YOBA 10:4 - Jinghpaw Common Language Bible 2009

⁴ Anhte galaw ai amu ni hpe nang mu n ni?

Jinghpaw Hanson Version Bible

⁴ Nang gaw dinghta myi tu nni? Shinggyim masha mu de nna mu nni?

YOBA 10:4 ပူးပေါင်းရင်းမြစ်များ

YOBA 24:23

Karai Kasang gaw shanhte hpe shim lum hkra nga shangun nga ai; rai ti mung shanhte hpe aten shagu hkan yu nga ai.

YOBA 28:24

Hpa majaw nga yang, shi gaw ginding aga a jahtum hpe mu nna, Sumsing lamu a npu na nga manga hte hpe shi mu nga ai.

YOBA 34:21

Shi gaw masha a lahkam shagu hpe mada yu nga ai.

YOBA 9:32

Karai Kasang gaw shinggyim masha rai yang, ngai shi hpe htan lu na nngai; shing rai an a htailai hkat ai hpe daw dan na matu tara rung de sa ang na ga ai.

LUKA 16:15

Yesu gaw, “Nanhte gaw masha ni a man e, tinang a hkum hpe teng man ai masha ni re ngu ai hku mu shangun nga myit dai; rai ti mung, Karai Kasang gaw myit masin ni hpe chye ya nga ai. Hpa majaw nga yang, masha e jahpu shareng nna shagrau ai arai ni gaw Karai Kasang a man e manu n rawng nga ai.

SHINGRAN 1:14

Shi a kara gaw hpraw ai sagu mun zawn shing n rai hkyen zawn hpraw nga ai. Shi a myi ni gaw wan shinglet zawn tu nga ai;

1 SAMUELA 16:7

Rai ti mung, dai Madu gaw shi hpe, “Shi gaw kade wa mi hkum shingyan galu nna ahpraw tsawm htap nga wu ti mung, myit hkum shang sha et, ngai gaw masha e daw dan masat ai zawn n daw dan ai majaw, ngai shi hpe n la nngai. Masha gaw shinggan ahpraw asam hpe sha yu chye nga ai; rai ti mung ngai chyawm gaw myit masin hpe she yu nngai,” ngu nna tsun wu ai.