YOBA 11:7 - Jinghpaw Common Language Bible 2009

⁷ Karai Kasang a galu kaba ai hte daru magam n-gun a masat jarit ni hpe nang mu sawk lu n ni?

Jinghpaw Hanson Version Bible

⁷ Nang gaw sawk yu ai hte, Karai Wa hpe chye lu nni? n-gun chyalai rawng ai Wa hpe npawt ndung hkren chye lu nni?

YOBA 11:7 ပူးပေါင်းရင်းမြစ်များ

YOBA 22:12

Karai Kasang gaw tsaw htum ai sumsing lamu ni hta nga nga nna; tsaw ai shara hta nga nga ai shagan ni hpe pyi shi naw gum yu nga ai n rai ni?

YOBA 26:14

Rai ti mung dai ni gaw shi a daru magam n-gun a ga machyan ni sha naw rai nga ai; anhte na yu ai gaw kahte tsun ai ga ni sha naw rai nga ai. Karai Kasang gaw teng teng kade wa galu kaba nga ai hpe kadai chye lu a ta?

YOBA 27:11

Karai Kasang a daru magam n-gun kade galu kaba nga ai lam ngai nanhte hpe sharin ya na made ai; Chyahtum Chyalai N-gun Rawng Ai Karai Kasang hpa baw shatawng shada maw mawn ai lam tsun shaleng dam made ga.

YOBA 33:12

Rai ti mung, Yoba e, ngai nang hpe tsun de ga; nang shut nga ndai. Karai Kasang gaw shinggyim masha kadai hta mung grau galu kaba nga ai.

YOBA 33:13

Shinggyim masha a aput angun ai ga hpe galoi mung n htan ya nga ai Karai Kasang hpe nang hpa majaw mara shagun n ta?

YOBA 35:5

Sumsing lamu de mada yu mu! Sumwi ni kade sha tsaw ai shara hta nga nga ai hpe yu yu mu!

YOBA 36:26

Shi a galu kaba ai lam hpe anhte tup hkrak chye lu ga ai n rai; shi a shaning ni kade law nga ai hpe kadai n dang hti lu nga ai.

YOBA 37:23

Karai Kasang a daru magam n-gun gaw grai galu kaba nga ai rai nna; shi a makau de anhte shani sa lu ga ai n rai; shi gaw shinggyim masha ni hte kanawn mazum ai hta ding hpring nna teng man nga ai.

YOBA 37:5

Karai Kasang a hkang da ai ga gaw galu kaba ai amu ni, anhte n chye na lu ai mauhpa amu ni shabyin dat nga ai.

YOBA 42:3

Ngai grai angawk angak nga nngai shaloi na a hpaji byeng-ya ga hpe ngai kaning rai san gwi na gaw nang san nga ndai. Ngai n chye na hkraw ai lam ni hte nye a matu chye na na nau galu kaba ai mauhpa lam ni hpe ngai tsun hkrup se ai.

YOBA 5:9

Shi galaw ai galu kaba ai amu ni hte htum ngu n nga ai shi a mauhpa amu ni hpe anhte n chye lu nga ga ai.

SHAKAWN KUNGDAWN 139:6

Nye a lam hpe chye ya ai na a machye machyang hpaji gaw nau sung la nga ai; dai gaw, nye a machye machyang hte n dang dep lu nga ai.

SHAKAWN KUNGDAWN 145:3

Madu gaw galu kaba nga ai majaw, nachying shakawn ging ai wa rai nga ai; shi a galu kaba ai lam hpe n dang chye lu nga ai.

SHAKAWN KUNGDAWN 77:19

Nang gaw hka leng ni a ntsa hku hkawm lai mat wa nna; sung ai panglai hka hpe lai di mat wa nga ndai, rai ti mung, na a lagaw hkang hpe kadai mung n mu lu nga ma ai.

GA SHAGAWP 30:4

Sumsing lamu hte seng ai machye machyang hpaji hpe, kadai wa hkrak dang chye lu nga a ta? Shi a lata hta nbung hpe rim latup da yu sai gaw, kadai wa nga nga yu sata? Sumpan hkyep hte hka hpe makai hkayawp yu sai gaw, kadai wa nga nga yu sata? Ginding aga a jarit ni hpe, kadai wa shangang shagrin da yu sata? Shi gaw kadai wa rai nga a ni? Shi a kasha gaw kadai wa rai nga a ni? Nang chye ai rai yang, tsun u.

HPAJI NINGLI 3:11

Shi gaw yawng mayawng a matu jaw hkrak ai aten masat ya nu ai. Shi gaw anhte hpe du na ra ai aten hpe chye na lu ai myit jaw da mani ai, rai ti mung, shi galaw ai amu hpe myit dik hkra chye na hkawn hkrang shangun ai nyan anhte hpe galoi mung n jaw nga ai.

HPAJI NINGLI 7:24

Asak hkrun lam a lachyum hpa rai nga ai hpe kadai wa sawk tam lu nga a ta? Dai gaw anhte a matu nau wa sung nna, chye na hkawn hkrang na matu nau wa yak la nga ai.

ESAIA 40:28

Nang n chye n ni? Nang n na yu n ni? Dai Madu gaw tut nawng agrin nga ai Karai Kasang rai nga ai; shi gaw mungkan ga yawng hpe hpan da nga ai. Shi gaw galoi mung gawng run ai n rai, hki ba ai n rai. Kadai mung shi a myit mang ai lam ni hpe n chye lu nga ai.

MAHTE 11:27

Nye Wa gaw arai yawng mayawng ngai hpe ap ya ni ai; Wa hta kaga, dai Kasha hpe kadai mung n chye lu ai: dai Kasha hte, dai Kasha shadan dan mayu ai ni hta kaga kadai n chye lu ai.

ROMA 11:33

Karai Kasang a chyeju gaw gade wa n taw n tsang law htam nga a hka! Karai Kasang a hpaji byeng-ya hte chye chyang ai lam gaw gade wa sung nga a hka! Shi a daw dan hparan ai lam ni hpe kadai wa sanglang htai dan lu a ta? Shi a lam ni hpe kadai wa chye na lu na a ta?

1 KORINHTU 2:10

Karai Kasang chyawm gaw shi a Wenyi hku nna shi a makoi magap da ai lam anhte hpe shapraw shadan dan mi ai. Dai Wenyi gaw arai yawng mayawng hpe sha n rai, Karai Kasang a sung htum ai hte makoi magap da ai shatawng shada ai lam ni hpe pyi manaw sawk yu nga ai.

1 KORINHTU 2:16

Dai Chyum Laika hta, “Kadai wa mi dai Madu a myit hpe chye lu a ni? Kadai wa mi shi hpe hpaji jaw sharin achyin ya lu a ni?,” nga nna ka da nga ai hte maren rai nga ai. Anhte chyawm gaw Hkristu a myit hpe lu ai ni rai nga ga ai.

EHPESU 3:8

Ngai gaw Karai Kasang a masha ni hta kaji dik ai wa hta pyi grit nem ai wa rai nga nngai; rai ti mung, Karai Kasang gaw Hkristu a chyahtum chyalai re ai ngamu ngamai lam hte seng ai dai Kabu Gara Shiga hpe maigan masha ni hpang de la sa na matu mung,