YOBA 10:7 - Jinghpaw Common Language Bible 2009

⁷ Ngai mara n lu nga nngai mung, na a lata kaw na ngai hpe kadai n hkye la lu ai hpe mung nang chye nga ndai.

Jinghpaw Hanson Version Bible

⁷ Rai timung, ngai n hkru ai wa, n re ai hte, na a lata na mawai la ai wa n nga ai hpe, nang chye nga ndai.

YOBA 10:7 ပူးပေါင်းရင်းမြစ်များ

YOBA 10:15

Ngai shut hpyit mara galaw ai shaloi jang, ngai hta ru yak tsin-yam hkrum nngai, rai ti mung, jaw ai amu hpe ngai galaw ai shaloi, ngai gaw arawng sadang hkam la lu ai n rai. Ngai gaw nni nkri hte kaya kahpa e htinggrum da hkrum nga nngai.

YOBA 11:4

Nang tsun ai ga gaw teng man nga ai nga nna nang tsun ndai; nang gaw Karai Kasang a man e san seng nga ndai nga nna nang tsun ndai.

YOBA 13:18

Ngai ding hpring nga nngai hpe ngai chye ai majaw nye a amu hpe tsun shaleng na shajin da nga nngai.

YOBA 23:10

Rai tim, ngai hkawm ai lagaw lahkam shagu hpe Karai Kasang chye nga ai; shi ngai hpe chyam dinglik yu ai rai yang, ngai san seng nga nngai hpe shi mu lu na ra ai.

YOBA 23:11

Ngai gaw shi lata la ai lam hta sadi sahka hte hkan nang nngai; ngai gaw galoi mung yit mat ai n rai.

YOBA 27:22

shanhte gaw kaja htum ai hku hprawng gale mayu ti mung dai gaw matsan dum ai lam n nga ai sha, shanhte hpe shapoi kau na mara ai.

YOBA 31:14

Dai zawn ngai galaw ai rai yang, Karai Kasang hpe ngai kaning rai myi man madun lu na rai ta? Karai Kasang ngai hpe tara sa jeyang yang, ngai kaning ngu tsun lu na rai ta?

YOBA 31:35

Ngai tsun nga ai ga hpe kadai madat ya na rai ta? Ga hkum shagu gaw teng man nga ai hpe ngai dagam lu nngai. Chyahtum Chyalai N-gun rawng ai Karai Kasang gaw ngai hpe htan ya u ga law. Ngai hpe shingjawng kashun ai wa ngai hpe ninghkap nna mara shagun ai laika ka ai rai yang, dai ni hpe ngai mu lu n-ga law.

YOBA 31:6

Karai Kasang gaw ngai hpe man ai joi jang hte shen yu u ga; ngai kade wa mara n kap nga nngai hpe shi mu lu na ra ai.

YOBA 32:1

Yoba gaw shi nan mara n kap dum nga ai hpe dum chye nga ai majaw, masha marai masum shi a ga hpe n htan ai sha nga mat ma ai.

YOBA 33:9

“Ngai gaw mara kap nga nngai n rai; ngai gaw shut ai amu hpa mung n galaw kau hkrup nngai, ngai gaw mara n kap ai hte yubak kaw na lawt nga nngai.

YOBA 40:8

Ngai gaw shut hpyit ai hte n tara nga nngai; nang nan chyawm gaw ding man nga ai ngu, nang mara shagun mayu nga n ni?

YOBA 42:7

Dai Madu gaw Yoba hpe ga shaga ngut jang, shi gaw Elihpaza hpe, “Nye a lam hte seng nna nye a shangun ma Yoba zawn teng man ai ga nang n tsun ndai majaw, nang hte na a manang lahkawng yan hpe pawt bu nngai.

YOBA 9:12

Shi ra ai arai hpe shi la nga ai, kadai mung shi hpe jahkring lu ai n rai; Kadai mung shi hpe, “Nang hpa galaw nga n ta?,” ngu nna san gwi nga ai n rai.

YOBA 9:21

Ngai gaw mara n kap nngai, rai ti mung ngai hta hpa byin wa na lam hpe pyi hpa zawn n nawn nngai. Ngai gaw asak hkrun lam hpe n dawng nngai; nye a matu hpa mung n ahkyak nga ai; mara n kap ai rai ti mung, kap ai rai ti mung, Karai Kasang gaw anhte hpe shamyit kau na ra ai.

SHAKAWN KUNGDAWN 1:6

Ding hpring ai ni gaw dai Madu kaw nna lam woi ai hte makawp maga la ai hkrum nga ma ai; n hkru ai ni chyawm gaw htum mat wa na mara ai.

