YOBA 24:2 - Jinghpaw Common Language Bible 2009

² Masha ni gaw lamu ga grau jat la lu hkra nga, ga jarit nlung ni hpe htawt sit ma ai; shanhte gaw sagu ni hpe lagu la nhtawm shanhte a yam nga uhpung ni hte rau rem tawn da ma ai.

Jinghpaw Hanson Version Bible

² N kau mi gaw bandung shadaw ni hpe sit kau ma ai; Yamnga hpung hpe kashun la nna rem nga ma ai.

YOBA 24:2 ပူးပေါင်းရင်းမြစ်များ

YOBA 1:15

Sheba masha ni akajawng sha htim shang nhtawm dai ni yawng hpe la mat wa masai. Dai ni gaw ngai hta lai nna na a shangun ma ni hpe shanhte sat kau ma ai. Nang hpe shiga wa tsun dan lu na matu lawt wa hkrum ai gaw ngai chyu sha rai nga ai,” ngu nna tsun dan wu ai.

YOBA 1:17

Dai wa ga shaga garai n htum yang, kaga shangun ma langai bai hkan du nang nna, “Hkalde hpung masum htim lung wa nna anhte hpe sa gasat ma ai; shing rai gawla-uk ni hpe la mat wa nhtawm ngai hta lai kaga shangun ma ni yawng hpe mung sat kau ma ai. Nang hpe shiga wa tsun dan na matu sha hprawng lawt wa lu ai gaw ngai chyu sha rai nga nngai, ngu nna tsun wu ai.

YOBA 20:19

hpa majaw nga yang, shanhte gaw matsan mayan masha ni hpe dip gamyet sha nna n sawn n sang di ma ai, marai langai ngai e gap da ai nta ni hpe zing la ma ai.

YOBA 31:38

Ngai gaw yi hkauna galaw ai lamu ga hpe lagu daw la nna sun madu a lata kaw na ngai la nhtawm,

YOBA 5:5

Kawsi kyet ai ni gaw angawk ai wa a nsi naisi ngu ai ju nhpan hta tu ai nai mam nsi hpe du hkra pyi sha na mara ai. Hpang gara ai ni chyawm gaw shi a sut gan hpe manawn na mara ai.

GA SHAGAWP 22:28

Na a nji nwa ni a madu da lu sai masat shadaw ni hpe, galoi mung hkum sit kau et.

GA SHAGAWP 23:10

Moi moi na madu da lu sai masat shadaw hpe galoi mung hkum sit kau et; jahkrai ma ni madu da lu sai lamu ga hpe, hkum la kau ya et.

HOSEA 5:10

Dai Madu gaw, “Yuda ningbaw ni gaw Israela hpe shang gasat nna shi kaw na lamu ga lagu ye la nga ma ai majaw ngai masin pawt nga nngai. Dai rai nna ngai gaw shanhte a ntsa e hka mawru zawn ari jahkrat bun na nngai.

TARA JAHPRANG 19:14

“Dai Madu nanhte a Karai Kasang nanhte hpe jaw ai mungdan hta moi kaw na nga nga sai nanhte a htingbu wa a lamu ga jarit hpe htawt sit kau ya lu na n rai.

TARA JAHPRANG 27:17

“ ‘Htingbu wa a lamu ga jarit bandung sit kau ya ai wa kadai mung Karai Kasang jaw ai dagam dala hkrum u ga law.’ “Shaloi Amyu masha ni yawng gaw, ‘Amen!,’ ngu nna htan na mara ai.