YEREMIA 9:7 - Jinghpaw Common Language Bible 2009

⁷ Ndai lam a majaw Chyahtum Chyalai N-gun Rawng ai dai Madu gaw, “Ngai gaw nye a amyu masha ni hpe nhprang arai hpe zawn jen yu na nngai, shanhte hpe ngai chyam dinglik yu na nngai. Nye a amyu masha ni gaw n hkru ai amu galaw masai- Shanhte hpe ngai kaning di lu na rai ta?

Jinghpaw Hanson Version Bible

⁷ Dai rai nna, Zaw nawng zaw wa up ai Yehowa ning nga ai: “Ngai shanhte hpe shabyawng nna, dinglik yu na nngai: shing n rai, nye amyu shayi sha hpe ngai kaning di na rai ta?

YEREMIA 9:7 ပူးပေါင်းရင်းမြစ်များ

2 SAMUELA 13:26

Rai ti mung Absalom chyawm gaw, “Mai sa, shing wa she a nga yang mung, dik dik ngai hpu Amnon hpe sa shangun lu na n rai ni?,” ngu nna san wu ai. Hkawhkam wa mung, “Shi hpa majaw sa ang na rai wu ni?,” ngu nna san wu ai.

2 HKAWHKAM LABAU 36:15

Dai Madu shanhte a kaji kawa ni a Karai Kasang gaw shanhte hpe mung, Nawku Htingnu hpe mung naw shangam da mayu wu ai majaw shi a amyu masha ni hpe shadum jahprang na matu myihtoi ni hpe matut shangun da wu ai.

SHAKAWN KUNGDAWN 120:4

Hpyenla wa a masen ai pala ni, hkyeng kahtet nga ai nhprang wan n-ga ni hte ari jaw na ra ai!

SHAKAWN KUNGDAWN 55:22

Na a ru yak tsin-yam ni hpe Madu hta tawn da u, shi nang hpe makawp maga la na ra ai; ding hpring ai masha ni hpe shi galoi mung sum shangun nga ai n rai.

SHAKAWN KUNGDAWN 62:5

Ngai gaw Karai Kasang hta chyu sha, manoi gumgoi nga nngai; ngai shi hpe myit mada nngai.

ESAIA 1:25

Ngai gaw nanhte hpe jeyang na nngai. Ngai gaw nanhte hpe nhprang arai jen kau ai zawn jasan shapra na made ai, nanhte a n san n seng ai lam yawng hpe seng kau ya na we ai.

ESAIA 48:10

Wan htung hta gumhpraw jen yu ai zawn, ngai gaw nang hpe nni nkri ngu ai wan hta chyam dinglik yu ni ai. Rai ti mung, nang gaw hpa akyu mi n rawng nga ndai hpe ngai mu ni ai.

ESAIA 59:3

Nanhte gaw masu magaw ga tsun ai, kabring kabrawng du daw sai hkaw amu galaw ai, hte masha sat amu galaw ai mara lu nga myit dai.

YEREMIA 31:20

“Israela e, nang gaw nye a tsaw ra dik htum ai kasha rai nga ndai ngai tsaw ra dik htum ai ma mung rai nga ndai. Na a amying hpe ngai tsun shaga ai aten shagu, nang hpe tsaw ra myit hte sha ngai sumru nngai. Nye a myit masin nang hta myit kap nga ai rai nna, nang hpe matsan dum na nngai.

YEREMIA 5:1

Yerusalem amyu masha ni e, na a nmaw lam hku hprawng mu! Makau grup yin de mada yu mu! Nanhte hkum ni hpe yu yu mu! Shawa gat ginra ni hkan sawk tam yu mu! Ding hpring ai amu galaw nna Karai Kasang hta kangka nga na matu shakut ai masha langai mi hpe nang mu tam n ni? Nang mu tam ai rai yang, dai Madu gaw Yerusalem hpe mara dat ya na ra ai.

YEREMIA 6:27

Yeremia e, Hpri nhprang hpe ju nna nang jen yu ai zawn nye a amyu masha ni hpe mung chyam dinglik yu u, shanhte gaw hpa hte bung nga ma ai hpe sawk tam yu u.

HOSEA 4:1

Dai Madu gaw ndai mung hta nga nga ai amyu masha ni hpe mara shagun ninghkap na amu rawng nga ai. Israela e, shi tsun ai ga hpe madat mu: “Ndai mungdan hta kangka ai hte tsaw ra myit n nga sai rai nna amyu masha ni mung ngai hpe Karai Kasang zawn n yin la hkraw nga ma ai.

ZEHKARIA 13:9

Ngai gaw dai naw hkrung nga ai htam mi hpe wan hte jasan jaseng la ai gumhpraw zawn shanhte hpe jasan jaseng nna chyam yu na nngai; ngai gaw aja hpe chyam yu ai zawn shanhte hpe chyam yu na nngai. Dai shaloi shanhte ngai kaw hpyi wa nna, ngai mung shanhte hpe htan ya na nngai. Shanhte gaw nye a amyu masha ni rai nga ma ai lam ngai shanhte hpe tsun dan na nngai, ngai gaw shanhte a Karai Kasang rai nga nngai hpe shanhte yin la na mara ai,” ngu nna tsun ai.

MALAHKI 3:3

Shi gaw gumhpraw janghkam wa zawn jeyang na matu du sa na ra ai. Dai Madu a kasa gaw ja gumhpraw jasan jaseng ai janghkam wa zawn jasan jaseng na ra ai, shing rai shanhte gaw dai Madu hpang de jaw ai shagu hkungga ni la sa na mara ai.

1 PETRU 1:7

Dai chyam dinglik hkrum ai lam gaw Karai Kasang hpe nanhte kam sham ai myit gaw jet nga ai kun? jen yu na matu rai nga ai. Jahten kau lu ai ja hpe pyi gaw wan hta ju shabyawng nna jen kau ra ai rai nna ja hta grau hpu reng ai nanhte a makam masham hpe mung ngang grin nga na matu jen kau hkrum lu na rai nga ai. Shing rai yang Yesu Hkristu bai dan pru ai nhtoi hta shakawn kungdawn ai, hpung shingkang hte arawng sadang hpe nanhte hkam la na marin dai.

1 PETRU 4:12

Tsaw ra ai ni e, nanhte hta shawoi n byin yu ai baw zawn byin nga ai nanhte hkrum sha nga ai machyi la ai chyam dinglik ai lam hpe hkum mau nga myit.