YOBA 10:3 - Jinghpaw Common Language Bible 2009

³ Na a matu grai di gumshem ai gaw jaw a ni? Nang nan hpan da ai arai hpe hpa majaw yu matsat kau n ta? N hkru ai masha ni a yaw shada ai lam ni hta hpa majaw yu myit dik nga n ni?

Jinghpaw Hanson Version Bible

³ nang ngai hpe zingri ai gaw, na matu htuk nga a ni? Nang nan hpan da ai rai hpe, nang matsat kau nna, tara n lang ai ni a bawng ai lam hta awlaw na, htuk nga a ni?

YOBA 10:3 ပူးပေါင်းရင်းမြစ်များ

YOBA 10:8

Na a lata hte ngai hpe hpan da nna hkrang shapraw da nga ndai, ya chyawm gaw dai lata hte nan ngai hpe shamyit kau nga ndai.

YOBA 14:15

Dai hpang, nang shaga yang, ngai htan ya na nngai, nang gaw na a hkrung kanu rai nga ai ngai hpe awng sharawng wa na ndai.

YOBA 15:13

Nang gaw Karai Kasang hpe masin pawt nna, shi hpe jahpoi nga ndai.

YOBA 16:11

Karai Kasang gaw ngai hpe n hkru ai masha ni a lata de ap kau ni ai.

YOBA 19:6

Ndai amu Karai Kasang galaw nu ai hpe nanhte n mu myit ni? Shi gaw ngai hpe rim na mahkam up da nga nu ai.

YOBA 21:16

Shanhte chyawm gaw shanhte a n-gun lagaw hte sha awng dang lu ai nga nna tsun ma ai; rai ti mung shanhte a myit mang ai lam hpe ngai n hkap la lu nngai.

YOBA 22:18

Shing nga tim, Karai Kasang gaw shanhte hpe ngamu ngamai shangun ai majaw, n hkru ai ni a myit mang ai lam ni hpe ngai n chye na lu nngai.

YOBA 30:21

Nang gaw ngai hpe gumshem ai hku di nga ndai; na a daru magam n-gun mahkra hte ngai hpe zingri ndai.

YOBA 31:15

Ngai hpe hpan da ai Karai Kasang nan nye a shangun ma ni hpe mung hpan da nga ai.

YOBA 33:4

Karai Kasang a wenyi gaw ngai hpe hpan da nna asak jaw ya nga sai.

YOBA 40:8

Ngai gaw shut hpyit ai hte n tara nga nngai; nang nan chyawm gaw ding man nga ai ngu, nang mara shagun mayu nga n ni?

YOBA 8:20

Rai ti mung Karai Kasang chyawm gaw kam sham ai wa hpe galoi mung kau da na ra ai n rai; n hkru ai masha ni hpe galoi mung karum ai n rai.

YOBA 9:24

Karai Kasang gaw mungkan ga hpe n hkru ai ni a lata hta ap ya nga ai. Shi gaw tara agyi ni yawng hpe myi kyaw kau shangun nga ai. Dai amu hpe Karai Kasang n galaw yang, kadai galaw a ta?

SHAKAWN KUNGDAWN 100:3

Dai Madu gaw Karai Kasang rai nga ai hpe yin la mu. Shi anhte hpe hpan da mi ai rai nna, anhte mung shi hte seng ai ni rai nga ga ai; anhte gaw shi a amyu masha ni rai nna, shi a sagu hpung ni rai nga ga ai.

SHAKAWN KUNGDAWN 138:8

Nang ga sadi tawn da nit dai hte maren, lam shagu hpe jahpring shatsup ya na rin dai; Madu e, na a tsaw ra myit htani htana agrin nga ai. Nang hpang da sai amu ni hpe shangut u law.

SHAKAWN KUNGDAWN 69:33

Dai Madu gaw ra kadawn nga ai ni a akyu hpyi ga ni hpe madat ya nga nna; bawng dung nga ai shi a amyu masha ni hpe n malap kau nga ai.

ESAIA 64:8

Rai ti mung, nang gaw dai Madu anhte a kawa rai nga ndai. Anhte gaw kagam ga hte bung ga ai, nang gaw di bu sama wa hte bung nga ndai. Nang anhte hpe hpan da ndai,

1 PETRU 4:19

Dai rai nna shanhte a matu Karai Kasang a myit ra ai hku hte maren nni nkri hkrum ai ni gaw kaja ai amu bungli galaw nga let galoi mung sadi dung nga ai tinang a Hpan Da Madu hta awm dawm kam hpa nga mu ga.