YOBA 10:1 - Jinghpaw Common Language Bible 2009

¹ Ngai gaw asak hkrung nga ai hta hki ba nga nngai. Nye a ahkup ahka nga ai aput angun ga hpe madat ya e.

Jinghpaw Hanson Version Bible

¹ Nye a wenyi asak hpe shayawt nga ai; lajin laroi ga ngai n sim n sa tsun na nngai; nye a myit masin karen ai hte ga tsun na nngai.

YOBA 10:1 ပူးပေါင်းရင်းမြစ်များ

1 HKAWHKAM 19:4

Elia mahtang nam mali kata de lani mi tup hkawm shang mat wa wu ai. Shi hkring nna hpun langai a shingnip hta dung nga let, shi si mayu nu ai hpe hpyi nga wu ai. Shi gaw, “Madu e, dai gaw nau wa rai la sai, nye asak hpe dawm la ya ni; ngai gaw si na mung rai nga nngai!,” ngu nna hpyi tsun wu ai.

YOBA 14:13

Nang ngai hpe katsan ga e makoi da na hpe ngai ra sharawng nngai; na a masin kawp ai aten du hkra ngai makoi nga n-ga, dai hpang ngai hpe dum nga na matu aten langai masat da ya e law.

YOBA 19:4

Ngai galaw shut kau ai rai yang pyi nanhte hta kaning rai machyi hkra na rai ta?

YOBA 5:20

hku hku wa yang, shi nang hpe jahkrung da na ra ai, hpyen majan hta si du a lata kaw na mung, nang hpe makawp maga la na ra ai.

YOBA 6:26

Ngai shaga nga ai ga gaw kaman lila hte nbung sha re, ngu nna nanhte myit nawn da myit dai; dai rai yang, nye a myit htum ga ni hpe nanhte hpa majaw htan myit ni?

YOBA 7:11

N rai law! Ngai gaw atsin sha nga lu na n rai! Ngai gaw masin pawt ai hte ahkup ahka ngu la nngai majaw nye a lajin ga naw tsun na nngai.

YOBA 7:16

Asak hkrun lam hpe hki ba dum nga nngai majaw asum jaw nngai. Nye a asak hkrun lam lachyum n pru shangun nga ai majaw ngai hpe hkrai kau da e.

YOBA 9:21

Ngai gaw mara n kap nngai, rai ti mung ngai hta hpa byin wa na lam hpe pyi hpa zawn n nawn nngai. Ngai gaw asak hkrun lam hpe n dawng nngai; nye a matu hpa mung n ahkyak nga ai; mara n kap ai rai ti mung, kap ai rai ti mung, Karai Kasang gaw anhte hpe shamyit kau na ra ai.

ESAIA 38:15

Ngai hpa tsun lu na rai ta? Dai Madu gaw ndai amu galaw nu ai. Nye a myit masin nni nkri hkrum nga ai, ngai n lu yup nngai.

ESAIA 38:17

Nye a nchyi nmu re ai gaw ngwi pyaw sim sa wa na ra ai. Nang gaw nye a asak hpe hkrit hpa yawng kaw na hkye la nga ndai; Nang gaw nye a yubak mara yawng hpe raw ya nga ndai.

YONA 4:3

Ya chyawm gaw, Madu e, ngai hkrung nga na hta si mat na mahtang grau kaja nga ai rai nna nye a asak dawm la kau ya rit law,” ngu nna hpyi tsun wu ai.

YONA 4:8

Ajan pru jang, Karai Kasang gaw kahtet ai sinpraw nbung shangun dat ai hte Yona a baw ntsa e jan ja bun nga ai majaw ganoi noi malap mat wu ai. Dai rai nna shi gaw si mat na hpe ra sharawng nga ai. Shi gaw, “Ngai gaw hkrung nga na hta si mat na mahtang grau kaja nga nngai,” ngu nna tsun wu ai.

BU HKAWM 11:15

Ngai hpe ndai zawn di na rai yang, matsan dum la ai hku nna ngai hpe sat kau et; na a gumshem ai hpe ngai matut nna loi mi mung n hkam jan lu na we ai,” ngu nna tsun wu ai.