YOBA 17:3 - Jinghpaw Common Language Bible 2009

³ Karai Kasang e, ngai gaw ding man nga nngai majaw, nye a ga hpe hkap la ya e. Ngai tsun ai ga hpe madi shadaw ya na masha langai mi mung n nga nga ai.

Jinghpaw Hanson Version Bible

³ Tang da u; nang nan nye pahkam tai u; kadai wa ngai hte ga sadi tawn da na rai ta?

YOBA 17:3 ပူးပေါင်းရင်းမြစ်များ

NINGPAWT NINGHPANG 43:9

Ngai gaw nye a asak ap let ga sadi shagrin da nngai rai nna shi a majaw ngai hpe mara shagun lu na ndai. Ngai shi hpe shim lum hkam kaja ai hte nang hpang de bai n woi wa ai rai yang, dai mara hpe ngai tut nawng gun nga na nngai.

NINGPAWT NINGHPANG 44:32

Ngai gaw dai ma a matu nye wa hpe nye a asak hte ga sadi jaw da nngai. Dai ma hpe shi hpang de ngai bai n woi wa ai rai yang, nye a asak prat tup mara gun nga sana nngai.

YOBA 5:1

Yoba e, shaga yu u. Nang hpe htan ya ai wa nga yang, madat u. Nang myit kayin wa lu hkra kadai lamu kasa nga ai kun?

YOBA 9:33

Rai ti mung an a lapran e htinglu ya ai wa kadai n nga; Karai Kasang hte ngai hpe tara jeyang ya na kadai n nga ai.

SHAKAWN KUNGDAWN 119:122

Na a shangun ma wa hpe nang karum la na lam, ga sadi jaw e; myit tsaw myit dap ai masha ni ngai hpe hkum dip gamyet shangun et!

GA SHAGAWP 11:15

Tsasam wa a hka hpe, nang jaw ya na matu ga sadi hkam la ai rai yang, nang yawn hkrum na ndai; dai hta nang n shang achya lawm ai rai yang, nang grau nna kaja nga ai.

GA SHAGAWP 17:18

Nyan tang ai masha wa chyu sha, langai wa a hka ni hpe pahkam hkam ya chye nga ai.

GA SHAGAWP 20:16

Tsasam wa a hka hpe hkam la gwi ai angawk ai wa kadai hpe rai ti mung, shi a sutgan hpe pahkam hku zing tawn kau ra nga ai.

GA SHAGAWP 22:26

Marai langai ngai a hka hpe hkam la na matu, ga sadi hkum jaw et.

GA SHAGAWP 6:11

Rai ti mung, shi yup pyaw nga ai aten hta damya hkrum na ra ai.

ESAIA 38:14

Nye a nsen gaw kaji nna kya nga li ai, Ngai gaw hkrudu zawn madai nngai. Nye a myi ni sumsing lamu de mada yu nna hki ba mat sali ai. Dai Madu gaw ngai hpe ndai ru tsang yawng hta na hkye mawai la nga ai.

HEBRE 7:22

Ndai zawn aya hkam ai lam hta shai hkat ai majaw Madu Yesu gaw grau kaja ai ga shaka hpe pahkam hkam ya ai wa tai wa sai.