt nna chyinghka la kau na ra ai; shaloi nanhte shinggan e tsap nga nna, chyinghka akawk let, ‘Madu e, anhte hpe hpaw la mi,’ nga nna hpyi myit yang, dai wa gaw, nanhte kanang na rai myit dai hpe ngai n chye nngai,” nga nna nanhte hpe htan na ra ai.

YAWHAN 9:31

Yubak kap ai ni a ga hpe Karai Kasang n madat nga ai gaw anhte chye ga ai, Karai Kasang hpe nawku hkungga nna shi a myit ra ai hku hte maren hkan sa galaw ai ni a ga hpe gaw madat nga ai.

TARA JAHPRANG 1:45

Dai rai nna nanhte gaw karum la na matu dai Madu hpe hpyi jahtau myit dai; rai ti mung shi gaw nanhte a ga hpe n madat ya ai hte hpa zawn n nawn kau ya manit dai.

YAKU 4:3

Nanhte hpyi myit dai shaloi, nanhte n lu la myit dai; hpa majaw nga yang nanhte a kraw na maw mawn ai myit mahtang n kaja nga malit dai hte nanhte gaw nanhte pyaw daw lam hta jai lang na matu she hpyi nga myit dai.