YEREMIA 9:8 - Jinghpaw Common Language Bible 2009

⁸ Shanhte a shinglet ni gaw sat kau chye ai pala ni hte bung nna, shanhte gaw tut nawng e masu magaw ga ni tsun ma ai. Masha shagu gaw tinang a htingbu ni hpe hku hkau ga tsun ma ai, rai ti mung, shanhte gaw dai ni a matu mahkam hpe teng teng hkam da nga ma ai.

Jinghpaw Hanson Version Bible

⁸ Shanhte a shinglet gaw sat kau chye ai pala rai nga ai; dai gaw hkalem hkalau tsun nga ai; htingbu shada ngwipyaw ga tsun timung, kraw kata e shada gyam yu nga ai.

YEREMIA 9:8 ပူးပေါင်းရင်းမြစ်များ

SHAKAWN KUNGDAWN 28:3

Tara n lang ai ni hte mung, n hkru ai amu galaw ai ni hte mung, masha a n-gup aga ni gaw jinghku zawn hku hkau nga ti mung, shanhte a myit masin ni hta n ju n dawng ai myit rawng nga sai ni hte rau ngai hpe hkum daw dan et.

YEREMIA 9:3

Shanhte gaw tut nawng masu magaw ga tsun na jin jin rai ma ai; teng man ai a malai n ding n man ai hte mungdan up ma ai. Dai Madu gaw, “Nye a amyu masha ni n hkru ai amu langai hpang langai galaw nna ngai hpe mung shanhte a Karai Kasang hku n yin la ma ai,” ngu nna tsun ai.

SHAKAWN KUNGDAWN 120:3

Masu magaw masha ni e, nanhte hpe Karai Kasang hpa galaw na rai nga a ta? Shi nanhte hpe gara hku ari jaw na rai nga a ta?

SHAKAWN KUNGDAWN 57:4

Masha shan sha ai hkanghkyi ni zawn, gumlau hpyen ni wang shinggrup da ai ngai hkrum nga nngai. Shanhte a wa ni gaw nri hte pala ni zawn rai nga ai, shanhte a shinglet ni dai ai nhtu ni zawn rai ma ai.

SHAKAWN KUNGDAWN 55:21

Shi a n-gup aga ni gaw htawbat hta grau manen nga ai; shi a myit masin kata hta n dawng ai myit rawng nga ai; shi tsun ai ga hkum ni gaw namman hta grau kya nga ti mung, dai ai nhtu zawn, gadoi di lu nga ai.

SHAKAWN KUNGDAWN 12:2

Shanhte yawng hte gaw shada da masu ga tsun ma ai; shanhte gaw shada da abawk ai ga hte hkalem nga ma ai.

2 SAMUELA 3:27

Abna gaw Hebron mare de bai du jang, shi hpe shaga mayu ai majaw dinghkrai la nna mare chyinghka lam makau de woi sa nhtawm dai yang e shi a kan hpe nhkyi hte galun ya wu ai. Abna gaw Yoab a kanau Asahela hpe sat kau wu ai majaw shi mung sat kau ai hkrum nga wu ai.

YEREMIA 9:5

Shanhte yawng gaw shanhte a manang ni hpe lam woi shadam ma ai, kadai mung teng man ai ga n tsun ma ai; shanhte gaw shanhte a shinglet ni hpe masu ga tsun na matu sharin ya manu ai, shanhte gaw yubak galaw ai amu hpe kau da na ma ai n rai. Shanhte gaw kashun kashe du daw sai hkaw amu hpe langai hpang langai galaw ma ai, masu hkalem ai amu langai hpang langai galaw ma ai. Dai Madu gaw shi a amyu masha ni shi hpe ningdang kau nga ai ngu tsun ai.

YEREMIA 5:26

“N hkru ai masha ni gaw nye a amyu masha ni hta shanu lawm nga ma ai; shanhte gaw ntsa malen u ni hpe rim na matu sumgawn ni hpe jahkrat da ai masha ni zawn la lagyim ma ai. Rai ti mung shanhte gaw masha rim na matu shanhte a mahkam ni hpe tawn da manu ai.

SHAKAWN KUNGDAWN 64:8

Shanhte tsun shaga ai ga ni a majaw, shi shanhte hpe jahten kau na ra ai; shanhte hpe mu mada ai ni yawng hte gaw shanhte a baw ni hpe kanga na mara ai.

SHAKAWN KUNGDAWN 35:20

Shanhte gaw hku hku hkau hkau rai n shaga ma ai; shing rai tsun na malai, shanhte gaw ngwi pyaw sim sa lam tam ai ni hpe, masu magaw lam amyu myu hte shatan nhkan di ma ai.

GA SHAGAWP 25:18

N teng n man ai hku mara shagun ai lam gaw si shangun lu ai nhtu, adup ai hkawn hte masen ai pala ni zawn rai nga ai.

YEREMIA 9:4

Masha shagu gaw shanhte a manang ni hpe makran na rai nga ai, jinghku jingyu ni yawng gaw Yaku zawn masu hkalem chye nga ai ma ai majaw kadai mung tinang a makyin jinghku ni hpe n kam ma ai; masha shagu gaw shanhte a manang ni hpe shatan ma ai.

MIHKA 6:12

Nanhte a sut su ai masha ni gaw matsan mayan masha ni hpe n-gun makru shadaw ya nga ma ai; buga masha yawng hte mung masu magaw masha ni hkrai rai ma ai.

SHAKAWN KUNGDAWN 12:3

Madu e, abawk ai ga tsun ai shinglet ni hpe shazim kau u! “Anhte a n-gup ga ni hte anhte ra ai lam lu la ga ai, anhte hpa ra sharawng ai lam hpe tsun dan na ga ai hte langai mi mung anhte hpe jahkring da lu na n rai,” nga nna shakawng ai ga tsun ai n-gup ni hpe pat kau ya u.

SHAKAWN KUNGDAWN 62:5

Ngai gaw Karai Kasang hta chyu sha, manoi gumgoi nga nngai; ngai shi hpe myit mada nngai.

YEREMIA 5:9

Ngai gaw shanhte hpe dai zawn re ai amu ni a matu ari n jaw ang ai hte dai zawn re ai amyu baw hpe matai nhtang ang nngai kun?