YEREMIA 8:2 - Jinghpaw Common Language Bible 2009

² Sumpum da na hte lup kau na malai, shanhte a nrut nra ni gaw ga ntsa e namhpun zawn taw nga na mara ai. Shanhte gaw shanhte tsaw ra ai hte daw jau yu nna shanhte bawng ban jahkrup ai hte nawku yu sai ajan, shata hte shagan ni a man e lam da ai hkrum na mara ai.

Jinghpaw Hanson Version Bible

² shanhte tsawra ai, daw jau ai, hkan nang ai, hkan tam nna nawku ai ajan, shata hte lamu na zaw nawng zaw wa ni a man e lam da na mara ai. Dai nrut nra ni hpe sumpum da na mung n rai, lup kau na mung n rai, ga ntsa e namhpun tai na mara ai.

YEREMIA 8:2 ပူးပေါင်းရင်းမြစ်များ

2 HKAWHKAM 17:16

Shanhte gaw dai Madu shanhte a Karai Kasang a tara ni yawng hpe jahten sharun kau nhtawm shanhte nawku na matu nhprang arai hte shachyaw ai dumsu kasha sumla lahkawng hpe galaw ma ai. Shanhte gaw Ashera karai num a gawkngu sumla langai mi hpe galaw nna, shagan ni hpe nawku let Bala karai ni hpe daw jau nga ma ai.

2 HKAWHKAM 21:3

Shi a kawa Hezekia run jahten kau sai tara maigan masha ni a nawku shara ni hpe shi bai de da nna, Israela Hkawhkam Ahab galaw nu ai hte maren, Bala hpe nawku na tawn hkungri ni hpe shi galaw nna Ashera karai num a gawkngu sumla hpe mung galaw nu ai. Manashe gaw shagan ni hpe nawku wu ai.

2 HKAWHKAM 21:5

Shi gaw Nawku Htingnu na wang lahkawng hta shagan ni yawng hpe nawku lu hkra nga, tawn hkungri ni hpe galaw da wu ai.

2 HKAWHKAM 23:5

Shi gaw Yuda mung na mare ni hte Yerusalem mare makau hkan nga ai tara maigan ni a tawn hkungri ni a ntsa hta shagu hkungga nawng ya na matu Yuda hkawhkam ni e aya dang ya ai hkinjawng ni hpe rung kaw nna mung, Bala hpara hte jan, shata, shagan ni hte sumsing lamu na gintawng ni hpe shagu hkungga nawng jau ya ai hkinjawng ni yawng hte hpe yeng seng kau wu ai.

SHAKAWN KUNGDAWN 53:5

Shaloi, shanhte gaw shawng de galoi mung garai n hkrum kadup yu ai kaba la ai hkrit kahpra lam hpe hkrum hkra wa na mara ai; hpa majaw nga yang, Karai Kasang gaw shi a amyu masha ni a gumlau hpyen ni a nrut nra ni hpe gat kau ya na ra ai. Karai Kasang shanhte hpe ningdang kau mu ai majaw, Israela amyu masha ni shanhte hpe awng dawm dang kau na mara ai.

SHAKAWN KUNGDAWN 83:10

Nang shanhte hpe Endora e dang kau ai hte shanhte a moi mang ni gaw ga ntsa e, yat taw mat mu ai.

SHAKAWN KUNGDAWN 83:11

Oreb hte Zeeb hpe nang galaw kau ai zawn, shanhte a ningbaw ningla ni hpe mung di u; Zeba hte Zalmuna hpe nang galaw kau ai zawn, shanhte a du salang ni yawng hte hpe mung dang kau u,

HPAJI NINGLI 6:3

Anhte gaw shaning law law nga lu nna kashu kasha latsa shaprat let kade ning mi hkrung nga lu ti mung, anhte a kabu gara ai kamhtaw n lu la ai hte atsawm sha makoi mayang n hkam la lu ga ai rai yang, nbya bya mat ai pyi grau kaja nga ai ngu ngai tsun mayu nngai.

