YOBA 1:6 - Jinghpaw Common Language Bible 2009

⁶ Sumsing sha ni dai Madu a man de dan pru na nhtoi du jang, Satan mung shanhte hta hkan ganan nang nga ai.

Jinghpaw Hanson Version Bible

⁶ Ya Karai Kasang a kasha ni gaw, tinang hkum hpe Yehowa man e sa shadan dan ai nhtoi du yang, Satan mung shanhte hte rau ginrun sa wa ai.

YOBA 1:6 ပူးပေါင်းရင်းမြစ်များ

NINGPAWT NINGHPANG 6:2

sumsing shadang sha ni ni gaw dai shayi sha ni tsawm htap nga ma ai hpe mu ma ai rai nna, shanhte yu ra nga ma ai hte maren la ma ai.

NINGPAWT NINGHPANG 6:4

Dai prat e mung, dai prat a hpang e mung, dai shinggyim numsha ni hte Karai Kasang a shadang sha ni a aru arat ni gaw ginding aga ntsa e grai galu kaba ai ni rai ma ai. Shanhte gaw moi prat kaw nna magrau grang ai share ninghkrin ni hte kajai gumhkawng ai masha ni rai ma ai.

1 HKAWHKAM 22:19

Mihkaia gaw ning ngu nna matut tsun wu ai: “Dai Madu hpa tsun ai ga hpe ya madat u! Dai Madu gaw sumsing lamu na shi a tingnyang hta dung nga nna, shi a lamu kasa ni yawng mung shi a makau e tsap nga ma ai hpe ngai mu nngai.

1 HKAWHKAM LABAU 21:1

Satan gaw Israela amyu masha ni hpe sharu shatsang mayu wu ai majaw yuptung jahpan hta na matu Dawi hpe myit daw dan shangun wu ai.

2 HKAWHKAM LABAU 18:20

wenyi langai gaw dai Madu hpang de sit sa wa nhtawm, ‘Ngai shi hpe woi alau lu na we ai,’ ngu nna tsun wu ai. Shaloi dai Madu gaw, ‘Kaning rai lau na law,’ ngu nna san wu ai.

YOBA 2:1

Ya sumsing sha ni dai Madu a man de sa shadan dan na nhtoi bai du jang, Satan mung shanhte a lapran e hkan lawm nang nga ai.

YOBA 2:3

Dai Madu gaw, “Nang gaw nye a shangun ma Yoba hpe matsing da wu ni? Shi gaw kam sham nna mai kaja ai wa rai nhtawm shi zawn re ai mi, ginding aga ntsa e kadai n nga nga ai. Shi gaw ngai hpe nawku nna sadi sahka hte n hkru n hkra ai amu hpa hpe mung n galaw nga ai. Nang gaw mara hpa mung n nga ai shi hpe jahten kau shangun na matu ngai hpe hkalem nga ndai, rai ti mung Yoba chyawm gaw dinggrin naw kam sham nga ai wa rai nga ai,” ngu nna tsun wu ai.

YOBA 38:7

Dai shani a jahpawt nhtoi htoi wa ai aten hta shagan ni rau sha mahkawn shakawn nna, sumsing sha ni kabu gara jahtau garu ma ai.

SHAKAWN KUNGDAWN 103:20

Chyahtum Chyalai n-gun hte hpring nga nna Madu a hkang da ai ga ni hpe madat mara hkan sa let, shi tsun ai ga ni hpe madat mara nga ai lamu kasa ni e, shi hpe shakawn kungdawn nga mu.

Daniela 3:25

Dai hpang shi gaw, “Dai rai yang, wan kata e marai mali hkawm nga ma ai hpe ngai hpa majaw mu ang nga nngai kun? Ya shanhte gyit da ai hkrum nga ma ai n rai, shanhte hta machyi hkrum ai kumla hpa mung madun nga ma ai n rai; mali ngu na wa mahtang lamu kasa langai zawn san nga ai,” ngu nna san wu ai.

ZEHKARIA 3:1

Dai Madu gaw ngai hpe kaga shingran hta Hkinjawng Kaba Yawshu dai Madu a lamu kasa a man e tsap nga ai hpe madun dan nga ai. Yawshu a makau e, shi hpe mara shagun na matu Satan wa tsap nga ai.

MAHTE 18:10

“Dai ma kaji langai mi hpe pyi nanhte n gawn n sawn n di kau myit ga, sadi nga mu. Nanhte hpe ngai tsun made ga, sumsing lamu kata e shanhte a lamu kasa ni gaw, sumsing lamu na nye a Wa a myi man hpe a mada nga ma ai.

LUKA 22:31

“Simun, Simun! Madat yu u! Nanhte hpe kaja ai hte n kaja ai garan ginhka na matu hkauna galaw ai wa gaw hkaulan mam hpe numhkaw hte mam gu hking ginhka ai zawn, nanhte yawng mayawng hpe jep sagawn na matu Satan wa gaw ahkang lu da nu ai.

LUKA 3:38

Kainam gaw Enusha a kasha; Enusha gaw Shet a kasha; Shet gaw Adam a kasha; Adam gaw Karai Kasang a kasha rai nga ai.

YAWHAN 6:70

Bai Yesu gaw, “Nanhte shi lahkawng hpe ngai lata la masa de ai n rai ni? Rai ti mung, nanhte hta na langai mi gaw nat matse rai nga ai,” ngu nna shanhte hpe htan mu ai.