YOBA 10:9 - Jinghpaw Common Language Bible 2009

⁹ Nang gaw ngai hpe kagam ga hte hpan da nga ndai hpe dum u; ngai hpe ga nhpu de bai nhtang wa shangun na a ni?

Jinghpaw Hanson Version Bible

⁹ Ga kagam zawn nang ngai hpe shachyaw ai lam, dum u; ga nhpu hta ngai hpe nhtang shangun na a hka.

YOBA 10:9 ပူးပေါင်းရင်းမြစ်များ

NINGPAWT NINGHPANG 2:7

Dai hpang dai Madu Karai Kasang gaw aga kaw nna ga loi mi hpe la nhtawm dai hte shinggyim hkrang shachyaw wu ai; shi a ladi hta hkrung ai nsoi nsa hpe shi kawut bang ya wu ai hte dai shinggyim masha gaw hkrung hpang wa nga ai.

NINGPAWT NINGHPANG 3:19

Ga hte nang shachyaw da ai hkrum nga ndai majaw ga de nang bai nhtang wa ai aten du hkra, ga kaw nna hpa hpe mung tu shaprut lu na matu nang gaw salu salat hte bungli shaja sha ra na ndai. Nang gaw ga hte shachyaw da nga ndai majaw ga bai tai na rin dai,” ngu nna tsun wu ai.

YOBA 10:10

Ngai hpe shaprat na matu nye wa hpe nang n-gun bang ya nit dai; nang gaw ngai hpe nye nu a hkritung hta kaba wa shangun nga ndai.

YOBA 17:14

Ngai gaw lup sung hku hpe nye kawa ngu nna shaga na nngai; ngai hpe sha ai byet ni hpe nye kanu, nye kajan ni ngu nna shaga na nngai.

YOBA 33:6

Nang hte ngai gaw Karai Kasang a man e maren sha rai nga ga ai; an lahkawng yan gaw kagam ga hte shachyaw da hkrum ai yan rai nga ga ai.

YOBA 34:15

hkrung mahkrung shagu gaw si mat wa nna, ga nhpu de nhtang mat wa na mara ai.

YOBA 4:19

Ga kagam hkrung kanu hte manut zawn jahten shaza kau lu ai ga nhpu arai ni hta shi kam na ra ai ngu, nang myit nawn da wu ni?

YOBA 7:21

Nang gaw nye a shut hpyit mara hpe galoi mung n raw ya lu sani? Ngai galaw shut ai amu hpe nang mara n dat ya lu sani? Kade n na yang, nye a lup sung hku hta ngai taw nga na ni ai; nang ngai hpe tam ai shaloi, ngai nga na nngai n rai.

YOBA 7:7

O Karai Kasang e, nye a asak gaw nsoi nsa langai sha rai nga ai hpe dum u law. nye a kabu gara ai mung htum mat sali ai.

SHAKAWN KUNGDAWN 103:14

Anhte hpe hpa hte galaw da nga ai hpe shi chye nga ai; anhte ga nhpu ni rai nga ga ai hpe shi dum nga ai.

SHAKAWN KUNGDAWN 104:29

Nang myi man kayin mat wa ai shaloi, dai ni hkrit nga ma ai; dai ni a nsoi nsa ni hpe, nang dawm la kau ya ai shaloi, shanhte si wa nna, shanhte pru wa ai ga nhpu kaw nna dai ga nhpu de bai nhtang mat wa ma ai.

SHAKAWN KUNGDAWN 106:4

Madu e, na a amyu masha ni hpe nang karum ndai shaloi, ngai hpe mung dum nga et; shanhte hpe nang hkye hkrang la ai shaloi, ngai hpe mung shalawm la et.

SHAKAWN KUNGDAWN 22:15

Nye a yuhkraw gaw ga nhpu zawn hkraw mat nna; nye a shinglet nye a gumra hta kap mat nga ai. Nang gaw ngai hpe ga nhpu hta si na matu tawn kau da nit dai.

SHAKAWN KUNGDAWN 25:18

Nye a myit ru myit tsang lam hte nni nkri lam ni hpe myit sawn ya e, nye a yubak ni yawng hte hpe mung dat kau ya e.

SHAKAWN KUNGDAWN 78:39

Shanhte gaw si chye ai hkrung kanu ni sha rai nga ai; nbung bung lai mat wa nna me rai, mat mat ai nbung zawn rai nga ma ai hpe shi dum ya wu ai.

SHAKAWN KUNGDAWN 89:47

Nye a asak kade daram kadun nga ai hpe dum nga u; si mat chye ai anhte yawng hte hpe nang hpan da nga ndai hpe mung dum u.

SHAKAWN KUNGDAWN 90:3

Nang gaw shinggyim masha ni hpe ga nhpu de bai shabai kau nna; shanhte hpe mi na shara de nhtang wa masu, nga nna nang tsun nga ndai.

HPAJI NINGLI 12:7

Anhte a hkum hkrang ni gaw ga nhpu de nhtang mat wa na ra ai. Asak a nsoi nsa chyawm gaw anhte hpe jaw ya ai Karai Kasang hpang de nhtang wa na ra ai.

ESAIA 45:9

Ga di bu gaw di bu sama wa hte, ndai di bu gaw kaga yawng hte bung nga a ni, nga nna dangrang gwi nga a ni? Kagam ga gaw di bu sama wa hpe nang hpa galaw nga n ta, ngu nna san mai nga a ni? Di bu gaw galaw ai wa hpe kung kyang ai lam n nga ai, ngu nna tsun aput mai nga a ni?

ESAIA 64:7

Akyu hpyi let nang kaw kayin wa ai masha kadai n nga nga ai; karum la na matu nang kaw kadai n sa nga ai. Nang gaw na hkum hpe anhte kaw na makoi kau nhtawm anhte galaw ai yubak mara ni a majaw anhte hpe kau da nga nit dai.

ESAIA 64:8

Rai ti mung, nang gaw dai Madu anhte a kawa rai nga ndai. Anhte gaw kagam ga hte bung ga ai, nang gaw di bu sama wa hte bung nga ndai. Nang anhte hpe hpan da ndai,

YEREMIA 18:6

“Di bu sama wa gaw kagam ga hte di bu galaw nu ai zawn, ngai gaw nang Israela amyu masha ni hte galaw lu na ahkang n lu mai nga a ni? Kagam ga gaw di bu sama wa a lata hta rai nga ai zawn nang gaw nye a lata hta rai nga ndai.

ROMA 9:21

Dibu sama wa gaw kagam ga hpe shi ra ai hku galaw na ahkaw ahkang shi lu da wu ai rai nna ga gumdin langai sha hta na chyen mi hpe ahkyak ai poi shingra ni hta lang na dibu kaja, bai chyen mi hpe yu maya shara hta lang na matu dibu galaw lu ai n rai ni?

2 KORINHTU 4:7

Rai ti mung dai chyahtum chyalai re ai n-gun atsam chyawm gaw anhte kaw na n rai, Karai Kasang kaw na rai nga ai lam madun dan lu u ga, ndai wenyi sutgan lu tawn ai anhte gaw, yu maya ga di bu ni hte sha bung ga ai.