YEREMIA 14:16

Shanhte tsun shaga ai ga ni hpe hkan hta la ai amyu masha ni gaw dai hte maren sat kau ai hkrum na mara ai. Shanhte a moi mang ni gaw Yerusalem lam nmaw ni hkan kabai tawn ai hkrum nna, shanhte hpe lup makoi na masha langai mi mung nga na n rai. Ndai lam ni gaw shanhte a madu jan ni, shadang sha ni hte shayi sha ni yawng hta byin wa na mara ai. Shanhte a n hkru ai amu a shabrai, ngai shanhte hpe jaw na we ai,” nga nna tsun ai.

YEREMIA 16:11

Dai hpang, dai Madu gaw ning nga ai nga nna shanhte hpe tsun u: ‘Na a nji nwa ni gaw ngai kaw nna kayin mat wa nna kaga hpara ni hpe nawku ai hte daw jau ma ai. Shanhte gaw ngai hpe kau da nhtawm nye a sharin shaga ai ga ni hta n hkan nga ma ai.

YEREMIA 16:4

Shanhte gaw hkrit hpa ana zinli ni hte si na mara ai; kadai mung shanhte a matu yawn madai ai hte lup makoi na n rai. Shanhte a moi mang ni gaw ga ntsa na namhpun sumpum ni zawn taw nga na mara ai. Shanhte gaw hpyen majan hta sat kau hkrum nna kawsi hpang gara ai hte htum mat na mara ai; shanhte a si mang ni gaw ntsa malen u ni hte matse labye ni a matu shahpa tai na mara ai.

YEREMIA 16:6

Sut su ai ni hte matsan mayan masha ni ndai mungdan hta si na mara ai, rai ti mung, kadai mung shanhte hpe lup makoi na mara ai n rai, shanhte a matu sharung shayawt na ma ai n rai. Kadai mung tinang hkum hpe jahpye lu na n rai, yawn hkyen ai kumla madun na matu shi a baw hpe shangun lu na n rai.

YEREMIA 19:13

Nta numgaw hkan e, shagan ni hpe manam pyaw ai baw wan nat nawng nna, kaga hpara ni hpe hkungga nawng jau ai zawn sabyi ru jaw ma ai majaw, Yerusalem mare nta ni hte Yuda hkawhkam ni a nta ni gaw Tohpet shara zawn teng teng awu asin tai mat na ra ai nga nna shanhte hpe htawn tsun u,” ngu nna tsun ai.

YEREMIA 22:19

Lawze hpe shagrau sha-a lup makoi kau ai zawn shi gaw dun garawt ai hkrum nna Yerusalem a chyinghka ni a shinggan de kabai kau hkrum na ra ai,” ngu nna tsun ai.

YEREMIA 25:33

Dai shani e, dai Madu sat kau ai moi mang ni gaw ginding aga maga mi kaw nna maga mi de du hkra, jawng taw nga na mara ai. Shanhte a matu kadai mung sharung shayawt na ma ai n rai, shanhte hpe kadai mung hpai la nna lup makoi kau na mara ai n rai. Dai ni gaw namhpun hpe sumpum da ai zawn ga ntsa e taw nga na mara ai.

YEREMIA 31:40

Si ai ni hpe makoi mayang ai lupwa hte maza mala ni hpe kabai sumpum da ai kadit ting hte sinpraw maga Gumra Chyinghka du hkra Kidron hkaraw ntsa hkan na sun ni yawng gaw nye a chyoi pra ai shara ni tai na mara ai. Dai mare gaw galoi mung bai run kau ai hte jahten shabyak kau ai hkrum na n rai,” nga nna tsun ai.

YEREMIA 36:30

Ya chyawm gaw, Dawi a mungdan hpe up hkang na na a aru arat ni kadai mung paw pru na ra ai n rai, nga nna nang hkawhkam Yehoiakim hpe dai Madu ngai nan tsun nga nngai. Na a moi mang gaw shani na nhtoi hta jan prang hte shana e hkyen hta kabai tawn da ai hkrum na ndai.

