YOBA 2:5 - Jinghpaw Common Language Bible 2009

⁵ Rai ti mung, ya chyawm gaw shi a hkum shan hpe nang machyi shangun ai ngu ga-shi gaw nang hpe na a man e nan dagam kau na ra ai!,” ngu nna htang tsun wu ai.

Jinghpaw Hanson Version Bible

⁵ Ya chyawm gaw, na a lata ladawn nna, shi a nrut nra hte ashan hpe hkra kau ya u; shaloi jang, shi nang hpe, na a myi man chyaw e, nyet kau da na ra ai,” ngu nna Yehowa hpe htan wu ai.

YOBA 2:5 ပူးပေါင်းရင်းမြစ်များ

1 HKAWHKAM LABAU 21:17

Dawi gaw, “O Karai Kasang e, ngai gaw shut ai amu hpe galaw ai wa rai nga nngai; yuptung jahpan hta shangun ai mung ngai rai nga nngai. Ndai matsan mayan re ai amyu masha ni hpa galaw kau nga ma ni? Dai Madu nye a Karai Kasang e, ngai hte nye a dinghku masha ni hpe mahtang ari jaw rit law; na a amyu masha ni hpe chyawm gaw jahkrung da u,” ngu nna hpyi tsun wu ai.

YOBA 1:11

Rai ti mung ya chyawm gaw shi lu malu hpe nang lama la kau ya ai rai yang, shi gaw na a myi man chyaw e nang hpe dagam kau na ra ai!,” ngu nna htan wu ai.

YOBA 1:12

Dai Madu gaw Satan hpe, “Rai sa, shi lu malu gaw na a lata hta rai nga lit dai, rai ti mung Yoba hpe nan chyawm gaw hkra lu na ndai n rai,” ngu nna tsun wu ai. Dai rai nna Satan pru mat wa wu ai.

YOBA 1:5

Lusha poi ngut ai hpang e, Yoba gaw jau jau rawt nna shi a ma ni hpe jasan jaseng na nga, shanhte langai hte langai a matu shagu hkungga ni nawng ya wu ai. Shi gaw shanhte hta na marai langai ngai Karai Kasang hpe n dum shami n kaw n law di kau let shut hpyit kau mai nga ai nga nna myit nawn la nga wu ai majaw dai lam hpe shi galoi mung galaw nga ai.

YOBA 2:4

Satan gaw, “Masha gaw asak hkrung nga lu na matu lam shagu hpe asum hkam shagawm kau na rai nga ai.

YOBA 2:6

Dai rai nna, dai Madu gaw Satan hpe, “Rai sa, shi gaw na a lata hta rai nga ai; rai ti mung nang shi hpe sat kau lu na ndai n rai,” ngu nna tsun wu ai.

YOBA 2:9

Shi a madu jan gaw shi hpe, “Nang gaw dinggrin naw kam sham nga ai n rai ni? Karai Kasang hpe nang hpa majaw n matsa kau ai hte n si mat n ni?,” ngu nna tsun wu ai.

SHAKAWN KUNGDAWN 39:10

Ngai hpe ari hkum jaw sa! Nang adup ai a jaw e, ngai si wa magang nga nngai.

ESAIA 65:3

Shanhte gaw kaya n chye ai sha ngai hpe masin sha a shapawt nga ma ai. Shanhte gaw chyoi pra ai sun ni hta tara maigan ni a shagu hkungga ni nawng jau nna, tara maigan ni a tawn hkungri ntsa hkan e manam pyaw ai baw nat ma ai.

ESAIA 8:21

Amyu masha ni gaw myit daw myit hten ai hte kawsi hkrum let, dai mungdan hkan lai hkawm wa na mara ai. Shanhte a kawsi ai hte myit kahtet ai hta, shanhte gaw shanhte a hkawhkam hte shanhte a Karai Kasang hpe dagam kau na mara ai. Shanhte gaw lamu de mada,

JAW JAU 24:15

Dai hpang, kadai rai ti mung Karai Kasang hpe matsa ai wa gaw shi a mara hkam sha nna si ai hkrum na lam,

SHINGRAN 12:10

Dai hpang sumsing lamu kata na nsen kaba gaw, “Ya anhte a Karai Kasang a hkye hkrang la ai lam du ra ai! Ya Karai Kasang gaw hkawhkam rai nga ai lam shi a atsam madun dan nu ai! Ya shi a Meshia gaw shi a daru magam ahkang aya hpe madun dan nu ai! Hpa majaw nga yang, anhte a hpu nau ni hpe, shani shana anhte a Karai Kasang a man e mara shagun, jahte tam ai wa hpe sumsing lamu kata kaw nna jahkrat kau ai hkrum nu ai.