YOBA 24:4 - Jinghpaw Common Language Bible 2009

⁴ Shanhte gaw matsan mayan masha ni lu la na ahkaw ahkang hpe pat shingdang ya nhtawm, ra kadawn ai ni hpe hprawng makoi na matu shadut ma ai.

Jinghpaw Hanson Version Bible

⁴ Matsan mayan ni hpe lam shayit kau ma ai; nni nkri hkrum ai mung masha ni, rau hprawng makoi nga ma ai.

YOBA 24:4 ပူးပေါင်းရင်းမြစ်များ

YOBA 24:14

Masha sat ai wa gaw nhtoi htoi jang rawt nna, matsan mayan ni hpe sat na nga, pru sa wa ai, shi gaw shana e hkan lagu hkawm nga ai.

YOBA 29:12

Matsan mayan masha ni hpyi jahtau yang, ngai shanhte hpe karum nngai; kade mung n chye sa mat wa ai jahkrai ma ni hpe mung ngai karum nngai.

YOBA 29:16

Ngai gaw matsan mayan masha ni a matu kawa langai zawn rai nga nngai; tsin-yam hkrum ai tsasam masha ni a amu hpe ngai sawk yu nngai.

YOBA 30:25

Ru tsang hkrum ai ten hta amyu masha ni hte rau ngai n hkrap a ni? Ra kadawn nga ai ni hte rau mung myit yu machyi ai n rai ni?

YOBA 31:16

Ngai gaw matsan mayan masha ni hpe galoi mung karum nngai; gaida gaina ni hpe mung galoi mung myit htum shangun ai n rai.

YOBA 31:19

Ngai gaw bu hpun palawng mari la na matu nau matsan nna ra kadawn nga ai wa hpe mu ai shaloi,

SHAKAWN KUNGDAWN 109:16

Dai masha wa matsan dum na lam, galoi mung n myit yu ai hte; shi gaw matsan mayan re ai wa, ra kadawn ai wa hte karum la na masha n lu ai ni hpe zingri sat kau nu ai.

SHAKAWN KUNGDAWN 41:1

Matsan mayan masha ni a matu, myit ru myit tsang ya nga ai ni gaw a nga ai; shanhte ru tsang hkrum nga ai shaloi, dai Madu gaw shanhte hpe karum la na ra ai.

GA SHAGAWP 14:31

Matsan mayan ni hpe nang dip gamyet sha ai rai yang, shanhte hpe hpan da ai Karai Kasang hpe nang n gawn n sawn di nga ndai; rai ti mung, matsan mayan ni hpe matsan dum myit madun ai chyawm gaw Madu hpe nawku daw jau ai lam rai nga ai.

GA SHAGAWP 22:16

Sut gan shalaw na matu, matsan mayan wa hpe dip gamyet da nna sut su ai ni hpe kumhpa nang jaw ai rai yang, nang hkum nan matsan mayan hkrum na ra ai.

GA SHAGAWP 28:12

Mai kaja ai masha ni hkawhkam tingnyang hta dung ai shaloi, masha shagu wa awng padang ninglaw poi hta shang lu ma ai; n hkru n shawp ai ni up hkang ai shaloi, masha ni makoi mat nga ma ai.

GA SHAGAWP 28:28

N hkru ai masha ni hkaw tingnyang hta dung yang, masha ni makoi mat nga ma ai. Rai ti mung, shanhte hkaw tingnyang hta na hkrat mat ai shaloi, ding man ai masha ni bai up wa na mara ai.

GA SHAGAWP 30:14

Matsan mayan masha ni hte n lu n lawm, ra kadawn nga ai ni hpe zai hku nna dip da ai ni hte jahten sharun ai masha ni nga nga ma ai; dai zawn galaw ai gaw shanhte a kan bau magam bungli rai nga ai.

ESAIA 10:2

Dai re ai majaw she, nanhte gaw matsan mayan masha ni lu la ang ai ahkaw ahkang hte teng man rap ra ai tara lu la na hpe hkum pat da nga myit dai. Nanhte gaw gaida gaina ni hte jahkrai nmai ni madu da ai sut gan ni hpe la kau ya nga myit dai.

EZEKELA 18:12

Shi gaw matsan mayan ni hpe adip arip di nna maw lu maw sha ai hte hpya lu hpya sha nga ai. Hkoi la ai wa shi hpe tang da ai arung arai hpe mung mazing la kau ya nga ai. Shi gaw maigan htung tara hkan ai ni galaw da ai htingnu shara hkan sa nna matsat shabat re ai hpara sumla ni hpe nawku ai hte,

EZEKELA 18:18

Lam maga mi hku tsun ga nga yang, shi a kawa chyawm gaw maw lu maw sha nna adip arip di wu ai hte masha shagu hpe n hkru ai amu tut nawng galaw nga ai. Dai rai nna shi hkum nan shut hpyit kau ai yubak ni a majaw shi si nga ai.

EZEKELA 22:29

Sut su ai ni gaw maw lu maw sha ai hte hpya lu hpya sha nga ma ai. Shanhte gaw matsan mayan hkrum hkra nga ai ni hpe pagawn mi di nna, maigan manam ni hpe zai hku adip arip di ma ai.

AMO LAIKA (AMOS) 2:7

Shanhte gaw n-gun kya nga ai ni hte karum la na masha n lu ai ni hpe kabye anut ma ai; matsan mayan masha ni hpe lam shadam kau nga ma ai. Kawa hte kasha gaw mayam mahkawn langai sha hte jawm kanawn let nye a chyoi pra ai amying nsang hpe awu asin di ma ai.

AMO LAIKA (AMOS) 4:1

Yaw jahpum da ai Bashan na nga kanu ni zawn galu kaba hpum tsawm nga ai Samari numsha ni e, ndai ga madat mu, nanhte gaw n-gun kya ai ni hpe n gawn n sawn di nna, matsan mayan masha ni hpe dip gamyet sha nhtawm nanhte a madu wa ni kaw lu na sabyi ntsin shapraw ya na hpyi nga myit dai.