YEREMIA 9:20

Ngai gaw, “Numsha ni e, dai Madu a ga hpe madat mu, shi a ga ni hta myit jung mu. na a shayi sha ni kaning rai sharung shayawt na lam sharin ya mu, na a manang ni kaning rai makoi mayang mahkawn hkawn na lam sharin ya mu.

YEREMIA 9:21

Si Du gaw anhte a hkuwawt hku tawt bang nna anhte a hkawhkam htingnu ni hta shang nga ai; ma kaji ni hpe lam nmaw hkan, shabrang ni hpe shawa gat ginra ni hkan sat sharu kau da nga ma ai.

YEREMIA 9:22

Masha si mang ni gaw hkauna pa hkan sumpum nga ai namhpun ni hte man dan ai wa a hpang e, lahkawn shinggyin la ai wa n nga ai hkauling zawn shara shagu hkan ayai taw nga ai. Ndai gaw dai Madu ngai hpe tsun shangun mayu ai ga rai nga ai,” ngu nna tsun ai.

EZEKELA 29:5

Ngai gaw nang hte hpawn nga ni mahkra hpe zaibru jang e kabai tawn na nngai. Na a hkum gaw dai hku n lup makoi ai sha ga ntsa e taw nga na ra ai. Ngai gaw ntsa malen u ni hte matse labye dusat ni a shahpa a matu dai hpe jaw na nngai.

EZEKELA 39:5

Shanhte gaw pa ga e kadawng si na mara ai. Tsaw Htum ai dai Madu ngai nan tsun ni ai.

EZEKELA 6:5

Ngai gaw Israela amyu masha ni a moi mang ni hpe ayai kau nna shanhte a nrut nra ni hpe tawn hkungri grup yin mahkra hkan gat ayai da na nngai.

EZEKELA 8:16

Dai rai nna, shi gaw ngai hpe Nawku Htingnu wang kata de matut nna woi sa wa wu ai. Dai chyoi pra ai Nawku Htingnu a chyinghka lam makau na npan hte tawn hkungri lapran e masha hkun manga daram nga nga ma ai. Shanhte gaw chyoi pra ai Nawku Htingnu hpe shingdu dat kau nhtawm, sinpraw maga de gum dagup let, rawt lung wa nga ai ajan hpe nawku nga ma ai.

ZEHPANI 1:17

Dai Madu gaw, “Shinggyim masha ni a ntsa e dai zawn re ai tsin-yam tsindam shangun dat nna, masha hkum shagu gaw myi n mu ai wa zawn lamawm hkawm wa na mara ai. Shanhte gaw ngai hpe yubak galaw ma ai majaw, shanhte a asai hpe ya jang, hka zawn ru pru wa wa nna shanhte a moi mang ni gaw ga ntsa e yat mara taw nga na mara ai,” ngu nna tsun ai.

ZEHPANI 1:5

Kadai mung tinang nta ntsa de lung wa nna ajan, shata hte shagan ni hpe nawku nga ai ni hpe ngai jahten kau na we ai. Ngai hpe nawku daw jau ai hte ngai hta ga sadi dung nga na nga nna dagam da ai ni ngai kaw nna htak mat wa nhtawm Molek hpara a mying nsang hta ga shaka la ai ni hpe ngai shamyit kau na we ai.

KASA 7:42

Dai rai nna myihtoi laika hta, “Israela amyu masha ni mali shi ning tup nam mali e nanhte a dusat hkungga ni hpe sat nna nawng jau ai gaw ngai hpe jaw ai n rai myit dai!

TARA JAHPRANG 17:3

dai Madu a hkang da ai ga hte nhtan shai nna kaga karai ni hte jan, shata hte shagan ni hpe nawku let daw jau ai rai yang,

TARA JAHPRANG 4:19

Nanhte mu lu ai lamu na ajan, shata hte shagan ni hpe nawku daw jau ai agung alau mung n hkrum nga myit ga; dai gaw kaga masha yawng a matu dai Madu nanhte a Karai Kasang san da ya ai ni rai nga ai.