YOBA 1:5 - Jinghpaw Common Language Bible 2009

⁵ Lusha poi ngut ai hpang e, Yoba gaw jau jau rawt nna shi a ma ni hpe jasan jaseng na nga, shanhte langai hte langai a matu shagu hkungga ni nawng ya wu ai. Shi gaw shanhte hta na marai langai ngai Karai Kasang hpe n dum shami n kaw n law di kau let shut hpyit kau mai nga ai nga nna myit nawn la nga wu ai majaw dai lam hpe shi galoi mung galaw nga ai.

Jinghpaw Hanson Version Bible

⁵ Poi sha ngut ai nhtoi ni lai jang, Yoba gaw shaga la nna, shanhte hpe shachyoi shapra nhtawm, jahpawt jau jau e rawt nna, shanhte a nambat gu hkra, wan nat hkungga nawng ya ya re ai: kaning rai nme law, ngai sha ni gaw shut hpyit nna, tinang a myit hta Karai Kasang hpe kau da masai nhten, nga nna Yoba myit la nga ai. Yoba gaw dai lam tutnawng a galaw nga ai.

YOBA 1:5 ပူးပေါင်းရင်းမြစ်များ

NINGPAWT NINGHPANG 22:3

Hpang jahpawt manap jau jau aten hta, shagu hkungga nat nawng na matu hpun nkau mi hpe Abraham chye ga nna, shi a lawze hta daw byau nhtawm shi hte rau Isak hte shangun ma lahkawng hpe mung woi wu ai. Karai Kasang shi hpe tsun da sai shara de shanhte pru sa mat wa ma ai.

NINGPAWT NINGHPANG 6:5

Ga ntsa na shinggyim masha shagu hte gaw kade wa n shawp n kap nga ai hte aten shagu hta shanhte a myit mang ai lam kade wa n hkru nga ma ai hpe dai Madu mu ai shaloi,

NINGPAWT NINGHPANG 8:20

Noa gaw dai Madu a matu tawn hkungri galaw nhtawm, san seng ai yam nga hte ntsa malen u amyu shagu hte hpe la nna tawn hkungri ntsa e, hkum dingnawng wan nat hkungga nawng jau wu ai.

1 HKAWHKAM 18:31

Dai Madu e Israela ngu nna shamying da hkrum sai Yaku a shadang sha ni a mying hku hkan nna amyu bawsang shi lahkawng a matu nlung langai hpra hpra di nna nlung shi lahkawng la wu ai.

1 HKAWHKAM 21:10

Karai Kasang hpe mung, hkawhkam wa hpe mung matsa kau nga ndai ngu, shi a man e mara shagun na masha gumbyak lahkawng hpe tawn da mu. Dai hpang mare shinggan de woi shapraw mat wa nhtawm nlung hte kabai sat kau na rai myit dai.”

1 HKAWHKAM 21:13

Dai hpang masha gumbyak lahkawng yan gaw Karai Kasang hpe mung, hkawhkam wa hpe mung matsa kau ai ngu nna Nabot hpe shawa man e mara shagun da mu ai. Shing rai mare shinggan de shi hpe woi shapraw mat wa nhtawm nlung hte kabai sat kau mu ai.

NEHEMIA 12:30

Hkinjawng ni hte Lewi masha ni gaw htung hte maren shanhte hkum ni hpe jasan jaseng la nna, amyu masha ni hpe mung, chyinghka ni hpe mung, mare bunghku hpe mung hkan galaw ma ai.

YOBA 1:11

Rai ti mung ya chyawm gaw shi lu malu hpe nang lama la kau ya ai rai yang, shi gaw na a myi man chyaw e nang hpe dagam kau na ra ai!,” ngu nna htan wu ai.

YOBA 1:4

Yoba a shadang sha ni gaw langai hte langai san da ai nhtoi hta lusha poi galaw law rai nna kaga masha ni yawng mung sa du nga ma ai; shanhte gaw shanhte a kajan masum hte hpe mung sa shang lawm na matu tut nawng saw shaga ga di ma ai.

YOBA 2:9

Shi a madu jan gaw shi hpe, “Nang gaw dinggrin naw kam sham nga ai n rai ni? Karai Kasang hpe nang hpa majaw n matsa kau ai hte n si mat n ni?,” ngu nna tsun wu ai.

YOBA 27:10

Shanhte jaw ya ai kabu pyaw lam hpe shanhte hkam la ang ma ai; shanhte gaw shi hta dinggrin akyu hpyi ang ma ai.

YOBA 41:25

Shi rawt lung wa yang n-gun ja htum ai ni pyi hkrit kajawng mat ma ai; shanhte gaw matsan mayan hkrum ai hte hkrit nga ma ai.

YOBA 42:8

Ya, usu sanit hte sagu la sanit Yoba hpang de la sa nna, dai ni hpe nanhte a matu shagu hkungga shatai let nawng ya mu. Shaloi, Yoba gaw nanhte a matu akyu hpyi ya na ra ai; ngai mung shi a akyu hpyi ga hpe htan ya na nngai; nanhte hkam la ging ai ari hte maren ngai kaya n jahkrum na nngai. Nanhte gaw shi galaw ai zawn nye a lam hpe teng man ai hku n tsun nga myit dai,” ngu nna tsun wu ai.

YOBA 6:14

Ngai gaw Karai Kasang hpe kau ai mi rai rai, n kau da ai mi rai rai, ndai zawn tsin-yam tsindam hkrum ai aten hta myit magam rawng ai manang ni hpe ngai ra nngai;

YOBA 8:4

Na a nshu nsha ni mahtang Karai Kasang hpe shut hpyit ma ai; dai rai nna shanhte hkam la ging ai hte maren, shi shanhte hpe ari jaw wu ai.

