YOBA 1:3 - Jinghpaw Common Language Bible 2009

³ sagu hkying sanit, gawla-uk hkying masum, dumsu hkying mi hte lawze manga tsa madu da nga ai. Shi gaw shangun ma law law lu ai rai nna Sinpraw mung hta sut su htum ai wa rai nga ai.

Jinghpaw Hanson Version Bible

³ Shi lu ai sutgan gaw, sagu bainam hkying sanit, gawla-uk hkying masum, dumsu gap manga tsa, lawze kanu manga tsa hte, ali ama grai law nga ai, rai nna, dai wa gaw sinpraw masha ni mahkra hta grau kaba ai wa rai nga ai.

YOBA 1:3 ပူးပေါင်းရင်းမြစ်များ

NINGPAWT NINGHPANG 12:16

Dai numsha a majaw hkawhkam wa gaw Abram hpe atsawm sha hku la nhtawm shi hpe sagu, bainam, dumsu, lawze, mayam ni hte gawla-uk ni hpe hpung hte hpung jaw ya wu ai.

NINGPAWT NINGHPANG 12:5

Abram gaw shi a madu jang Sarai hte shi a kanau a kasha Lawt hpe mung, shi a sut gan yawng mayawng hte Haran mare e shanhte lu la ai mayam ni yawng hte hpawn Hkanan mung de shanhte pru sa wa ma ai.

NINGPAWT NINGHPANG 13:6

Shan hta yam nga sut nau law htam wa ai majaw, shan lahkawng shara sha nga na gaw lamu ga udat shara n shang nga malu ai.

NINGPAWT NINGHPANG 24:35

“Dai Madu gaw nye a madu hpe grai shaman ya nu ai hte sut su shangun nu ai. Dai sha n-ga, sagu, bainam hte dumsu uhpung ni hpe mung, aja gumhpraw ni hte hpawn mayam num mayam la ni, gawla-uk ni hte lawze ni hpe mung shi jaw ya nu ai.

NINGPAWT NINGHPANG 25:6

rai ti mung shi naw hkrung nga yang, kaga num ni hta na Abraham lu ai shadang sha ni hpe mung kumhpaw kumhpa karan jaw wu ai. Dai hpang dai shadang sha ni hpe shi a shadang sha Isak kaw na tsan mat mu ga, lamu ga a sinpraw maga de shi dat dat wu ai.

NINGPAWT NINGHPANG 29:1

Ya, Yaku gaw shi a hkrun lam hta matut hkawm sa wa nna, sinpraw maga na lamu ga de shanang sa wa wu ai.

NINGPAWT NINGHPANG 34:23

Shanhte a yam nga hte sut gan arai yawng mayawng gaw anhte a arai tai na n rai ni? Dai re ai majaw shanhte gaw anhte a ka-ang e, shanu nga lu mu ga, dai hpe anhte myit hkrum daw dan ya saga,” ngu nna tsun mu ai.

2 SAMUELA 12:2

Dai sut su ai wa gaw sagu dumsu law law lu nga yang,

1 HKAWHKAM 4:30

Shawlumon gaw Sinpraw maga de na hpaji rawng ai ni hte Egutu mung na hpaji rawng ai masha ni yawng hta grau nna hpaji rawng nga ai.

2 HKAWHKAM 15:20

Menahem gaw Israela mung ting na sut su ai masha ni kaw na gumhpraw shagyeng la wu ai; langai hte langai kaw na gumhpraw dengga manga shi shi hpyi la wu ai. Dai rai nna Tiglat Pilesa mung mungdan de nhtang mat wa wu ai.

2 HKAWHKAM 3:4

Moba Hkawhkam Mesha gaw sagu rem ai wa rai nna Israela hkawhkam wa hpe shaning shagu shagrau hkungga ai kumhpa ngu na sagu kasha 100,000 hte sagu 100,000 kaw na sagu mun ni hpe jaw jaw di wu ai.

2 HKAWHKAM LABAU 26:10

Shi gaw bum ga hkan e ngang ai langchyi ni hpe gap da nhtawm, sinna maga de na bum lagaw ni hte pa layang hkan e nga ai yam nga hpung law law nga ai majaw hka lawng law law hpe mung galaw da wu ai. Shi gaw sun hkauna galaw sha ai amu hpe yu sharawng wu ai majaw bum ga hkan e sabyi sun galaw na matu mung, namhpun rawng ai ga hta hkauna galaw na matu mung amyu masha ni hpe n-gun jaw shadut wu ai.

2 HKAWHKAM LABAU 32:29

Ndai yawng hta kaga, Karai Kasang gaw shi hpe sagu, dumsu ni hte kaga sut rai law law jaw ya wu ai majaw mare law law mung shi de da nga ai.

YOBA 1:10

Nang gaw shi hpe mung, shi a dinghku hpe mung, shi madu da ai arung arai shagu hte hpe tut nawng makawp maga ya nga ndai. Shi galaw ai amu shagu hpe nang shaman ya nna, mungdan ting hpring wa lu hkra yam nga law law nang shi hpe jaw ya nit dai.

