YEREMIA 9:1 - Jinghpaw Common Language Bible 2009

¹ Nye a baw gaw hka htung hka, nye a myi ni gaw myi prwi hka hpawk tai mat na ngai ra sharawng nngai, shaloi ngai gaw sat kau hkrum sai nye a amyu masha ni a matu shani shana hkrap lu na rai nngai.

Jinghpaw Hanson Version Bible

¹ Nye amyu shayi sha hte seng ai sat kau hkrum ai ni majaw, ngai gaw shani shana hkrap ngu hkrap ngoi nga lu hkra, nye a baw ntsin hkrai, nye a myi gaw myi prwi lwi ai hka hpawk, tai u ga law.

YEREMIA 9:1 ပူးပေါင်းရင်းမြစ်များ

SHAKAWN KUNGDAWN 119:136

Masha ni na a tara hpe n madat n mara nga ma ai majaw, nye a myi prwi ni gaw hka nu zawn lwi nga li ai.

SHAKAWN KUNGDAWN 42:3

Ngai gaw shani shana hkrap nga nngai, shing rai, myi prwi ni sha, nye a lusha rai nga ai; “Na a Karai Kasang kanang nga nga a ta?,” nga nna aten shagu nye a gumlau hpyen ni ngai hpe san nga ma ai.

SHAKAWN KUNGDAWN 55:7

Tsan tsan de ngai pyen hkawm mat wa nna, nam mali hpe nye a nta shatai na we ai.

ESAIA 16:9

Ya chyawm gaw, ngai gaw Yazera a matu hkrap ai zawn Sibma a sabyi ru ni a matu hkrap na nngai. Amyu masha ni hpe kabu gara shangun na matu dai shara ni hta mangai n ngai nga ai majaw, nye a myi prwi ni gaw Heshbon hte Eleale a matu hkrat nga li ai.

ESAIA 22:4

Ya chyawm gaw si mat wa sai nye a amyu masha ni yawng a jaw e ahkup ahka nga hkra hkrap sharung na matu ngai hpe sha tawn da mi. Ngai hpe shalan shabran hkum rai myit.

YEREMIA 13:17

Dai ga ni hpe nang n madat ai rai yang, na a gumrawng gumtawng ai myit a majaw, ngai gaw n dan n leng ai shara hta hkrap na nngai; Dai Madu a amyu masha ni gaw bawng dung hkrum ai ni zawn rim hkrum nga ma ai majaw, ngai gaw ahkup ahka nga hkra hkrap ai hte nye a myi prwi lwi na ra ai.

YEREMIA 14:17

Dai Madu gaw nye a yawn hkyen ai lam hpe ning ngu amyu masha ni hpe tsun na matu ngai hpe hkang da nga ai: “Nye a myi prwi ni shani shana lwi nga u ga, ngai gaw galoi mung n sim n sa hkrap ngu hkrap ngoi nga u ga; hpa majaw nga yang, nye a amyu masha ni gaw grai sawng hkra hkala nba hkrum ai hte laja lana re machyi hkrum nga sai.

YEREMIA 3:10

Ndai amu ni yawng ngut boi ai hpang, Israela a sadi n dung ai kana, Yuda chyu sha ngai hpang de nhtang wa na matu jahpai chyai nga ai; shi gaw myit matu n ding nga ai. Dai Madu ngai nan tsun ni ai.”

YEREMIA 4:19

Machyi ai law! Ngai gaw dai machyi ai hpe n hkam lu nngai! Nye a myit masin! Nye a myit masin ja ja htuk htak nga li ai! Ngai atsin sha nga lu ai n rai; Ngai gaw pahtau dum ai nsen hte majan a jahtau garu ai nsen hpe na nngai.

YEREMIA 5:7

Dai Madu gaw, “Ngai gaw hpa majaw nye a amyu masha ni a yubak ni hpe raw ya ang nga a ni? Shanhte gaw ngai hpe kau da ai hte karai ajet n rai nga ai ni hpe nawku manu ai. Ngai gaw nye a amyu masha ni hkru kat ai aten du hkra jaw sha ni ai, rai ti mung, shanhte gaw lashaw numshaw amu shut hpyit nhtawm shawa num ni hte shanhte a aten shama nga ma ai.

YEREMIA 6:26

Dai Madu gaw shi a amyu masha ni hpe, “Lachyit nba bu hpun nna wan dap hta galwi nga mu; nang hpe jahten sharun na matu akajawng sha htim gasat sa wa ai a majaw, shadang sha shingtai si mat wa ai zawn, aja awa sharung shayawt nga mu.

YEREMIA 8:18

Nye a yawn hkyen ai gaw shamai shatsai lu na n rai; Ngai gaw myit masin hta machyi nga nngai.

YEREMIA 9:18

Amyu masha ni gaw, “Anhte a myi ni hta myi prwi ni hpring wa ai hte hkrap agru ai majaw anhte a myi hpyi ni madi mat ai aten du hkra, anhte a matu makoi mayang mahkawn mangoi mahkawn hpe alawan sa mahkawn na matu shanhte hpe tsun mu,” ngu nna tsun mu ai.

SHARUNG SHAYAWT 2:11

Nye a myi ni gaw hkrap ngu hkrap ngoi hte hki ba nga ai; nye a wenyi nchyi nmu hkrum nga ai. Ngai gaw nye a amyu masha ni a hten byak ai yawn hkyen lam hte atsu atsa nga nga nngai. Ma kaji ni hte ma chyangai ni mung mare nmaw lam hkan e malap mali ndum ndam rai ma ai.

EZEKELA 22:12

Amyu masha nkau mi gaw gumhpraw a jaw e masha sat ma ai. Nkau mi gaw shanhte a kahpu kanau Israela masha ni hpe gumhpraw amyat tam sha nna, sut su wa na matu shanhte hpe mawp sha nga ma ai. Shanhte gaw ngai hpe mung malap kau manu ai.” Dai Tsaw Htum ai Madu tsun nu ai.

HOSEA 7:4

Shanhte yawng gaw gumle gumlau re ai ni hte sadi n dung ai ni rai ma ai. Muk kabaw ai wa gaw muk shadung kabaw na matu jin jin galaw da ai aten du hkra wan htung na wan n shagrung ai zawn shanhte a n ju n dawng ai myit gaw kraw kata e hkru nga ai.