SHAKAWN KUNGDAWN 5:3

nang gaw jahpawt manap aten hta nye a nsen hpe na ya nga ndai; jan pru wa yang mung nye a akyu hpyi ga hpe ngai sak jaw nna, na a mahtai hpe ala nga nngai.

PRU MAT 18:12

Dai hpang Yehtru mung hkum dingnawng nat nawng na hkungga hte Karai Kasang hpe nawng jau na kaga shagu hkungga ni hpe la sa wu ai rai nna Arun hte Israela ningbaw ni yawng shi hte rau nawku ai kumla hku nna, chyoi pra ai lusha sha na matu pru sa wa ma ai.

PRU MAT 19:10

dai Madu gaw shi hpe, “Amyu masha ni hpang de yu wa nhtawm nawku na matu shanhte a hkum ni hpe dai ni, hpawt ni jasan jaseng na shanhte hpe tsun u. Shanhte gaw shanhte a hpun palawng ni hpe hkrut lu na rai nna,

PRU MAT 24:5

Dai hpang shabrang ni hpe shi shangun dat nna, shanhte gaw dai Madu hpe shagu hkungga ni nat nawng nhtawm mahku hkungga a matu dumsu nkau mi hpe mung nawng jau ma ai.

HPAJI NINGLI 9:10

Nang yu wa na katsan ga hta e, amu bungli, myit mang ai, machye machyang hpaji hte hpaji byeng-ya hpa mung n nga ai majaw nang galaw ai amu hpa hpe mung ja ja galaw u.

YEREMIA 4:14

Yerusalem e, na a myit masin kaw na n hkru ai hpe kashin kau u, shaloi hkye hkrang la hkrum na ndai. Nang gaw kade na hkra yubak hte seng ai myit mang lam ni hpe matut myit na ngu wu ni?

EZEKELA 14:14

Noa, Danela (Daniela) hte Yoba mying ai marai masum gaw, dai yang e nga nga ma ti mung, shanhte a mai kaja ai amu hte chyu sha shanhte a asak hpe hkye la lu na ma ai,” ngu nna tsun ai. Tsaw Htum ai dai Madu tsun nu ai.

LUKA 1:75

Shing rai anhte gaw, anhte a prat dingsa shi a man e chyoi pra nna ding hpring ai ni tai nga na ga ai.

LUKA 18:7

Karai Kasang gaw, shi hpe shani shana karum la na matu hpyi jahtau nga ai, shi a lata la ai amyu masha ni a maga de, tara n dara ya ai nga na wu ni?

YAWHAN 11:55

Ya Yuda ni a Shalai wa ai Poi du magang ra ai rai nna, mare kahtawng hkan na masha law law wa, poi garai n du yang, tinang hkum jasan jaseng ai htung lai galaw na matu Yerusalem mare de du lung wa ma ai.

KASA 21:26

Dai re ai majaw Pawlu gaw dai la ni hpe shaga la nna hpang shani e shanhte hte rau shi hkum jasan jaseng ai lam galaw wu ai. Dai hpang shi gaw Nawku Htingnu de shang nna shanhte jasan jaseng ai nhtoi gu na shani galoi rai na hte shanhte langai hte langai a matu hkungga galoi nawng ya na lam, sa tsun shana dan mu ai.

KASA 8:22

Dai majaw na a n hkru n kaja maw mawn ai lam hta na myit malai lu u. Dai Madu kaw hpyi nem nga u, shing rai yang na a kraw lawang hta dai n hkru n kaja ai hku myit mang kau ai lam hpe mara raw dat ya na rin dai.

1 KORINHTU 4:5

Dai re ai majaw, aten hkrak garai n du yang, kadai hpe mung hkum jeyang myit. Hpang jahtum na jeyang daw dan ai lam hpe, dai Madu bai du sa ai nhtoi shani du hkra la nga lu na rai nga ai; Shi gaw nsin hta makoi magap da ai nga manga hte hpe mung, masha a myit kraw lawang kata hta makoi magap da ai myit mang yaw shada ai lam ni hpe mung, shapraw shadan dan na ra ai. Dai shaloi e langai hte langai gaw tinang hte ging dan ai hte maren Karai Kasang kaw na shakawn shagrau ai hpe hkam la na ra ai.

2 KORINHTU 11:2

Karai Kasang gaw nanhte a ntsa e nsu nnawn myit rawng nga ai zawn ngai mung nanhte a ntsa e nsu nnawn myit rawng nga nngai. Nanhte gaw Hkristu shi nan hte sha hkungran na matu ngai ga sadi jaw da sai hkawn sek hte bung nga myit dai.

EHPESU 6:18

Karai Kasang kaw na karum ai lam lu la u ga, hpyi nem let akyu hpyi ai hta ndai lam yawng hte hpe agalaw nga mu. Ndai lam a majaw amaja nga mu; galoi mung myit shayaw asum hkum jaw myit; Karai Kasang a masha ni a matu tut tut akyu hpyi nga mu.

1 SAMUELA 16:5

Shi gaw, “Rai nga nngai, dai Madu hpe shagu hkungga nawng jau ya na matu du sa ring ngai. Nanhte a hkum ni jasan jaseng kau nhtawm ngai hte rau sa ga,” ngu nna htan wu ai. Shi gaw Yese hte shi a shadang sha ni hpe mung shanhte a hkum ni hpe jasan jaseng kau nhtawm shagu hkungga nawng ya ai de sa na matu shaga wu ai.