YOBA 13:4 - Jinghpaw Common Language Bible 2009

⁴ Nanhte gaw masu ga ni hte nanhte a angawk angak lam hpe htinggrum da nga myit dai; nanhte gaw kadai hpe mung n chye tsi shamai ya lu ai sara wun ni zawn rai nga myit dai.

Jinghpaw Hanson Version Bible

⁴ Nanhte chyawm gaw, masu ga chye jahta ai ni, akyu n rawng ai tsi sara ni hkrai, rai nga myit dai.

YOBA 13:4 ပူးပေါင်းရင်းမြစ်များ

NEHEMIA 6:8

Ngai gaw shi hpe ning ngu htang shana dat ni ai: “Nang tsun ai ga n teng nga lit dai. Dai yawng hpe nang nan pau tsun kau nga nit dai.”

YOBA 27:12

Rai ti mung, n rai law, hpang jahtum hta, nanhte nan dai lam mu manit dai; dai rai nna hpa majaw dai zawn kaman lila ga shaga nga myit ni?

YOBA 6:15

Rai ti mung, nanhte, nye a manang ni e, nanhte chyawm gaw marang n htu yang hkun hkraw mat ai hka shi ni zawn ngai hpe masu nga myit dai.

YOBA 6:20

rai ti mung dai hkun hkraw ai hka shi ni a makau du jang, shanhte myit htum mat ma ai.

YOBA 6:21

Nanhte gaw nye a matu dai hka shi ni zawn rai nga myit dai; nanhte gaw nye a hkrit hpa gam maka hpe mu nna hkrit kanung nga myit dai.

SHAKAWN KUNGDAWN 119:69

Gumrawng gumtawng ai ni nye a lam hpe masu magaw ga ni hte tsun shatan nga ma ti mung; nye a myit masin mahkra hte na a ga matsun ni hpe ngai madat mara hkan sa nga nngai.

PRU MAT 20:16

“Kadai hpe mung n teng n man ai hku mara hkum shagun et.

YEREMIA 23:32

Dai Madu ngai nan tsun ai ga hpe madat mu! Masu magaw ga amyu amyu hte hpring nna, shanhte a yup mang shingran ni hpe tsun hkai ai myihtoi ni hpe ngai hkap daw na nngai. Shanhte a masu magaw ga ni, kaman lila grang ai ga ni, ndai yup mang shingran ni tsun hkai ai hte nye a amyu masha ni hpe lam woi shadam nga ma ai. Ngai gaw shanhte hpe shangun dat ai n rai, shanhte gaw ndai amyu masha ni a matu dik nna hpa karum shingtau ya lu ma ai n rai. Dai Madu ngai nan tsun ni ai,” ngu nna tsun ai.

YEREMIA 30:13

Nanhte hpe lanu lahku na kadai n nga nga ai, nanhte a hpye ai nma hpe tsi lajang na tsi n nga nga ai, nanhte a matu shamai shatsai ya na myit mada shara n nga nga ai.

YEREMIA 46:11

Egutu masha ni e, Gilead mung de lung wa nna, dai yang e, tsi mawan tam la mu! Na a tsi mawan yawng gaw akyu n rawng ai hpe sha sakse madun nga ai; hpa hte mung nang hpe tsi shamai ya lu ai n rai.

YEREMIA 6:14

Masha yawng hte wa n hkam kaja nga yang, ‘Yawng hkra hkam kaja nga ga ai,’ nga nna shanhte tsun let, nye a amyu masha ni a nma ni gaw mahkyit agret kau ai zawn chyu sha rai nga ai ngu, shanhte myit nawn la ma ai.

YEREMIA 8:22

Gilead mung e tsi mawan hpun ru hpa mung n nga nga a ni? Dai mung hta tsi sara ni n nga ma ni? Dai rai yang, nye a amyu masha ni hpa majaw shamai shatsai n hkrum nga ma ni?

EZEKELA 34:4

Gawng kya ai sagu ni hpe pyi nanhte lanu lahku nga myit dai n rai; machyi hkrum ai wa hpe mung tsi shamai ya nga ai n rai, ningma kap ai sagu hpe ahkyen kayawp ai n rai, dam mat wa ai sagu hpe mung bai woi la ai n rai, mat mat sai sagu hpe mung tam la nga myit dai n rai. Shing rai hkan galaw na malai, nanhte gaw shanhte hpe myit ja ai hte adip arip di reng nga myit dai.

HOSEA 5:13

“Israela gaw shi kade wa machyi nga ai hpe mung, Yuda gaw shi a nma kade sawng nga ai hpe mung mu ai shaloi, Israela gaw Asuri hpang de sa nna karum hkam la na matu hkawseng kaba wa hpe san yu wu ti mung, shi gaw shanhte hpe tsi ya lu ai n rai, shanhte a nma ni hpe shamai ya lu ai n rai.

MARKU 2:17

Yesu dai hpe na wu yang, “Hkam kaja ai ni tsi sara n ra ma ai, machyi ai ni sha ra ma ai. Ding hpring nna hkungga ging dum ai ni hpe shaga na matu n rai, yubak lu ai ngu nna kabai kau hkrum ai ni hpe shaga na matu she ngai sa du nngai,” ngu nna shanhte hpe tsun mu ai.

MARKU 5:26

Shi gaw tsi sara ni law law a lata hta nni nkri law law hkrum ai hte tsi lajang yu sai. Shi lu malu ja gumhpraw ni mung ma mat sai; rai ti mung mai wa na malai grau grau chyawm sawng wa lu ai.