YOBA 2:4 - Jinghpaw Common Language Bible 2009

⁴ Satan gaw, “Masha gaw asak hkrung nga lu na matu lam shagu hpe asum hkam shagawm kau na rai nga ai.

Jinghpaw Hanson Version Bible

⁴ Satan mahtang, “hpyi a matu hpyi, nga ai hte maren, masha gaw shi a asak a matu tinang lu malu jaw kau na ra ai.

YOBA 2:4 ပူးပေါင်းရင်းမြစ်များ

NINGPAWT NINGHPANG 47:17

Dai rai nna shanhte mung Yosep hpang de shanhte a yam nga ni hpe la sa nhtawm, dai gumra, sagu, bainam, dumsu hte lawze ni a matu shi shanhte hpe lusha jaw wu ai. Dai shaning hta shanhte a yam nga yawng a matu lusha hte galai nna shi bau maka lu wu ai.

NINGPAWT NINGHPANG 47:19

Anhte hpe hkum si shangun mi! Lama mi sha gaw lajang ya mi! Anhte a sun hkauna ni hpe hkum jahkam da shangun mi. Lusha hte galai na matu anhte a hkum hte lamu ga ni hpe mari la mu. Anhte mahtang hkawhkam a mayam ni tai nna shi mung anhte a lamu ga ni hpe madu la lu na ra ai. Anhte ahkrung nga lu na matu, anhte hpe nai mam jaw mi, anhte a sun hkauna ni hta gat na nli mung jaw mi,” ngu nna tsun ma ai.

1 HKAWHKAM 20:31

Shi a du salang ni shi kaw sa nhtawm, “Israela hkawhkam ni gaw matsan chye dum nga ma ai hpe anhte na yu ga ai. Anhte a nshang ni hta lachyit sumpan ni hte kyit nhtawm du ni hta sumri ahkyen la nna Israela hkawhkam wa hpang de sa na ahkang jaw mi. Shaloi shi gaw na a asak hpe jahkrung da ya mai nga ai,” ngu nna tsun ma ai.

YOBA 2:3

Dai Madu gaw, “Nang gaw nye a shangun ma Yoba hpe matsing da wu ni? Shi gaw kam sham nna mai kaja ai wa rai nhtawm shi zawn re ai mi, ginding aga ntsa e kadai n nga nga ai. Shi gaw ngai hpe nawku nna sadi sahka hte n hkru n hkra ai amu hpa hpe mung n galaw nga ai. Nang gaw mara hpa mung n nga ai shi hpe jahten kau shangun na matu ngai hpe hkalem nga ndai, rai ti mung Yoba chyawm gaw dinggrin naw kam sham nga ai wa rai nga ai,” ngu nna tsun wu ai.

YOBA 2:5

Rai ti mung, ya chyawm gaw shi a hkum shan hpe nang machyi shangun ai ngu ga-shi gaw nang hpe na a man e nan dagam kau na ra ai!,” ngu nna htang tsun wu ai.

GA SHAGAWP 13:8

Sut su ai masha gaw shi a gumhpraw hte shi a asak hpe hkye hkrang la nga ai; matsan mayan re ai masha wa hpe chyawm gaw kadai mung jahkrit shama ai lam n galaw nga ai.

YEREMIA 41:8

Rai ti mung, dai hpung hta lawm ai marai shi chyawm gaw Ishmaela hpe, “Chyeju hte anhte hpe hkum sat kau mi! Anhte lu ai hkaulan mam, muk-yaw mam, tsanlun sau hte lagat jahku ni hpe pa ga e makoi da ga ai,” ngu nna tsun ma ai. Shaloi shi gaw shanhte hpe shalawt tawn da wu ai.

MAHTE 16:26

Bai, masha gaw mungkan ting hpe awm dawm madu lu da nna tinang a asak sum mat a yang gaw, shi a matu hpa akyu nga lu ta? Masha gaw, hpa gawng malai hkungga hte wa tinang a asak hpe shaw la lu na a ta?

MAHTE 6:25

“Dai rai nna ngai nanhte hpe tsun made ai gaw, asak hkrung nga lu na matu hpa lu hpa sha na, shing n rai hkum hkrang a matu hpa bu hpa hpun na lam hkum tsang myit; dai asak gaw lu sha hta, hkum hkrang gaw hpun palawng ni hta grau hpu ging nga ai n rai ni?

LUKA 12:23

Asak gaw lusha hta grau ahkyak nga ai hkum hkrang gaw bu hpun palawng ni hta grau ahkyak nga ai.

YAWSHU 9:24

Shanhte gaw, “Madu e, nanhte shang wa myit yang, nanhte hpe ndai mungdan ting jaw kau nna, dai mung hta nga ai masha amyu ni hpe sat shamyit kau na nga, dai Madu na a Karai Kasang shi a shangun kasa Mawshe hpe hkang da nu ai gaw teng sha wa teng nga ai hpe anhte chye ga ai majaw dai hku anhte galaw kau saga ai. Dai sha n-ga, anhte a asak a matu hkrit tsang ai hte nanhte hpe hkrit gari nga ga ai majaw dai hku galaw kau saga ai.