YOBA 17:8 - Jinghpaw Common Language Bible 2009

⁸ Myit malang wa na matu tsun hkrum ai ni mau kajawng mat ma ai; shanhte yawng gaw karai kata ai hku ngai hpe daw dan ma ai.

Jinghpaw Hanson Version Bible

⁸ Dai lam majaw tengman ai ni mau mat nna, mara n kap ai ni n shawp ai ni a lam myit kahtet nga ma ni.

YOBA 17:8 ပူးပေါင်းရင်းမြစ်များ

EZRA 9:3

Dai lam hpe ngai na jang, myit htum ai hte nye a hpun palawng ni gang je kau nna, nye a kara hte nhka mun ni hpe baw kau nhtawm gawng run yawn hkyen let dung nga nngai.

YOBA 22:19

N hkru ai masha ni ari jaw hkrum ai hpe shanhte mu ai shaloi, mai kaja ai masha ni kabu gara nna mara n kap ai ni mani asawng ma ai.

YOBA 34:30

Shanhte hpe up hkang nga ai kaw nna karai kata dip lu dip sha ai masha ni hpe hkum ban lu na matu, masha amyu baw ni galaw lu ai amu hpa mung n nga nga ai.

SHAKAWN KUNGDAWN 37:1

N hkru n shawp ai ni a majaw myit hkum ru et; n teng n man ai amu galaw ai ni hpe hkum yu manawn et.

HPAJI NINGLI 5:8

Up hkang ai ni gaw matsan mayan ni hpe dip gamyet zingri zingrat ai hte teng man rap ra ai tara hpe ningdang kau nna shanhte a ahkaw ahkang ni hpe shanut kau ai hpe nang mu yang hkum yu mau et. Du shagu gaw shi a ntsa na wa a makawp maga la ai hkrum nga ai. Shan lahkawng mung grau tsaw ai du ni a makawp maga la ai naw hkrum nga ai.

HABAKU 1:13

Rai ti mung, nang gaw ndai gumle gumlau rai nna n hkru ai masha ni hpe gara hku hkam sharang lu na rai nga n ta? Na a myi ni gaw n hkru ai hpe yu na matu naw san pra nga ai majaw shut hpyit amu galaw ai masha ni a man e, nang n hkam sharang lu nga ndai. Dai re ai majaw, shanhte gaw shanhte hta grau nna ding hpring nga ai masha ni hpe jahten shaza nga ma yang, nang hpa majaw atsin sha nga nga n ta?

KASA 13:46

Pawlu yan Barnaba mung grau nna nden ja ai myit hte, “Dai Karai Kasang a mungga nanhte hpe shawng tsun dan na ra nga ai, rai ti mung nanhte mahtang dai hpe n hkap la nna nhtum nwai asak hte n ging dan ai ni rai ga ai ngu nna tinang dai myit nawn daw dan la myit dai majaw anhte gaw, nanhte kaw na pru mat wa nna kaga maigan amyu ni hpang de sa wa na saga ai.

ROMA 11:33

Karai Kasang a chyeju gaw gade wa n taw n tsang law htam nga a hka! Karai Kasang a hpaji byeng-ya hte chye chyang ai lam gaw gade wa sung nga a hka! Shi a daw dan hparan ai lam ni hpe kadai wa sanglang htai dan lu a ta? Shi a lam ni hpe kadai wa chye na lu na a ta?