YOBA 1:4

Yoba a shadang sha ni gaw langai hte langai san da ai nhtoi hta lusha poi galaw law rai nna kaga masha ni yawng mung sa du nga ma ai; shanhte gaw shanhte a kajan masum hte hpe mung sa shang lawm na matu tut nawng saw shaga ga di ma ai.

YOBA 21:28

Nanhte gaw, “N hkru ai amu galaw ai galu kaba ai masha ni a dum nta ni ya, kanang rai nga a ta?,” ngu nna san nga myit dai.

YOBA 29:25

Shanhte hpe ngai woi awn let amu woi daw dan nngai; hkawhkam wa gaw shi a hpyen hpung ni hpe woi awn ai zawn ngai shanhte hpe woi awn nngai; shanhte myit htum nga ai aten hta ngai shalan shabran ya nngai.

YOBA 31:25

nye a sut gan hta galoi mung gumrawng nngai n rai.

YOBA 31:37

Ngai galaw ai amu magup hte Karai Kasang hpe tsun dan nna; shi a man e nye a baw sharawt da lu na nngai.

YOBA 42:10

Yoba gaw shi a manang marai masum a matu akyu hpyi ngut jang, dai Madu gaw shi shawng e lu malu mahkra hta htam lahkawng bai jat ya let shi hpe bai ngamu ngamai shangun wu ai.

YOBA 42:12

Dai Madu gaw shawng na lang shi shaman ya ai hta grau nna law hkra pyi Yoba a asak hkrun lam a hpang jahtum daw hta shaman ya nga ai. Yoba gaw sagu mun mi hkying mali, gawla-uk hkying kru, dumsu hkying mali hte lawze hkying mi madu da nga ai.

GA SHAGAWP 10:22

Dai Madu a shaman chyeju gaw nang hpe ngamu ngamai shangun nna, bungli shaja ai gaw na sut gan hpe yawn hkyen lam jat ya nga ai n rai.

YEREMIA 49:28

Ndai gaw Babelon Hkawhkam Nebuhkadneza gasat dang kau sai shara ni rai nhtawm dai hkan nga ai Kedara amyu bawsang ni hte Hazora wa up hkang ai ginwang ni hte seng nna dai Madu tsun da ai mungga rai nga ai: “Kedara masha ni hpe gasat nna sinpraw maga de nga ai masha amyu bawsang ni hpe jahten kau mu!

BU HKAWM 23:7

Balam gaw ndai myihtoi ga hpe tsun hpaw dat wu ai: “Moba Hkawhkam Balak gaw Suri mung sinpraw Maga nga ai bum dinghkang kaw na ngai hpe woi la nu ai. Shi gaw, ‘Nye a matu sa tsun ya e, Israela amyu masha ni hpe matsa kau ya e,’ nga nna tsun nu ai.

TARA AGYI 6:3

Israela amyu masha ni nli naili gat hkai da ai shaloi, Midian masha ni mahtang Amalek masha ni hte nam mali hkan nga ai amyu baw ni hte rau sa htim gasat ma ai.

TARA AGYI 6:5

Shanhte gaw dinggam-yaw zawn kanawng hkawm ai yam nga hpung ni hte sum ni hte rau du sa ma ai. Shanhte hte shanhte a gawla-uk ni gaw hti n dang hkra law nga ai. Shanhte gaw dai mung de sa nna jahten shaza kau ma ai,

TARA AGYI 7:12

Midian masha ni, Amalek masha ni hte nam mali hkan nga ai amyu bawsang ni gaw dinggam-yaw uhpung mi zawn kadit hta e apa pat but nga ma ai. Shanhte a gawla-uk ni mung panglai hkin-gau na zaibru ni zawn n dang hti hkra law nga malu ai.

TARA AGYI 8:10

Zeba hte Zalmuna yan gaw shan a hpyen luksuk ni hte Kakora mare e nga nga ma ai. Nam mali hkan na amyu bawsang ni a hpyen laba ting hta na 15,000 chyu sha ngam mat nna hpyenla 120,000 sat kau ai hkrum nga masai.

1 SAMUELA 25:2

Hkaleb a lakung lama na Nabala mying ai wa gaw Maon kahtawng na masha langai mi rai nna Hkarmela kahtawng makau e nga ai lamu ga madu da nga ai. Shi gaw grai sut su ai wa rai nna sagu hkying masum, bainam hkying mi madu da ai wa rai nga ai. Shi a madu jan Abigala gaw ahpraw tsawm nna hpaji rawng ti mung, madu wa mahtang n hkru ai hte myit ja ai masha rai nga ai. Nabala gaw Hkarmela mare e sagu mun rep nga yang,

1 SAMUELA 27:9

numsha, lasha ni yawng hpe sat kau nna, sagu, dumsu, lawze, gawla-uk ni hte bu hpun palawng ni hpe pyi la kau ya ma ai. Dai hpang, shi gaw Ahkisha de bai nhtang wa yang,