YOBA 15:7 - Jinghpaw Common Language Bible 2009

⁷ Nang gaw shawng shangai ai wa rai nga ai ngu, myit nawn da wu ni? Karai Kasang gaw bum ni hpe hpan da ai shaloi, dai yang e nang nga nga sani?

Jinghpaw Hanson Version Bible

⁷ Shawng shangai ai wa, nang rai nni? bum ni garai n nga yang, nang nga nit ni?

YOBA 15:7 ပူးပေါင်းရင်းမြစ်များ

NINGPAWT NINGHPANG 4:1

Dai hpang Adam gaw shi a madu jan hte kanawn nna, shi hta na-um nasin hkum tai wa sai. Shi gaw shadang sha langai shangai nhtawm, “Dai Madu karum la ai a jaw e, shadang sha langai ngai lu se ai,” nga nna tsun wu ai. Dai rai nna shi gaw dai shadang sha hpe Ka-in ngu nna shamying wu ai.

YOBA 12:12

Asak kaba sai masha ni gaw hpaji byeng-ya lu ma ai; rai ti mung, Karai Kasang gaw hpaji byeng-ya hte daru magam n-gun rawng nga ai. Asak kaba sai ni gaw myit kraw hpaji lu ma ai; Karai Kasang chyawm gaw myit kraw hpaji hte n-gun atsam rawng nga ai.

YOBA 15:10

Anhte gaw na nwa a shawng e shangai nna dingla baw hpraw sai ni kaw na hpaji byeng-ya sharin la saga ai.

SHAKAWN KUNGDAWN 90:2

Bum ni hpe garai n hpan da ai hte mungkan ga garai n lat ai aten kaw nna, nang gaw chyi nma pri npra Karai Kasang rai nga ndai; htum ngu n nga ai htani htana Karai Kasang mung nang rai nga ndai.