YOBA 1:8 - Jinghpaw Common Language Bible 2009

⁸ Dai Madu gaw, “Nye a shangun ma Yoba hpe nang matsing da wu ni? Shi gaw kam sham nna mai kaja ai wa rai nhtawm shi zawn re ai mi ginding aga ntsa e kadai n nga nga ai. Shi gaw ngai hpe nawku nna sadi sahka hte n hkru n hkra ai amu hpa mung n galaw nga ai,” ngu nna san wu ai.

Jinghpaw Hanson Version Bible

⁸ Bai Yehowa gaw, “Nye a shangun ma Yoba hpe nang matsing da nu ni? Ga ntsa e shi hte bung ai wa n nga ai; shi gaw dinghpring ai hte kangka ai wa rai nga nna, Karai Kasang hpe hkrit kamyin let, yubak mara hpe koi kau ai wa rai nga ai,” ngu nna Satan hpe tsun wu ai.

YOBA 1:8 ပူးပေါင်းရင်းမြစ်များ

2 HKAWHKAM 23:25

Mawshe a Tara yawng hpe madat mara nhtawm dai Madu hpe shi a myit masin mahkra hte kraw lawang mahkra hte n-gun lagaw mahkra hte daw jau ai shi zawn re ai hkawhkam gaw shi a shawng e mung, hpang e mung galoi mung n pru yu nga ai.

NEHEMIA 5:15

Nye a shawng e rung dung ai munggyi shagu gaw amyu masha ni hpe lit li gun shangun ma ai rai nna, lusha hte sabyi ntsin a matu lani mi gumhpraw dengga mali shi shi hpyi la ya ma ai. Shanhte a shangun ma ni du hkra, amyu masha ni hpe dip gamyet sha lai wa masai. Rai ti mung ngai gaw Karai Kasang hpe shagrau sha-a nngai majaw dai hte shai ai hku ngai galaw nngai.

YOBA 1:1

Yoba mying ai wa gaw Uza mung e nga nga nna Karai Kasang hpe nawku ai hte shi hta sadi dung ai wa rai nga ai. Shi gaw mai kaja ai masha langai mi rai nna, sadi sahka hte n hkru n hkra ai amu hpa mung n galaw ai wa rai nga ai.

YOBA 12:4

Ya chyawm gaw nye a manang ni pyi ngai hpe mani ma ai; ngai gaw ding man ai hta mara n kap nga tim pyi, shanhte mani ma ai; rai ti mung Karai Kasang gaw nye a akyu hpyi ga ni hpe htan ya ai aten nga nga yu sai.

YOBA 2:1

Ya sumsing sha ni dai Madu a man de sa shadan dan na nhtoi bai du jang, Satan mung shanhte a lapran e hkan lawm nang nga ai.

YOBA 2:3

Dai Madu gaw, “Nang gaw nye a shangun ma Yoba hpe matsing da wu ni? Shi gaw kam sham nna mai kaja ai wa rai nhtawm shi zawn re ai mi, ginding aga ntsa e kadai n nga nga ai. Shi gaw ngai hpe nawku nna sadi sahka hte n hkru n hkra ai amu hpa hpe mung n galaw nga ai. Nang gaw mara hpa mung n nga ai shi hpe jahten kau shangun na matu ngai hpe hkalem nga ndai, rai ti mung Yoba chyawm gaw dinggrin naw kam sham nga ai wa rai nga ai,” ngu nna tsun wu ai.

YOBA 34:14

Karai Kasang gaw nsoi nsa dawm la kau ya ai rai yang,

YOBA 8:20

Rai ti mung Karai Kasang chyawm gaw kam sham ai wa hpe galoi mung kau da na ra ai n rai; n hkru ai masha ni hpe galoi mung karum ai n rai.

SHAKAWN KUNGDAWN 18:23

Ngai mara n kap nga nngai gaw shi chye nga ai; shut hpyit amu galaw ai kaw nna ngai koi kau ni ai.

