YOBA 2:7 - Jinghpaw Common Language Bible 2009

⁷ Dai hpang Satan gaw dai Madu a man kaw nna pru mat wa nhtawm Yoba a hkum ting hta krwi jap tu ahpra shangun wu ai.

Jinghpaw Hanson Version Bible

⁷ Dai rai nna Satan gaw Yehowa kaw na pru mat wa nna, Yoba hpe lagaw lahpan kaw nna baw pungding du hkra krwi jap tu ahpra shangun wu ai.

YOBA 2:7 ပူးပေါင်းရင်းမြစ်များ

2 SAMUELA 14:25

Israela amyu hta Absalom zawn ahpraw tsawm nna mying gumhkawng ai masha langai mi mung n nga nga ai. Shi gaw abaw kaw nna lagaw hkren ra rawng ai lam hpa mung n nga ai wa rai nga ai.

1 HKAWHKAM 22:22

Dai Madu gaw, ‘Kaning rai alau na law?,’ ngu nna bai san wu ai. Dai wenyi gaw, ‘Ngai sa nhtawm Ahab a myihtoi ni yawng hpe masu ga tsun shangun na we ai,’ ngu nna tsun htang wu ai. Dai Madu gaw, ‘Rai sa, shi hpe sa alau yu su; nang awng dang lu na ndai,’” ngu nna tsun wu ai.

YOBA 1:11

Rai ti mung ya chyawm gaw shi lu malu hpe nang lama la kau ya ai rai yang, shi gaw na a myi man chyaw e nang hpe dagam kau na ra ai!,” ngu nna htan wu ai.

YOBA 13:28

Dai lam a majaw, ngai gaw yat tsam mat ai hpun zawn, manut e sha jahten kau ai ntsa palawng zawn ngai mahtang hten mat nngai.

YOBA 2:6

Dai rai nna, dai Madu gaw Satan hpe, “Rai sa, shi gaw na a lata hta rai nga ai; rai ti mung nang shi hpe sat kau lu na ndai n rai,” ngu nna tsun wu ai.

YOBA 30:30

Nye a hkum hpyi chyang mat sali ai; nye a hkum kahtet machyi mat nga ai.

YOBA 7:5

Nye a hkum shan gaw byet ni hte hpring nga ai, dai gaw gyi ku ni hte ka-up nga ai; hpye ai ningma ni kaw na matswi ni abyi pru nga ai.

ESAIA 1:6

Abaw kaw nna lagaw du hkra na a hkum hkrang hta hkam kaja ai shara ngu na mi n nga lit dai. Nang gaw hkum ting hpye ai nma, hkala nba re ai nma hkang katsing ni hte ahpye alam rai nga ndai. Na a nma ni kashin jasan kau hkrum ai n rai, ahkyen kayawp hkrum ai n rai. Dai ni hta tsi bang ya hkrum ai n rai.

ESAIA 3:17

Rai ti mung ngai gaw shanhte hpe ari jaw na we ai. Ngai gaw shanhte a baw ni hpe rep kau nna shanhte hpe pung krin tawn da na we ai.”

TARA JAHPRANG 28:27

Dai Madu gaw Egutu masha ni hpe galaw ai zawn nanhte a ntsa e shakrwi tu shangun na ra ai. Nanhte a hkum hta mung hpye ai ningma kahpawk ga na ra ai. Machyit hte maru ru ai gaw nanhte hta chyat rai ti mung, nang hpe mai hkra tsi lajang na kadai mung nga na n rai.

TARA JAHPRANG 28:35

Dai Madu gaw abaw kaw nna lagaw du hkra n chye mai ai shakrwi hte machyi ka-ut shangun ai ningma ni shabyin ya na ra ai.

SHINGRAN 16:11

Shing rai shanhte a machyi ai hte hpye shanam ai ana a majaw, shanhte gaw sumsing lamu na Karai Kasang hpe matsa shatan ma ai. Rai ti mung tinang a n hkru n kaja ai arawn alai ni hta na myit malai n lu ma ai.