YEREMIA 8:5 - Jinghpaw Common Language Bible 2009

⁵ Dai re ai mi, nye a amyu masha ni e, nanhte gaw n nhtang wa ai sha, ngai kaw na hpa majaw tut nawng kayin mat wa nga myit ni? Nang gaw na a hpara sumla ni hpe myit noi ai hte ngai hpang de nhtang wa na matu ningdang nga ndai.

Jinghpaw Hanson Version Bible

⁵ Dai rai yang, ndai amyu ngu ai, Yerusalem masha ni gaw, hpa majaw htani htana htak mat wa ma ta? shanhte gaw hkalem hkalau ai hta len nga ma ai; bai n htang wa hkraw ma ai.

YEREMIA 8:5 ပူးပေါင်းရင်းမြစ်များ

YEREMIA 5:3

Dai Madu gaw kaja wa kangka ai hpe tam nga ai. Shi nang hpe kayat ti mung, nang hpa zawn n nawn nga ndai; shi nang hpe agrawp mani kau ti mung, sharin la na matu nang ningdang kau nga ndai. Nang gaw du ja nna na a yubak ni kaw na n kayin wa nga ndai.

ZEHKARIA 7:11

“Rai ti mung, nye a amyu masha ni mahtang du ja ai hte n madat hkraw ma ai. Shanhte gaw tinang a myit masin

HEBRE 12:25

Nanhte gaw, dai mungga tsun ai wa hpe n madat ya ai sha ningdang kau ai lam n byin u ga, sadi nga mu. Ndai ga ntsa e shadum shahprang ai wa a ga hpe na la na ningdang kau ai ni yubak ari hta na n lawt lu ma ai, Dai rai nna, anhte gaw, Sumsing lamu kaw nna tsun ai wa hpe shingdu kayin kau ga yang gaw yubak ari kaw na anhte lawt na lam grau n nga mali ai.

YAWHAN 5:40

Dai re ai mi, asak hkrung ai lu la na matu nanhte gaw ngai hpang de n sa mayu myit dai.

HOSEA 11:7

Shanhte gaw ngai kaw nna kayin mat wa na matu shadut jahkat ma ai. Shanhte a ntsa e mara ya ai kandang a majaw shanhte marawn jahtau na mara ai; rai ti mung shanhte hpe kadai e mung tau sharawt la na n rai.

YEREMIA 5:27

Jaugawng wa gaw shi a u rawng hta u law law hte jahpring da ai zawn, shanhte mung shanhte a nta ni hta lagu la lu ai arai ni hte jahpring da ma ai. Shing re ai majaw, shanhte gaw n-gun lagaw rawng wa nna sut su ai ni tai wa nga masai.

ESAIA 44:20

Dai gaw wan dap amawp sha nga ai zawn grau kaja ai lam shadan dan na ra ai. Shi a angawk ai myit mang lam gaw karum la n lu mat hkra shi hpe lam woi shadam kau nu ai. Shi a lata hta shi lang da ai hpara sumla gaw dik dik karai n rai nga ai lam hpe shi hkum nan yin la na ra ai n rai.

ESAIA 30:10

Shanhte ni gaw myihtoi ni hpe atsin sha nga na matu tsun ma ai. Shanhte gaw, “Teng man ai amu anhte hpe hkum tsun dan mi. Anhte na mayu ai hpe sha tsun mu. Anhte a n teng n man ai ga ni hpe atsun na ga ai.

SHINGRAN 2:25

Rai ti mung nanhte lu ai made hpe, ngai du ai du hkra ngang ngang kang kang manat da mu.

1 HTESALONI 5:21

yawng mayawng hpe jep dinglik yu nna mai kaja ai hpe hkap la shagrin da nna,

HOSEA 4:16

Israela amyu masha ni gaw lawze ni zawn du ja nga ma ai; ngai gaw shanhte hpe dam ai tsingdu pa na sagu kasha ni hpe zawn kaning rai rem lu na rai ta?

