YEREMIA 8:1 - Jinghpaw Common Language Bible 2009

¹ “Dai aten e, Yuda hkawhkam ni hte du salang ni a nrut nra ni, hkinjawng ni hte myihtoi ni a nrut nra ni hte Yerusalem hta shanu nga ai kaga tsasam masha ni a nrut nra ni mung shanhte a lup ni hta na shaw la kau hkrum na mara ai.

Jinghpaw Hanson Version Bible

¹ “Yehowa ning nga ai: Dai aten e shanhte gaw Yuda hkawhkam ni a nrut nra, du salang ni a nrut nra, hkinjawng ni a nrut nra, myihtoi ni a nrut nra ni hte, Yerusalem masha ni a nrut nra ni hpe, tinang a lup ni hta na shapraw kau nhtawm,

YEREMIA 8:1 ပူးပေါင်းရင်းမြစ်များ

1 HKAWHKAM 13:2

dai Madu a hkang da ai ga hta hkan sa na matu, tawn hkungri hpe ning ngu nna myihtoi wa htawn tsun wu ai: “O tawn hkungri e, Tawn hkungri e, dai Madu tsun ai ga gaw da ndai rai nga ai. Yoshia ngu ai ma langai mi Dawi a dinghku hta shangai wa na ra ai. Shi gaw tara maigan tawn hkungri hta na a matu shagu hkungga nawng ya let daw jau amu gun hpai ya nga ai hkinjawng ni hpe sat nawng ya nna masha a nrut nra ni hpe mung nang hpe nat nawng ya na ra ai.”

2 HKAWHKAM 23:16

Dai hpang Yoshia gaw grup yin de mada yu wu yang, bum ntsa e nga ai lup nkau mi hpe mu wu ai; dai hta na nrut nra nkau mi hpe htu shaw la nhtawm tawn hkungri ntsa e nat kau wu ai. Ndai lam hku nna, moi shawng de tawn hkungri e Hkawhkam Yeroboam tsap nga nna poi galaw nga yang, myihtoi wa tau tsun da nu ai hte maren, galaw nna tawn hkungri hpe awu asin di kau wu ai. Hkawhkam Yoshia mung makau grup yin de mada yu dat wu yang, tau nna tsun da sai myihtoi wa a lup rai nga ai hpe mu wu ai.

2 HKAWHKAM 23:20

Shi gaw tara maigan hkinjawng ni yawng hpe shanhte daw jau ai tawn hkungri ntsa hkan e sat kau wu ai; masha a nrut nra ni hpe mung tawn hkungri shagu hta shi nat kau wu ai. Dai hpang Yerusalem mare de shi bai nhtang wa wu ai.

2 HKAWHKAM 9:37

Kadai mung shi a lup rai nga ai nga nna alak mi n madun lu hkra naw ngam nga ai shi a mang gaw dai yang e hkyi sumpum zawn agat kau ai hkrum na ra ai.’”

SHAKAWN KUNGDAWN 53:5

Shaloi, shanhte gaw shawng de galoi mung garai n hkrum kadup yu ai kaba la ai hkrit kahpra lam hpe hkrum hkra wa na mara ai; hpa majaw nga yang, Karai Kasang gaw shi a amyu masha ni a gumlau hpyen ni a nrut nra ni hpe gat kau ya na ra ai. Karai Kasang shanhte hpe ningdang kau mu ai majaw, Israela amyu masha ni shanhte hpe awng dawm dang kau na mara ai.

YEREMIA 14:16

Shanhte tsun shaga ai ga ni hpe hkan hta la ai amyu masha ni gaw dai hte maren sat kau ai hkrum na mara ai. Shanhte a moi mang ni gaw Yerusalem lam nmaw ni hkan kabai tawn ai hkrum nna, shanhte hpe lup makoi na masha langai mi mung nga na n rai. Ndai lam ni gaw shanhte a madu jan ni, shadang sha ni hte shayi sha ni yawng hta byin wa na mara ai. Shanhte a n hkru ai amu a shabrai, ngai shanhte hpe jaw na we ai,” nga nna tsun ai.

EZEKELA 37:1

Dai Madu a hpung shingkang gaw ngai hta nga ai rai nna, shi a wenyi gaw ngai hpe woi lakawn mat wa nna, nrut nra ni hte hpring ai kadit shara hta tawn da wu ai.

EZEKELA 6:4

Tawn hkungri ni ashep ashin rai mat nna manam pyaw ai baw nat nawng ya ai tawn hkungri ni agrawp daw mat na mara ai. Shanhte a hpara sumla ni a man e nga ai masha ni yawng sat kau hkrum na mara ai.

EZEKELA 6:5

Ngai gaw Israela amyu masha ni a moi mang ni hpe ayai kau nna shanhte a nrut nra ni hpe tawn hkungri grup yin mahkra hkan gat ayai da na nngai.

AMO LAIKA (AMOS) 2:1

Dai Madu gaw, “Moba masha ni lang hte lang yubak galaw shut kau nga masai, dai lam a majaw ngai shanhte hpe teng teng ari jaw na we ai. Shanhte gaw Edom hkawhkam wa a nrut nra ni hpe wan wu tai mat hkra ju kau let n gawn n sawn di ma ai.