YOBA 17:9 - Jinghpaw Common Language Bible 2009

⁹ Hkungga lara wa na matu tsun hkrum ai ni gaw shanhte ding man nga ma ai hpe grau grau nna chye na wa ma ai.

Jinghpaw Hanson Version Bible

⁹ Rai timung, dinghpring ai wa gaw shi a lam hkan nang nga nna, san seng ai wa a lata gaw, grau nna n-gun ja na ra ai.

YOBA 17:9 ပူးပေါင်းရင်းမြစ်များ

NINGPAWT NINGHPANG 20:5

Sara gaw shi a kajan re ngu nna Abraham shi nan tsun mi ai hte maren Sara mung dai zawn sha tsun mi ai. Ngai gaw ndai amu hpe san seng ai myit hte galaw nngai, ngai gaw shut hpyit ai amu hpa mung n galaw kau nga nngai,” ngu nna tsun wu ai.

2 SAMUELA 3:1

Shawlu a dinghku hpe karum shadaw ai ni hte Dawi hpe karum ai ni a lapran e na na wa majan gasat nga ma ai. Dawi mahtang grau grau nna n-gun ja wa nhtawm shi hpe ninghkap ai ni mahtang grau grau nna yawm mat wa nga ma ai.

YOBA 22:30

Nang gaw mara n kap ai sha nang galaw ai amu jaw ai rai yang, shi nang hpe hkye mawai la na ra ai.

YOBA 27:5

Ngai gaw nanhte ding man nga myit dai ngu nna galoi mung tsun na nngai n rai; Ngai si mat wa hkyen ai shani du hkra ngai hta mara n kap nga ai hpe myit jung nga na nngai.

YOBA 27:6

Ding hpring nga na ngu ai nye a dakan ai lam hpe ngai galoi mung shayaw kau na n rai; nye a myit asan sha rai nga li ai.

YOBA 31:7

Ngai gaw lam kaja kaw na yit mat ai rai yang, ngai hkum nan n hkru ai de myit kap mat u ga; nye a lata ni yubak galaw ai asai hte numsha nga ai rai yang,

YOBA 33:9

“Ngai gaw mara kap nga nngai n rai; ngai gaw shut ai amu hpa mung n galaw kau hkrup nngai, ngai gaw mara n kap ai hte yubak kaw na lawt nga nngai.

SHAKAWN KUNGDAWN 11:3

Arai yawng mayawng hkrat ga mat ai shaloi, mai kaja ai masha langai wa mi pyi lu galaw ai lam hpa mung n nga nga ai nga nna ngai hpe tsun ai nang gaw kade wa angawk nga n hka!

SHAKAWN KUNGDAWN 24:4

Sat lawat hte myit sawn ai lam hta san seng ai ni, hpara sumla ni hpe n nawku ai ni n teng n man ai ga sadi ni hpe n jaw ai ni rai ma ai.

SHAKAWN KUNGDAWN 26:6

Madu e, ngai mara n kap nga nngai hpe madun lu na matu, nye a lata hpe ngai kashin nngai; nawku daw jau na matu na a tawn hkungri hpe shinggrup hkawm nngai.

SHAKAWN KUNGDAWN 73:13

Dai majaw, nye hkum ngai san seng hkra nga nna, yubak n galaw ai sha nga kau ai gaw kaman wa rai nga a ni?

SHAKAWN KUNGDAWN 84:11

Madu gaw anhte hpe makawp maga ai wa hte hpung shingkang hte hpring ai hkawhkam wa rai nna; matsan dum ai myit hte arawng sadang anhte hpe shaman ya nga ai. Shi gaw teng man ai amu galaw ai ni hpe mai kaja ai lam hpa hpe mung jaw ya na, ningdang ai n rai.

SHAKAWN KUNGDAWN 84:7

Shanhte hkawm sa mat wa magang n-gun atsam grau nna jat la lu nga ma ai; Ziun Bum ntsa e, karai ni a Karai hpe shanhte wa mu lu na mara ai.

SHAKAWN KUNGDAWN 84:8

Chyahtum Chyalai n-gun rawng ai Madu Karai Kasang e, nye a akyu hpyi ga hpe na ya e; Yaku a Karai Kasang e, madat ya e!

GA SHAGAWP 10:25

Tara n lang ai ni gaw nbung laru du ai hte shapoi kau ai hkrum nga ma ai; ding hpring ai masha ni chyawm gaw tut nawng e, shim lum nga ma ai.

GA SHAGAWP 10:30

Ding man ai masha ni tut nawng e, shim lum nga ma ai; tara n lang ai ni chyawm gaw mungdan hta shanu nga lu na ma ai n rai.

GA SHAGAWP 14:16

Htauli htaula myit rawng ai masha ni gaw ru yak tsin-yam hpe sadi maja let, koi kau ma ti mung, angawk ai masha ni chyawm gaw shanhte nan n dum n dam larau ladau galaw ma ai.

GA SHAGAWP 4:18

Ding hpring ai ni a hkrun lam gaw jan pru wa ai zawn rai nga ai; dai gaw shani nhtoi hkung wa ai aten du hkra, grau grau nna, htoi leng wa nga ai.

MARKU 7:2

Yesu a sape nkau mi gaw nawku htung lai hku nna n san n seng awu asin re ai ngu ai lata ni hte shanhte a shat sha nga ma ai dai gaw, shawa masha ni hkan sa nang ai Hparishe ni htet da ai htung lai hte maren lata n kashin ma ai hpe ngu ai rai nga ai. (

YAKU 4:8

Karai Kasang hpang de sit sa wa mu; shaloi shi nanhte hpang de sit wa na ra ai. Yubak lu ai ni e, nanhte a lata ni hpe jasan jaseng da mu. Sawt ai ni e, nanhte a myit masin kraw lawang ni hpe jasan jaseng da mu.

1 PETRU 1:5

Dai gaw kam sham ai marang e hpang jahtum ai aten hta dan pru u ga nga nna lajang shajin da sai hkye hkrang la ai chyeju hpe hkam la lu mu ga; Karai Kasang a n-gun atsam hte makawp maga da hkrum nga ai nanhte a matu rai nga ai.

1 YAWHAN 2:19

Ndai masha ni gaw galoi mung anhte a kanawn mazum ai hte n seng ai ni rai ma ai majaw, anhte kaw na shanhte pru mat wa ma ai, anhte a kanawn mazum ai hte seng ai ni rai ma taw gaw shanhte gaw anhte hte rau nga nga na ma ai. Rai ti mung shanhte nlang anhte hte kaja wa n seng ai lam dan leng wa u ga, shanhte pru mat wa ma ai.