SHAKAWN KUNGDAWN 17:3

Nang gaw nye a myit masin hpe chye ya nga ndai. Shana aten hta, nang gaw ngai kaw du sa nna, ngai hpe akri akrai san jep yu nit dai, ngai hta n hkru ai myit hpa mung n rawng nga ai hpe nang mu ya nga ndai.

SHAKAWN KUNGDAWN 50:22

“Ngai hpe malap mali rai nga ai wa nang e, ndai ga ni hpe madat yu u: shing n rai, ngai nanhte hpe jahten sharun kau na nngai, nang hpe hkye hkrang la na kadai mung nga na n rai.

SHAKAWN KUNGDAWN 7:3

O Madu nye a Karai Kasang e, ngai masha langai ngai hpe shut kau ni ai rai yang mung, nye a manang wa hpe gumle gumlau galaw kau ni ai rai yang mung, shing n rai, matu kata nye a gumlau hpyen wa a ntsa e, kashun kashe amu galaw kau ai hte, ndai lam langai ngai hpe ngai galaw hkrup kau ni ai rai yang mung,

ESAIA 43:13

Ngai gaw Karai Kasang rai nga nngai, tut nawng arai nga na nngai. Kadai mung nye a daru magam n-gun kata kaw na lawt lu ai n rai; kadai mung ngai galaw ai amu hpe galai lu nga ai n rai,” ngu nna tsun ai.

Daniela 3:15

Ya chyawm gaw, nanhte dai pahke, tingse, sumpyi chyingbau, dawraw hte kaga madum sumpyi ni yawng dum ai nsen na ai hte rau hkrang sumla hpe gum dagup let nawku na rai myit dai. Dai zawn n galaw ai rai yang, nanhte hpe grung nga ai wan htung de kalang lata kabai bang kau ai hkrum na marin dai. Nanhte hpe hkye hkrang la lu ai kaga karai naw nga ai zawn nawn da nga myit ni?,” ngu nna tsun wu ai.

HOSEA 2:10

Ngai gaw shi a sumtsaw ni a man e shi hpe singgu krin raw sharun da na nngai, kadai mung shi hpe nye a lata kaw nna hkye mawai la lu na n rai.

HOSEA 5:14

Ngai gaw Israela hte Yuda amyu masha ni hpe hkanghkyi langai zawn htim gasat na nngai. Ngai hkum nan shanhte hpe adaw atang di gang je kau na nngai, dai hpang shanhte hpe tawn kau da na nngai. Ngai shanhte hpe gang garawt mat wa ai shaloi, kadai mung shanhte hpe hkye hkrang la lu na ra ai n rai.

YAWHAN 21:17

Bai masum lang ngu na Yesu gaw, “Yawhan a kasha Simun e, nang ngai hpe tsaw ra nga n ni?,” ngu nna shi hpe san wu ai majaw, Petru myit yawn nna, “Madu e, nang gaw yawng mayawng hpe chye nga ndai ngai nang hpe tsaw ra nga nngai gaw, nang chye nga ndai!,” ngu nna htan wu ai. Yesu gaw, “Nye a sagu ni hpe bau rem nga u.

2 KORINHTU 1:12

Anhte myit kata hta asan sha gumrawng na lam langai mi nga ai; dai gaw, ndai mungkan hta anhte a asak hkrung lam, grau nna nanhte hte kanawn mazum matut mahkai ai lam ni hta masha a machye machyang hta n shamyet shanat ai sha Karai Kasang a chyeju atsam hte anhte gaw Karai Kasang jaw ai teng man san seng ai myit masin e up hkang ai hku nna amu galaw ai lam rai nga ai.

TARA JAHPRANG 32:39

“‘Ngai hte ngai chyu sha Karai Kasang rai nga nngai; karai shaje kadai mung karai jet n rai nga ai. Ngai sat nna ngai jahkrung nngai, ngai jahpye nna ngai shamai nngai; ngai galaw ai lam hpe kadai e mung ninghkap lu ai n rai.

1 HTESALONI 2:10

Kam sham nga ai ni nanhte a man e anhte a arawn asam san seng nna teng man ai hte mara n rawng nga ai gaw anhte a matu nanhte nan sakse ni rai nga myit dai, dai hte maren Karai Kasang mung sakse rai nga ai.

YAWSHU 22:22

“Chyahtum Chyalai N-gun rawng ai wa gaw Karai Kasang rai nga ai! Shi gaw dai Madu rai nga ai! Chyahtum Chyalai N-gun rawng ai wa gaw Karai Kasang rai nga ai! Shi gaw dai Madu rai nga ai! Shi gaw anhte ndai amu hpe hpa majaw galaw nga ga ai lam chye ai zawn nanhte hpe mung anhte chye shangun nga ga ai! Anhte gumlau nna dai Madu hta kam sham ai myit n rawng saga ai rai yang, anhte hpe galoi mung hkum jahkrung da mi!