YEREMIA 9:4 - Jinghpaw Common Language Bible 2009

⁴ Masha shagu gaw shanhte a manang ni hpe makran na rai nga ai, jinghku jingyu ni yawng gaw Yaku zawn masu hkalem chye nga ai ma ai majaw kadai mung tinang a makyin jinghku ni hpe n kam ma ai; masha shagu gaw shanhte a manang ni hpe shatan ma ai.

Jinghpaw Hanson Version Bible

⁴ “Langai hte langai tinang a htingbu wa hpe makran u ga; kahpu kanau wa hpe mung n kam u ga; kahpu kanau ni yawng hkalem hkalau sha ai hkrai rai nga ma ai; htingbu htingpyen ni gaw shi htawn hkawm ai ni rai nga ma ai.

YEREMIA 9:4 ပူးပေါင်းရင်းမြစ်များ

NINGPAWT NINGHPANG 32:28

Dai masha wa gaw, “Na a mying Yaku ngu lu sana n rai. Nang gaw Karai Kasang hte mung, masha ni hte mung malan da ting hkat ai hte dang kau nit dai; dai rai nna na a amying Israela rai na lit dai,” ngu nna tsun wu ai.

SHAKAWN KUNGDAWN 101:5

Langai ngai a n kaja ai lam ni hpe kahte tsun ai wa kadai hpe rai tim, ngai shaden kau na we ai. Gumrawng gumtawng ai hte myit tsaw myit dap rawng ai wa hpe ngai hkam sharang na nngai n rai.

SHAKAWN KUNGDAWN 15:3

kaga masha ni hpe shatan nhkan ga n tsun nga ai. Shi gaw shi a manang ni hpe shut hpyit ai amu hpa mung n galaw ai hte, shi a htingbu ni a lam shiga n shapoi ya nga ai.

GA SHAGAWP 10:18

Tinang a n dawng n yawt ai myit hpe up da ai wa gaw masu ai masha rai nga ai. Shatan nhkan ga hpe tsun shabra ai wa kadai rai ti mung, angawk ai wa rai nga ai.

GA SHAGAWP 25:18

N teng n man ai hku mara shagun ai lam gaw si shangun lu ai nhtu, adup ai hkawn hte masen ai pala ni zawn rai nga ai.

GA SHAGAWP 4:16

N hkru n shawp ai masha ni gaw shut hpyit ai amu lama mi hpe n lu galaw yang, shanhte n lu yup nga ma ai; marai langai ngai hpe n machyi shangun lu yang, shanhte yup n pyaw nga ma ai.

GA SHAGAWP 4:17

N hkru n shawp ai hte kashun kashe du daw sai hkaw amu gaw, shanhte a lusha shahpa zawn rai nga malu ai.

GA SHAGAWP 6:16

Dai Madu n dawng n yawt ai hte n hkam sharang lu ai lam, amyu sanit nga nga ai; dai ni gaw gumrawng gumtawng ai myi man nsam, masu magaw ga tsun ai shinglet, mara n kap ai wa hpe sat kau ai lata, n hkru n kaja ai hpe maw mawn hpaji daw ai myit masin, kajam kalam galaw na, lawan ai lagaw, masu ga langai hpang langai tsun nna sakse hkam ai wa, manaw manang shada da a lapran e, ru yak tsin-yam hpe shalut kabrawng ya ai wa rai nga ai.

ESAIA 59:13

Anhte gaw nang hpe gumlau kau saga ai, nang hpe ningdang kau saga ai, na a hpang hkan na matu nyet kau saga ai. Anhte gaw kaga ni hpe dip gamyet sha kau saga ai hte na a man kaw na kayin mat wa saga ai. Anhte a myit mang ai lam ni gaw shut nga ai; anhte tsun ai ga ni gaw masu magaw ga ni hkrai rai nga ai.

ESAIA 9:16

Ndai amyu masha ni hpe lam woi ai ni gaw shanhte hpe lam shadam kau manu ai, shanhte hpe tsep kawp kashuk kashak shabyin kau manu ai.

YEREMIA 12:6

Na a kahpu kanau ni hte na a dinghku masha ni pyi nang hpe gumle gumlau kau masai; shanhte gaw nang hpe gasat ninghkap ai hta lawm mat manu ai. shanhte gaw jinghku ga she shaga ti mung, shanhte hpe hkum kam et,” ngu nna tsun wu ai.

YEREMIA 6:28

Shanhte yawng hte gaw hpri hte magri mang ja ai zawn, du ja ai gumle gumlau ni rai ma ai. Shanhte yawng hte gaw n san n seng nga ai hte shiga htawn, shatan hkawm ai ni rai ma ai.

YEREMIA 9:8

Shanhte a shinglet ni gaw sat kau chye ai pala ni hte bung nna, shanhte gaw tut nawng e masu magaw ga ni tsun ma ai. Masha shagu gaw tinang a htingbu ni hpe hku hkau ga tsun ma ai, rai ti mung, shanhte gaw dai ni a matu mahkam hpe teng teng hkam da nga ma ai.

EZEKELA 22:9

Na a amyu masha ni hta na nkau mi gaw sat kau hkrum na matu kaga masha ni a lam ni hpe masu magaw ga tsun nga ai. Amyu masha nkau mi gaw hpara sumla ni hpe nawng jau ai shagu hkungga shan ni hpe sha nga ma ai. Nkau mi gaw shanhte a ngang gayut ai amu ni hta tut nawng myit dik dum nga ma ai.

JAW JAU 19:16

Marai langai ngai a lam hpe shi wawn shi htawn hkum rai myit. Marai langai ngai gaw shi asak a majaw jeyang hkrum wu ai shaloi karum la na matu sakse hkam ya u. Ngai gaw dai Madu rai nga nngai.

MALAHKI 2:10

Anhte yawng kawa langai sha lu ga ai n rai ni? Anhte yawng hpe hpan da ai Karai Kasang mung langai sha rai nga ai n rai ni? Dai rai yang, shada da tawn da ai anhte a ga sadi ni hpe anhte hpa majaw run kau nna, anhte a kaji kawa ni hte Karai Kasang tawn da sai ga shaka hpe hpa majaw n sawn n sang di ga ta?

MAHTE 10:17

Masha ni hpe sadi nga mu, hpa majaw nga yang, shanhte gaw nanhte hpe rim la nna tara rung de ap kau na mara ai rai nna, tara jawng ni hta e nanhte hpe anu kayat na marin dai.

MAHTE 10:21

Masha ni gaw tinang a kahpu kanau shada da langai hte langai si na matu ap kau na mara ai. Kawa ni mung dai hte maren kasha ni hpe, kasha ni mung kawa ni hpe si na matu ap kau na mara ai.

LUKA 21:16

Nanhte a kanu kawa ni, kahpu kanau ni, mayu dama ni hte jinghku jingyu ni e pyi ap kau ai hkrum na marin dai, nanhte hta nkau mi hpe sat kau na mara ai.

1 HTESALONI 4:6

Ndai zawn re ai amu hta nanhte kadai wa mung, tinang a Hkristan hpu nau wa hpe shut hpyit ai lam shing n rai, hpu nau wa a ntsa e ahkaw ahkang la ai lam n mai galaw myit dai. Ndai lam shawng de nanhte hpe anhte tsun dan yu saga ai rai nna Karai Kasang gaw shut hpyit tawt lai ai ni hpe ari jaw na ra ai lam nanhte hpe aja awa sadi jaw dat ga ai.