SHAKAWN KUNGDAWN 34:14

N hkru n shawp ai lam hpe koi kau nna mai kaja ai lam hpe galaw nga u; na a myit masin mahkra hte ngwi pyaw sim sa lam a matu, shakut shaja nga u.

SHAKAWN KUNGDAWN 36:1

Yubak gaw tara n lang ai masha wa a sung ai myit kraw kata hta shaga nga ai; shi gaw Karai Kasang hpe nyet kau nhtawm shi hpe hkrit hkungga ai lam hpa mung n nga ai, ngu nga ai.

SHAKAWN KUNGDAWN 37:27

N hkru ai lam hpe kau da nna mai kaja ai amu hpe galaw u; shing rai, na a aru arat ni gaw dai lamu ga hta tut nawng e, shanu nga lu na mara ai;

SHAKAWN KUNGDAWN 84:11

Madu gaw anhte hpe makawp maga ai wa hte hpung shingkang hte hpring ai hkawhkam wa rai nna; matsan dum ai myit hte arawng sadang anhte hpe shaman ya nga ai. Shi gaw teng man ai amu galaw ai ni hpe mai kaja ai lam hpa hpe mung jaw ya na, ningdang ai n rai.

SHAKAWN KUNGDAWN 89:20

Nye a shangun ma kaja Dawi hpe chyoi pra ai namman sau hte chya ya nna hkawhkam aya dang ya se ai.

GA SHAGAWP 8:13

Dai Madu hpe shagrau sha-a ai lam gaw n hkru ai lam hpe n dawng ai lam rai nga ai; ngai gaw gumrawng gumtawng ai hte myit tsaw myit dap ai n hkru ai lam hte n teng n man ai ga ni hpe n dawng nngai.

ESAIA 1:16

Nanhte a hkum ni hpe asan aseng kashin kau mu. Ngai mu mada ai nanhte galaw nga ai n hkru ai amu ni yawng hpe jahkring kau mu. Rai sa, n hkru ai amu galaw ai hpe kau da ai hte

ESAIA 42:1

Dai Madu gaw, “Ndai gaw ngai n-gun shaja ya ai nye a shangun ma- ngai lata la ai wa, ngai sharawng awng ai wa rai nga ai. Ngai gaw shi hpe nye a Wenyi hte jahpring ya ni ai, shi gaw masha amyu baw shagu hpang de teng man rap ra ai tara la sa ya na ra ai.

EZEKELA 40:4

Shi gaw ngai hpe, “Si chye ai wa e, yu yu u. Nang hpe ndai shara de woi wa ni ai majaw, ngai nang hpe madun dan na lam shagu hpe atsawm sha na la nna matsing da u. Israela amyu masha ni hpe nang mu ai lam shagu tsun dan ra na rai ndai,” ngu nna tsun wu ai.

BU HKAWM 12:3

(Mawshe gaw shagrit shanem ai myit rawng ai wa rai nna ga ntsa ting na masha nlang hta grau shagrit shanem ai myit rawng ai wa rai nga ai.)

YAWHAN 1:47

Yesu hpang de Nahtanela sa wa nga ai hpe mu wu ai shaloi, shi hpe sha-ang nna, “Sawt ai myit n rawng ai, Israela masha majing hpe yu yu mu,” ngu wu ai.

YAWSHU 1:2

Shi gaw, “Nye a shangun kasa Mawshe si mat sai. Dai rai nna nang hte Israela amyu masha ni yawng ngai shanhte hpe jaw na ngu ai mungdan de, Yawdan hka rap sa wa na matu, ya jang jin jin rai nga mu.

YAWSHU 1:7

Myit jahkut daw dan nna kam hpa u; nye a shangun ma Mawshe nang hpe jaw ya sai Tara mahkra hpe teng teng madat mara hkan sa na rai ndai. Dai tara daw chyen mi hpe pyi n gawn n sawn hkum di kau et; shing rai jang, nang du hkawm ai shara shagu hta awng dang ai chyeju hkam la lu na rai ndai.