YEREMIA 8:4 - Jinghpaw Common Language Bible 2009

⁴ Dai Madu gaw shi a amyu masha ni hpe ning ngu tsun na matu tsun wu ai: “Marai langai ngai kataw ai shaloi shi bai n rawt lu a ni? Marai langai ngai lam yit ai rai yang, shi bai nhtang wa ai n rai ni?

Jinghpaw Hanson Version Bible

⁴ “Bai shanhte hpe ning ngu tsun u, Yehowa ning nga ai: Kataw ai wa gaw, bai n rawt na a ni? Lam yit mat wa ai wa gaw, n htang wa na a ni?

YEREMIA 8:4 ပူးပေါင်းရင်းမြစ်များ

1 HKAWHKAM 8:38

ana ahkya hte machyi makaw shanhte hta hkrum sha yang, shanhte a akyu hpyi ga ni hpe madat mara ya u. Na a amyu masha Israela hta na kadai rai ti mung tinang a yawn hkyen ai myit hpe shapraw let ndai Nawku Htingnu de shanhte a lata sharawt nna akyu hpyi ai rai yang,

GA SHAGAWP 24:16

Ding hpring ai masha wa gaw gade lang kataw ti mung, shi gaw tut nawng e, bai rawt wa lu nga ai; rai ti mung, tsin-yam tsindam gaw tara n lang ai wa hpe jahten sharun kau nga ai.

ESAIA 44:22

Ngai gaw sumwi zawn na yubak ni hpe ye kau ya ni ai. Ngai hpang de nhtang wa rit; ngai gaw nang hpe hkye la ai wa rai nga nngai,” ngu tsun ai.

ESAIA 55:7

N hkru ai ni gaw shanhte a asak hkrun lam hpe kau da nna shanhte a myit mang ai lam galai shai kau nga mu ga. Shanhte gaw dai Madu anhte a Karai Kasang hpang de kayin wa mu ga; shi gaw matsan dum chye ai wa rai nna mara raw dat ya na matu lawan nga ai.

YEREMIA 23:14

Rai ti mung, shanhte hta grau sawng ai Yerusalem mare na myihtoi ni hpe ngai mu se ai: shanhte gaw num shaw la shaw amu shut hpyit nhtawm masu magaw ga ni tsun ma ai; shanhte gaw amyu masha ni hpe shut ai amu galaw na karum ya ma ai, shaloi, n hkru ai amu galaw nga ai hpe kadai mung jahkring da lu na ra ai n rai. Shanhte yawng gaw nye a man e n hkru ai Sodom hte Gomora mare masha ni zawn rai ma ai.

YEREMIA 3:1

Dai Madu gaw, “Lasha langai ngai gaw shi a madu jan hpe jahka kau nna, num dai gaw shi kaw na pru mat wa ai hte kaga masha wa a madu jan tai ai rai yang, shi gaw dai numsha hpe bai la lu na n rai. Dai zawn re ai amu gaw lamu ga hpe tsep kawp awu asin di nga ai. Rai ti mung, Israela e, nang chyawm gaw sumtsaw law law lu yu nga ndai, ya chyawm gaw nang ngai hpang de nhtang wa mayu nga nit hka!

YEREMIA 3:22

Dai Madu kaw na kayin mat wa ai nanhte yawng hte e, nhtang wa marit; shi gaw nang hpe shamai shatsai nna nang hpe sadi dung shangun na ra ai. Nang gaw, “Rai sa, shi gaw anhte a Karai Kasang rai nga ai majaw, anhte dai Madu hpang de sa wa nga ga ai.

YEREMIA 36:3

Yuda amyu masha ni hta, ngai shanhte a ntsa e galaw na myit shatawng shada da ai jahten shabyak lam mahkra hte seng ai hpe na wa ai shaloi, shanhte gaw n hkru n shawp ai amu kaw na kayin wa dam nhten. Shaloi, ngai gaw shanhte a n hkru n shawp ai hte shut hpyit kau ai yubak mara ni hpe raw dat kau ya na nngai,” ngu nna tsun wu ai.

YEREMIA 4:1

Dai Madu gaw, “Israela amyu masha ni e, nang kayin wa mayu ai rai yang, ngai hpang de kayin wa marit. Nang ngai hta sadi dung ai rai yang ngai n dawng ai hpara sumla ni hpe htawt kau u,

EZEKELA 18:23

Dai Tsaw Htum ai Madu gaw, “N hkru ai wa si wa yang, ngai yu kabu na zawn nang myit nawn nga n ni?,” ngu nna san wu ai. Shi gaw, “Dai hku n rai law, shi myit malai wa nna hkrung nga na hpe ngai grau nna mu mayu nga nngai.

HOSEA 14:1

Israela amyu masha ni e, nanhte a yubak gaw nanhte hpe ahtu kataw shangun nga manit dai majaw dai Madu nanhte a Karai Kasang hpang de nhtang wa mu.

HOSEA 6:1

Amyu masha ni gaw, “Anhte dai Madu hpang de nhtang wa saga! Shi gaw anhte hpe machyi shangun nu ai, rai ti mung shi gaw anhte hpe teng teng shamai shatsai ya na ra ai; shi gaw anhte hpe nma shakap ya nu ai, rai ti mung shi gaw anhte a nma ni hpe kayawp ya na ra ai, shi galaw na n rai ni?

HOSEA 7:10

Israela amyu masha ni a myit tsaw myit dap ai gaw shanhte a matu sari jahpoi hkrum na lam rai nga ai. Lam magup byin hkrum hkra nga ma tim, shanhte gaw dai Madu shanhte a Karai Kasang ngai hpang de n kayin wa ma ai.

AMO LAIKA (AMOS) 5:2

Israela hkawn sek gaw kataw mat sai, Galoi mung bai rawt lu na n rai! Shi gaw ga ntsa e kabai tawn da hkrum nga sai, Kadai mung shi hpe karum sharawt la ai n rai.

MIHKA 7:8

Anhte a gumlau hpyen ni gaw anhte a ntsa e lachyum kata, yu kabu nga ma ai. Anhte kataw mat ai rai ti mung bai rawt wa lu na ga ai. Ya, anhte nsin kata hta rawng nga ga ti mung, dai Madu gaw anhte hpe nhtoi jaw ya na ra ai.