YOBA 26:3 - Jinghpaw Common Language Bible 2009

³ Nang gaw dai zawn mai kaja ai hpaji daw nna, ngai zawn angawk ai wa hpe na a machye machyang hpaji garan ya n hka!

Jinghpaw Hanson Version Bible

³ Hpaji n rawng ai wa hpe nang kaning rai hpaji daw nna, nyan byeng-ya amyu myu shi hpe madun dan n hka!

YOBA 26:3 ပူးပေါင်းရင်းမြစ်များ

YOBA 12:3

Rai ti mung, ngai mung nang zawn myit nyan hpaji law law lu ai rai nna; nanhte a lawu grit rai nga nngai n rai; nanhte tsun manit dai lam yawng mayawng hpe masha shagu chye ma ai.

YOBA 13:5

Hpa mung n shaga myit yang gaw, nanhte hpaji rawng nga myit dai ngu nna marai langai ngai myit nawn la mai ang nga ai!

YOBA 17:10

Rai ti mung shanhte yawng nye a man e sa tsap ai rai yang, shanhte hta na langai mi pyi hpaji rawng nga ai hpe ngai n mu nngai.

YOBA 26:4

Na a ga ni yawng hpe kadai na ya na hpe nang myit nawn da wu ni? Dai zawn shaga na wenyi nang hpe kadai shadut ya a ta?

YOBA 33:3

Ngai tsun ai ga yawng mayawng malang nga ai rai nna; teng man ai ga hpe ngai tsun nga nngai.

YOBA 33:33

Rai ti mung, dai hku n rai yang, atsin sha nga nna, nye a ga madat u, kaning re ai hpaji rawng ai wa tai wa hkra, ngai nang hpe sharin achyin ya na we ai.

YOBA 38:2

Nye a hpaji byeng-ya hpe na a myit n su ai lam hte ga laban ni hte san ai nang gaw kadai wa rai nga n ni?

YOBA 6:13

Ngai gaw nye hkum hpe mawai la na n-gun hpa mung n rawng sali ai; karum lam a matu ngai kayin hkawm lu ai shara n nga sai.

KASA 20:20

Shawa masha yawng a man e mung, nanhte a nta ni hta mung, ngai hkaw tsun sharin shaga ai shaloi nanhte a matu akyu rawng na lam magup hpe ngai galoi mung n ginhtim n ip da ga nngai hpe mung nanhte chye nga myit dai.

KASA 20:27

Hpa majaw nga yang ngai gaw Karai Kasang a shatawng shada ai lam hpe ginhtim da ai lam n nga hkra nanhte hpe tsun shana dan ni ai majaw rai nga ai.