YEREMIA 2:32

Numsha mahkawn gaw shi a ja rai, num nnan gaw shi a hkungran hpun palawng hpe malap da mai nga a ni? Rai ti mung, nye a amyu masha ni chyawm gaw ngai hpe malap kau ai nhtoi ni n dang hti hkra law nga sai.

ESAIA 1:20

Rai ti mung nanhte ngai hpe ninghkap myit dai rai yang, nanhte gaw si ai dingnye lu na rai myit dai. Ngai dai Madu nan tsun ni ai,” ngu nna tsun ai.

GA SHAGAWP 4:13

Nang sharin hkam la lu sai lam hpe tut nawng e adum nga u; na a hpaji gaw na a asak rai nga ai majaw, dai hpe atsawm sha sin da u.

YEREMIA 5:6

Dai re ai majaw, maling na hkanghkyi ni gaw shanhte hpe sat kau na mara ai; zaibru jang na chyahkyawn ni gaw shanhte hpe gang amya je kau na mara ai, rawngteng ni gaw shanhte a kahtawng ni hkan lagyim hkawm na mara ai. Ndai amyu masha ni pru hkawm yang, shanhte gaw ashep ashin rai gang je kau hkrum na mara ai, hpa majaw nga yang, shanhte a yubak mara ni law nga ai hte lang hte lang, Karai Kasang kaw na htak mat mat rai ma ai.

YEREMIA 14:7

Nye a amyu masha ni gaw ngai hpe, ‘Anhte a yubak mara ni anhte hpe mara shagun tim pyi, Madu e, na a ga sadi hte maren, anhte hpe karum la mi. Anhte gaw nang kaw na law law lang kayin mat wa saga ai; anhte gaw nang hpe shut hpyit kau saga ai.

Daniela 9:11

Israela amyu ting na a tara ni hpe jahten kau nna nang tsun ai ga hpe hkan madat na, ningdang kau masai. Anhte nang hpe yubak galaw saga ai majaw, na a shangun ma Mawshe a Tara hta ka da sai dagam dala ga ni anhte hpang de la sa ya nit dai.

YEREMIA 3:5

Nang gaw tut nawng masin pawt ai n rai; nang gaw ngai hpe htani htana mana shachyoi nga ai n rai,’ ngu nna tsun ai. Israela e, dai hku nang tsun nit dai, rai ti mung nang dang galaw ai n hkru ai amu yawng hpe nang galaw ndai.”

YEREMIA 6:17

Dai hpang, dai Madu gaw pahtau hte sadi jaw ai nsen hpe madat na matu sin langa masha ni hpe lit jaw da nu ai. Rai ti mung shanhte gaw, “Anhte n madat na ga ai,” ngu nna bai tsun ma ai.

YEREMIA 6:19

Ginding aga e, madat u! Shanhte gaw nye a sharin shaga ai ga ni hpe shinggan kau ya ai hte nye a matsun maroi mungga ni hpe n hkan ma ai majaw, shanhte a myit mang yaw shada ai lam yawng a matu ari, ndai amyu masha ni a ntsa e sharun shabyak ai tsin-yam tsindam shapraw dan na we ai.

HOSEA 11:5

“Shanhte gaw ngai hpang de nhtang wa na matu ningdang kau ma ai, dai rai nna shanhte gaw Egutu mung de nhtang wa lu na rai ma ai, Asuri gaw shanhte hpe up na mara ai.

HOSEA 13:2

Shanhte gaw masha a myit hte kumla shapraw nna masha a lata hte galaw da ai gumhpraw hpara sumla ni, nawku na matu nhprang arai ni hte galaw ai hkrang sumla ni hpe galaw let yubak hpe naw matut shut nga ma ai. Dai hpang shanhte gaw, “Shanhte hpe shagu hkungga nawng ya mu!,” ngu nna tsun ma ai. Masha gaw ndai hpara sumla ni hte mung, dumsu usu hkrang re ai hpara sumla ni hpe kaning rai pup lu na rai hka!